Bí thư tsik zos nênhs tiv phaz: khưx phưx côngz xưv pôngz kik lok canr bôv

Zơưv Nguyễn Ngọc Phương

1. Thor cox puz pauz, cox xar li chak lok côngz xưv canr bôv uô hâux lưv uô ntêx thâuv zuôr piz kriz uô Nghị quyết Trung ương 7?

Zơưv Nguyễn Ngọc Phương: Đề anr Nghị quyết Trung ương 7 lok canr bôv uô hâux lưv khưx phưx qênhx shênhx zuôr xêir tsov tâu nênhs txơưx, tiv oz zos tsưr ziv bí thư tsik zos nênhs tiv phaz cêir chêx qênhx shênhx nhiv no, co zos tsik xar zok nriêr tsưr ziv, phêiz uô ntâu paz, kror liv trâu zuk paz. Thôngx cxix no zos tsưr ziv khưx phưx côngz canr bôv pôngz kuk hâur ntu đhâu. Nhoz tiv phaz nhiv no muôx yưv 2 tsưr ziv. Iz zos nênhs sơưr thơưx muôx siêz xar tsik sir jos, hlôngr yiêz, xar tso chor nênhs cxênhz jê uô hâux lưv, pêx xênhv tsik thôngx ziv. Tiv oz zos zuk chor nênhs cxênhz jê tâu chiê uô hâux lưv uô ntêx thâuv zuk tsik tâu zos nênhs uô kror hâux lưv siêz tsik zos zuk tso lơưr uô taz sik txos thâuv zuk ndê uô kror hâux lưv siêz mak trâus iz cxiê lênhs nênhs hêik li uz li no. Kror jông mak tsuv phuôx huiz taz sik têx kror phiv liv tsik jông mak tsuv nriêr tsưr ziv cêir chêx. Xưv lik li chak: zos chính phủ, Bôv chính trị tsuv cxiv tsa chêi li chak hâur tso uô hâux lưv, lok sik thik tưr uô têx hâux lưv li chak zuôr xêir tâu nênhs txơưx njê. Tiv oz cán bộ têz tuz nhuôs muôx txux chi thiêz txơưx mak zuôr cxaz chuôz thik tưr tâu tsik muôx nênhs zuôr hêik tâu tiêk no zos vênhv thix tsik jông.

2. Muôx ziv chênhv tiêk chox nênhs nhoz qơư txơưr đuô lok uô bí thư mak têx jâuv zuôr tsuôk muôx nưk iz lênhs xưz, sơưr đơưk zuôr tsik paz, cox li ziv chênhv lok kror no ho zos li chak thor cox puz pâuz?

Zơưv Nguyễn Ngọc Phương: Qênhx shênhx no têx jâuv zuôr muôx yưv taz sik cux tsik phiv liv luôx tưs hâur ntu nhiv no. Viv ntu đhâu muôx lok six chôngz cán bộ trung ương lok trâu têx tỉnh thiêz txix chor tỉnh cux tsik tâu muôx lênhx tưs njiz trâus kror no. Vênhv thix zos lênhx nênhs co puôk txơưx lok tsik txơưx, phuôx huiz puôk tâu zuk têx txu chi thiêz đas jos. Hok lênhx nênhs co ho tsik muôx txix chi, tsưr ziv mak zuôr trâus sơưr đơưk cêv kuôk. Hâur tso uô bí thư tsik zos nênhs tiv phaz nhoz no zos tsov cưv txos tiv zix mak tsuv tsov cưv txos tsik tsuv chox chor cans bộ lok trâu chor tiv phaz sik txơưr đêz hênhr. Iz zav li nhoz faz Trungm faz Bắc mak tsuv lok trâu têx tiv phaz xưk iz zav. Li co, lơưr zuôr pâuz tâu txos lênhx nênhs thiêz têx vênhx huôv, tsik chiê nênhs faz Nam tuôx trâu faz Bắc lok sik paz Trung trâu faz Nam, li co mak đêz hênhr. Co zos iz hâur têx tsưr ziv cê chiê tâu nênhs uô hâux lưv taz sik cê paz trâu nênhs tâu txar qơư uô hâux lưv phuôx huiz tâu zuk đas jos, txux chi hâur qênhx shênhx kriz uô.

3. Cử tri li têx ziv chênhv xa trâu Côx hôiv cux hêik tơưv têx phiv liv hâur côngz xưv cán bôv. Lơưr cox mak Côx hôiv cux li yênhx lêhx têiv plor tsuv uô li chak chiê cêir chêx qênhx shênhx no?

Zơưv Nguyễn Ngọc Phương: Đros Bôv chính trị, Trung ương Đảng, Chính phủ ntu đhâu Côx hôiv muôx lok six ntâu gôngr côngv hâur vênhv thix qênhz yuôx, sêiz kaz chiê muôx tâu têx ziv chênhv hâur côngz xưv cán bôv thiêz xêir tsov tâu chor nênhs txươx. Tsênhv tsênhz zos hâur chor jiês njiz cử tri uô ntêx thiêz đhâu jiês cơưv chor đoanx têiv plor côx hôiv thiêz têiv plor côx hôiv mnôngs pêx xênhv li ziv chênhv hêik lok têx phiv liv hâur côngz xưv cán bôv txix co hêik pâuz txix ntơưr sâu, lok sik hêik ciês trâu Côx hôiv. Đuô li, Côx hôiv tsênhv tsưr tsix sêiz kaz, hâur co muôx sêiz kaz lok txo grêk tsơưs nênhs uô hâux lưv thiêz gra siêz chêx cur cxiv tsa bôv mêir têz qơưk. Đuô li Côx hôiv cux muôx sêiz kaz đhâu chor jiês nus thiêz têz têx luk nus lok vênhv thix cán bôv thiêz cán bôv têx uô zuôv; thiêz têx txuz nox nhiêx têz qơưk nhiv no mak chính phủ tsuv uô tsênhz mênhx thiêz thanh tra tsuv sir jos qênhz yuôx.

Uô li thor uô cox tsâus ntâu!

(Minh Long-Lik Thox cxêik nhênhv)