Faz tsưr ziv tưs chiê seiz car jông vêv xênhz zav nox

         Ntâuk grê cxuô lok luôs hâux lưv uô lơưr tsênhv chei, cui tinhv têz qơưk lok ngaz tuk vêv xênhz zav nox, Bộ y tế heik pâuz, txix shông 2011 txos 2015, hur si têz qơưk tưz qênhz yuôx, qênhz shuôs 3 tsov ntâu têx qơư uô thiêz muôs cxuô zav nox, chor qơư uô cxâuv chei, cui tinhv muôx nhos 20%, bluô nhiêx tâu 100 tỷ đeiv. Luôs hâux lưv seiz kaz tsi so uô txix shông 2011 txos 2016 cux tso pov, kâus tưx zav nox cux tsênhv zos iz kro phiv liv lox. Tas nro têz qơưk tưz sâu jênhv muôx iz cxênhz ntâu txuz, 30 cxênhz ntâu lênhx thiêz 164 lênhx nênhs trâus tuôs. Hâur iz shông, xav kror đruôz đraz muôx zuôr xar 170 txuz, 5 cxênhz ntâu lênhx nênhs trâul  kâus thiêz zuôr xar 30 lênhx nênhs trâus tuôs tiv kâus tưx zav nox. Bộ trưởng Bộ kôngz nuv thiêz huôv tsar tox siêz Ngô Xuân Cường heik: Pir li ntu đrav ntêx, hâux lưv qênhz yuôx hâur shông đhâu tưz uô tâu jông:

          “Tsuôk heik kriê thiêz yax mông xưz tsi txâuk chiê taz por ngaz tuk zav nox. Luôs hâux lưv no shông 2016, ciês Bộ tưz tsa 159 đoanx, xưv bluô tâu 24,4 tỷ đeiv  thiêz txuz lox yax zos bluô tâu 470 tsov đeiv. Chênhr viv li chêx tsôngk xưv bluô thiêz sik hux jos đros  bộ y tế viv li muôx têx tsênhv njiêz cik txos ngaz tuk zav nox tưz uô tâu lok six jông. Pir li Sabutamol, 6 luz hlik hâur shôngk shông, têx qơư trâus seiz kaz qênhz shuôs tưz tsi pov muôx”.

          Cux trơưk li Bộ trưởng Y tế Nguyễn Thị Kim Tiến, đros 3 bộ cik txos li luôs hâux lưv, tsuv xav txos hâu nov cxuô cấp ntơưv qơư li txơưx jênhv. Iz zav li txuz kâus tưx zav nox muôx yưv ntơưv Lai Châu, Bộ y tế heik: Thax tsav qơư tưs chiê muôx yưv qênhx shênhx uô têx chơưr chuôr, chơưr muôx tor têx yuôx uz no, grêix buô muôz uô chuôr yênhx grêix nhux kruôr lok zos caz puôz…. hâu nov thax tsav qơư co tsuv taz txơưx jênhv. Đros trâu tsưr ziv no, thứ trưởng Bộ Công thương Trần quốc Khánh heik mênhx:

         “Ntơưv qơư tưs moz siêz txos luôs hâux lưv chox kriê mak txơưr hlo. Ntơư zos cui tinhv tưz muôx lơưv, muôx kênh suôv qơư uô tâu, muôx têx qơư uô tsi tâu. Mak têx uô cxâuv pok zos ntơưv cui tinhv lok tsi zos, thiêz co pok zos tiv 3 bộ T.Ư lok tsi zos? Zos tiêk tiv 3 bộ mak hur si 63 tỉnh thành puôr lênhx uô tsi tâu thiêx zos”.

          Têx lênhx hlôngr njêx muôs chor bộ heik, iz chas sir jos qênhz shuôs, qênhz yuôx, tsuv chuôz tsar tiês têx chei, cui tinhv xưv bluô têx lênhx nênhs uô cxâuv ngaz tuk zav nox. Đros trâu heik txos têx lênhx tsiv uô chuôr têx xiv huv tsi truôx tuk, cux tsuv cxơưz cxiz, muôx chei cxơưz tiês uô jông têx trâur nuv uô cxuô zav nox hur. Luôs hâux lưv seiz car ngaz tuk zav nox tsuv uô trơưk đreiv têx chei, cui tinhv qênhz shuôs hur si têx luôs hâux lưv “txix  qơư tsiv uô txos trâu thâuv uô tâu siêr, muôz lok zôngv, lok nox”; qênhz shuôs jông têx nuv uô zôngx ziv muôx têx tsi jông li heik sâuv hâur tsiv uô thiêz côngz têx xiv huv, zav nox. Qênhz shuôs njôngr thiêz fuô kriê uô jông têx hâux lư seiz car thiêz qênhz shuôs lok sâuv ngaz tuk zav nox.

          Phưv Chủ tịch Côx hội Phùng Quốc Hiển-Tsar đoanx seiz kaz heik, cxuô bộ tsuv muôx ntâu faz tsưr ziv thiêz heik tsênhz mênhx, fiv đros trâu qênhx shênhx tsênhv tsênhz đuô, viv no zos tsênhv njiêz lok six zov chênhr  chiê cxiv tsa Nghị quyết seiz kaz luôs hâux lưv sâuv hâur six hơưv zuôr txos./.

(TTT-Riê Lâux cxeik, nhênhv)