Ủy ban thường vụ Côx hôiv tso ziv chênhv dự ar Chei tsêz chos

          Tso ziv chênhv lol dự ar Chei tsêz chos, têx teiv plor thôngx ziv lok hâux lưv tsuv muôx Chei tsêz chos li Chinhr phủ têx ntâuz ntơưr muôz siêz Pháp lệnh nôngz tsoz chos ( 2004), ntâus grê tsênhz mênhx coar lik qir zuôv thiêz cxaz nzir iz cxiê njiêz luv yiêz chiê uô tiêr pháp lý huôv tsar nganhx tsêz chos lơưr tsiv grê, muôz siêz xiv huv li đas jos tơưv txênhz thiêz tuôv zênhv zoz qơưx sik côngv đros ntiêx têz. Taz sik, Phưv chủ tịch côx hôiv Đỗ Bá Tỵ thix ziv dự ar Chei tsuv nhênhz chơưv ntâus grê thiêz cxiv tsa chiến lược lok njuôs xav, huôv tsar, niêv ciêz sâuv zuôr xiv huv:

          “Pêz li qênhx shênhx nhiv no tsuôk zos chiv chir tsêz chos “ tâu chiv chei mak ho muôs tsi tâu grê” zos hâux lưv fênhx yax shông tưs cux pov muôx. Vênhv thix car chêx niêv ciêz thiêz njuôs pov niêv ciêz chiê muôx qơư sâu zuôr ngaz tul. Pêz nhiv no tsuôk zos uô lơưr niêv ciêz viv li muôx têx thâuv cà phê, cao su, txir xoài…trâus txiêr por tsês tas. Niêv ciêz sâu zuôr tsi ngaz tul mak tsôngv box luz nênhx lok six phêv liv, tsi ngaz tul”.

          Têx ziv chênhv thôngx ziv đros cui tênhv seiz shuôk, ntâus grê qir zuôv cxôngx qênhx shênhx tsênhv tsênhz uô ntêx thâuv côngz jênhv muôs tơưv. Tsưr ziv seiz car, ntâus grê qir zuôv tsuv cui tênhv tsênhz mênhx njiêz luv, iz cxiê ploz tsênhr tsuv seiz car, ntâus grê, grê muôv muôs đros nhiêx txiêx seiz car, ntâus grê chiê cxênhx txuôk nhiêx txiêx thiêz six hơưv trâu doanh nghiệp. Đhâu co khưx phưx qênhx shênhx qir zuôv chuôr six hơưv đhâu. Chủ nhiệm Côx hôiv li UB tư pháp Lê Thị Nga xar li no:

          “Chei no pok khưx phưx tâu qênhx shênhx coar lik qir zuôv six hơưv đhâu? Ntâu teiv plor tưz ntâu jiês nus côx hôiv lok qênhx shênhx qir zuôv chuôr thiêz têx tsi tâu uô tâu hâur coar lik qir zuôv. Pêz ndo mak Bộ Công thương tưz têz tiêk lok six khưr thâuv siv qir zuôv. Lok sik txuz Thuận Phong cux zos txuz nto bê. Li ntơưv, pok zuôr khưx phưx tâu qênhx shênhx coar lik qir zuôv six hơưv đhâu?”

          Têx teiv plor cux thix ziv cxaz nzir tsênhv chei huôv tsar nôngz tsoz chos yiêz, tsênhv chei tsov cưv huôv tsar tsoz chos tsênhv. Thix ziv huôv tsar nganhx công nghiệp nôngz zuz đros iz cxiê nôngz zuz tsoz chos tsênhv phưx vưv tror huôv tsar nganhx kôngz nuv thiêz muôs tơưv đrâuv luôk oz chas têz qơưk. Thôngx cxix, paz txưv tsưr tsix, lênhx nênhs yưv pênhr tsêz chos nôngz jông, vax nôngz tsoz chos jôngr nuv, jôngr uô zuz chiê muôz siêz tsơưr lươngv nôngz zuz. Heik tơưv, uô tsênhz mênhx têx vênhv thix teiv plor tsov cưv, Bộ trưởng Bộ kôngz nuv thiêz huôv tsar nôngx cxênhz Nguyễn Xuân Cường xar li no:

          “ Côngz xưv nôngz zuz tsuôk zos iz hâux lưv hâur nganhx tsêz chos li tas nro tsưr ziv tsiv uô. Nganhx tsêz chos tsav 70% hur si xiv huv hâur kôngz nuv. Shông 2017 muôs tơưv 36% ntâu đôla Mỹ mak zuôr xar 20 tỷ đôla Mỹ zos cxôngx tsêz chos. Chinhr viv li côx hôiv cuiz tênhv cxiv tsa Chei tsêz chos chiê coar lik cxôngx thâuv tsêz chos txos muôv muôs hax huv”./.

(BTS-Txâur Vax cxeik nhênhv)