Tsuv muôx tsênhv chei nhiêx shar huv đros paz cưk kriê cxênhx mê nhuôs zâu hla đhâu phêv liv, sir jos truôx siêz kriê ntơưr

          Ntâu lênhx cưk kriê cxênhx mê nhuôs zâu pheiz kênh, têx hnuz xuz thơưx uô siv hâux lưv kriê ntơưr, nhiêx shar tâu jênhv lok six kis, tsuôk zuôr xar 300 cxênhz đeiv iz luz hlik, ho tsi tâu cxaz chuôz gôngr bảo hiểm xã hội, tsi tâu sơưv têx nhiêx txiêx muôz paz. Hâur co, hâux lưv kriê mê nhuôs zâu hâur niêx hnuz tsav phênhv ntâu six hơưv. Niêx hnuz, têx cưk kriê tsi taz tos mê nhuôs tuôx cơưv ntơưr, puz mê nhuôs nox hâuk, kriê ntơưr, jor mê nhuôs pư, mak tsênhv uô ntâu hâux lưv txơưr...Taz sik, phênhv nhiêx shar tâu sơưv mak lok six kis, tsi txâuk cxơưx trâu luz nênhx viv li muôx ntâu lênhx cưk kriê uô cxaz hâux lưv hâur têx hnuz tâu so, thâuv tsâus ntux. Txơưv khưr, phêv liv taz sik viv nhiêv zuk li hâux lưv uô, hluz têx mê nhuôs shux xênhz, viv li têx cưk kriê cux sir jos truôx siêz uô hâux lưv. 10 shông uô côngz xưv kriê ntơưr, cưk kriê Nguyễn Thị Phượng, nhoz tsêr cơưv kriê mê nhuôs zâu Thọ Lộc, huyện Phúc Thọ, Hà Nội puz pâuz:

          “ Cur uô côngz xưv no cxôngx shông 2007 đros phênhv nheiex shar xuz thơưx lok six kis zos 230 cxênhz đeiv iz luz hlik. Tov kaz no cur lol kriê ntơưv tsêr cơưv mê nhuôs zâu công lập, shông 2009, cur tâu jênhv phênhv nhiêx shar 1 phẩy tâu 950 cxênhz đeiv, lok six phêv liv. Txos tsêr cơưv pov têx mê nhuôs shux xênhz lok six hluz viv li tsi xar txos nhiêx shar tâu jênhv zos hor ntâu thiêz. Đas jos chiê cur tror uô hâux lưv no zos mê nhuôs shux xênhz, viv shux xênhz zuôr trâus txos zuk. Nhiv no cur phênhv nhiêx shar zos 2,66 tâu 4.500 cxênhz đeiv. Cur kriê cxaz trâu shux xênhz cxênhx 1 thiêz. Cur xar njôngr Đảng thiêz têz qơưk zuôr tsuv tsov cưk txos têx nhiêx txiêx muôz paz trâu cưk kriê cxênhx mê nhuôs zâu, tiv zix zos têx nhiêx txiêx cưk kriê so lâus chiê taz por luz nênhx”.

          Cưk kriê zos hâux lưv lok six phêv liv, hâur co cưk kriê cxênhx mê nhuôs zâu ziv phêv liv đuô; viv têx cưk kriê phênhv ntâu uô hâux lưv tas iz hnuz. Tsi taz kriê ntơưr mak tsênhv tsoz phưz cxôngx nox hâuk, pư, vêv xênhz trâu mê nhuôs. Cưk kriê Nguyễn Thị Uyên, cưk kriê mê nhuôs zâu thị trấn Sóc Sơn, huyện Sóc Sơn, Hà Nội puz pâuz:

          “ Pêz tsoz phưz trâu têx mê nhuôs shux xênhz cxôngx thâuv shux xênhz tuôx cơưv txos thâuv niêv txir tuôx tưs zos uô tiêr jênhv vưv. 2 shông xuz thơưx muôx têx thâuv cur xar tso tsês tsi uô hâux lưv no thiêz chiê hlôngr uô hâux lưv txơưr. Ntâus grê lơưr phênhv nhiêx shar mak kis đuô đros têx cxênhx cơưv txơưr, têx nganhx txơưr hâur xã hội, cur jênhv pov đros six hơưv uô hâux lưv li ntơưv phênhv nhiêx shar no tsi txâuk chiê tuôv zênhv zoz qơưx luz nênhx niêx hnuz trâu têx cưk kriê...”

          Hâux lưv khưr li ntơưv, taz sik nhiêx shar tâu sơưv tsênhv kis, tsi huv đros six hơưv thiêz đas jos gôngr côngv. Cưk kriê cxênhx mê nhuôs zâu tâu biên chế, đrâuv phênhv nhiêx shar tâu sơưv thiêz phênhv paz txưv kriê ntơưr zos 35% mak tsi muôx phênhv paz txưv tưs; viv li luz nênhx lok six phêv liv.

          Lơưr Bộ zaoz zux li ntâuz ntơưr xa trâu Bộ Nội vụ thiêz Bộ lox tôngv saz pênhz thiêz xã hội lok ntâus grê nganhx li cuiv nhiêx shar xav txos hnuz 31/12/2016, cưk kriê nhiv no li phênhv nhiêx shar kis tiv zix zos 3,2 tsov đeiv, chêx chôngk ntâu lok têx cưk kriê nhiv kruôr tơưv tsêr cơưv lok kriê ntơưr. Cưk kriê mê nhuôs zâu, cxênhx 1 muôx hệ số nhiêx shar kis tiv zix zos 1,86, phênhv paz txưv 35%. Tiv zix, cưk kriê uô hâux lưv tâu 15-25 shông cux tsuôk jênhv tâu phênhv nhiêx shar cxôngx 7 txos 8 tsov đeiv, tsi muôx phênhv paz txưv cxaz tưs. Li ntơư, cưk kriê cxênhx mê nhuôs zâu, cxênhx 1 nhiv no li phênhv nhiêx shar kis đuô phênhv nhiêx shar thax tsav I ( zos 3 tsov 750 cxênhz đeiv), bâuv phênhv nhiêx shar thax tsav II zos 3 tsov 320 cxênhz đeiv. Cxôngx qênhx shênhx no, Nganhx zaoz zux tok njôngr, Đảng thiêz têz qơưk tsuv tsov cưv txos têx nhiêx txiêx muôz paz trâu cưk kriê cxênhx mê nhuôs zâu. Zơưv Trần Văn Thảnh, Phưv chủ tịch Công đoàn zaoz zux Hà Nội puz pâuz:

          “ Cưk kriê cxênhx mê nhuôs zâu thâuv tưs cux tsuv mul uô hâux lưv nzor, tâu lol tsêr lis đuô, nhiêx shar mak kis, đrâuv nhiêx shar tâu sơưv lơưr chế độ, têz qơưk tsuv sik côngv đros tsôngv box chiê muôz theox chênhv trâu cưk kriê mê nhuôs zâu muôx phênhv sâu huv đros luz nênhx. Công đoàn zaoz zux Hà Nội xar njôngr Đảng thiêz têz qơưk tsênhv uô Nghị quyết 29 hlôngr yiêz tas nro zaoz zux, hâur co hlôngr yiêz têx nhiêx shar trâu cưk kriê, tiv zix zos cưk kriê cxênhx mê nhuôs zâu cov ziv hnuz ziv jông đuô, tuôv zênhv tâu zoz qơưx luz nênhx chinhz yênhx trâu cưk kriê”./.

( Thu Hiền- Txâur Vax cxeik nhênhv