Hlôngr yiêz, cxiv kho đuô tsưr tsix bộ máy-luôs hâux lưv tsuv uô sei

Đros thiêz tsưr tsix Đảng, Nghị quyết heik mênhx: Suôx câuv têx Ban chox kriê Tây Bắc, Tây Nguyên, Tây Nam Bộ li hâux lưv uô; tsưr tsix đuô Đảng bộ nhoz đrâuv luôs 2 chas têz qơưk thiêz Đảng bộ Ngoại giao trơưk tsưr ziv cê taz por cui tinhv, cê taz por tâu trơưk tsưr ziv chiê chuôz tsar tiês luôs hâux lưv cxiv tsa Đảng, gra siêz têx tsưr tsix Đảng nhoz đrâuv luôs 2 chas têz qơưk li tsưr ziv, vax huôv chox car thiêz sơưr tơưv txênhz, lês uô cxuô luôs hâux lưv. Văn phòng ban chox kriê hlôngr yiêz tư pháp T.Ư zuôr xa lok trâu Ban Nội chính T.Ư thiêz tsưr tsix đuô cov huv đros. Hâux lưv tsưr tsix têx lênhx nênhs lês uô têx nuv têz qơưk nhoz T.Ư, ntơưv qơư, Mặt trận tổ quốc thiêz têx đoanx thêv chính trị xã hội cux zuôr tâu phênhz đuô cov fiv đros. Đại biểu Dương Trung Quốc, đoanx Đồng Nai heik: No zos têx hâux lưv zuôr trâus uô ciês chiê phênhz đuô têx lênhx nênhs lês car uô têx nuv chính trị têz qơưk, lar heik zos hâur ntu phiv liv tsi muôx nhiêx txiêx li no, taz sik ho tsuv zus ntâu lênhx. Trơưk zơưv Dương Trung Quốc, chiê uô tâu luôs hâux lưv co, tsuv uô đros trâu txo grêk tsơưs lênhx nênhs uô hâux lưv:

“Cur pov hâux lưv co zos sâu grêiv têx qơư lês uô têx hâux lưv lox taz sik lênhx nênhs pok zuôr txo grêk tsơưs tâu? Cux bâuv li co lênhx nênhs nox nhiêx hli txix têz qơưk nhiêx txiêx. Kror uô  kaz ciês zos lok sâuv nhiêx hli. Yuôr hâux lưv sâu grêiv li heik co tsuôk zos lav uô trâu uô hâux lưv xưz, cov cxoz siz yôngx taz sik cux bâuv li ntơư lênhx nênhs, bâuv li ntơư chor nênhs uô hâux lưv. Mak co zos tsưr ziv xuz thơưx cur pov zuôr trâus uô, taz sik txix tsưr ziv no tsuv uô cov tâu tsênhz mênhx, zos txo grêk tsơưs phiv liv trâu nhiêx txiêx lok sâuv sir zôngv tsi so”.

Nhiv no tsênhv ntâu lênhx nênhs lês car uô têx hâux lưv tsi fiv đros trâu ntu têz qơưk hlôngr yiêz nhiv no. Chênhr viv li, tsuv hlôngr yiêz zos txo grêk tsơưs nênhs. Đros thiêz ntơưv qơư, bộ ngênhx tsuv sir jos sik đros uô. Trơưk li đại biểu Phan Ngọc Thọ, đoanx Thừa Thiên-Huế, zênhx tsi zôngx ziv uô hlôngr yiêz tâu têx siêz xar, tsưr ziv jênhv pâuz hâur hlôngr yiêz tsưr tsix txos trâu txo grêk tsơưs lênhx nênhs lês car uô têx nuv thiêz zov chênhr zos gra siêz tsơưr lươngv cxiv tsa têx lênhx nênhs uô chor nuv co hâur seiz car, chox kriê têx tsưr tsix chính trị cux li hâu nov ntơưv qơư uô hâux lưv. Viv li, tsuv muôx tsưr ziv jông chiê taz por uô tâu trơưk tsưr ziv, siêz xar hâur sir zôngv, seiz car têx canr bôv, nhân viên nhiv no:

“Tsưr tsix têx lênhx nênhs lês car uô têx hâux lưv têz qơưk muôx têx hlôngr uô trơưk ntâu tsưr ziv, taz sik uô iz tuk jux juk mak lok six lax, tsuv muôx tsưr ziv nzaz nzơưv têx lênhx txơưx njê, muôx txux chi pênhr xưv chiê lês uô tâu têx luôs hâux lưv. Iz chas ntơư, tsưr ziv txo grêk tsơưs 10% lênhx nênhs uô hâux lưv hâur ntu nhiv no, đros trâu 2 tsênhv njiêz co chiê muôx tsưr ziv phênhz, muôz lok siz côngv uô cê zos iz kro tsuv tiz jông seiz lax chiê muôx tsưr ziv tsưr tsix tâu trơưk chei, cui tinhv, taz por lênhx nênhs uô tâu hâux lưv jông. Têx lênhx so  hâux lưv, tsi uô hâux lưv cux tsuv uô trơưk đreiv cui tinhv nhiv no”.

Iz hâur têx hâux lưv, tsưr ziv tâu tso tơưv hâur Nghị quyết zos Cui tinhv zuôr lênhx nênhs cov fiv thiêz huv đros nhoz hâu nov, ủy viên thường trực, ủy viên lês car uô đreiv têx luôs hâux lưv hâur Hôiv đôngx Mênhx cxưx thiêz têx ủyban hâur Côx hội trơưk tsưr ziv txo grêk tsơưs têx lênhx phưv thiêz ủy viên thường trực; Phênhz thiêz tsưr tsix đuô têx lênhx hâur Văn phongx Côx hội cov tsơưs lênhx, uô tâu hâux lưv truôx. Iz chas ntơư, tsar ndê têx lênhx đại biểu Côx hội car uô đreiv Côx hội li hâux lưv trơưk tsưr ziv tso tơưv; nhênhz chơưv luôs hâux lưv txo grêk tsơưs lênhx nênhs cov fiv đros trâu chor đại biểu Côx hội lês car uô têx hâux lưv nhoz têx cơ quan hành pháp. Jông siêz, thôngx ziv đros têx li heik co, đại biểu Tôn Ngọc Hạnh, đoanx Bình Phước phênhz li no:

“Hâux lưv chuôz tsar chor đại biểu car uô đreiv Côx hội têx nuv zos lok six zuôr trâus txos, viv chor đại biểu ntơư đhâu têx ntu tsar ndê li ntơư mak cux zuôr uô tâu hâux lưv đuô, viv nưk lês car uô đreiv luôs hâux lưv co, nưk muôx six hơưv nhênhz chơưv thiêz pâuz tâu tsênhz đuô têx cui tinhv, hâux lưv cxiv tsa chei têz qơưk. Hok đại biểu uô 2, 3 zav nuv mak iz chas hâux lưv zos đại biểu Côx hội tsênhv yuôr nưk têx hâux lưv uô niêx hnuz đrâuv thiêz, thâuv ntâuk grê lok têx luôs hâux lưv uô tâu hâur niêx shông khênhr seiz lok sâuv chênhr lơưr têx nuv uô viv li lơưr moz siêz trâu zuk têx hâux lưv đuô xưz”.

Cxuô lênhx đại biểu cux njênhs njôngr tiêk, đros thiêz Đảng li sir jos, cxuô cấp, cxuô ngênhx  sik côngv tês paz cxơưz cxiz uô, zuôr uô tâu jông luôs hâux lưv trơưk zoz qơưx cxiv tsa thiêz huôv tsar têz qơưk hâur ntu nhiv no./.

(TTT-Riê Lâux cxeik, nhênhv)