Tsưr ziv zuôv qir trâu blêx chiv ntux tsâus, sâu tâu nju

Tsôngv box sđ khênhr cor cav đros thiêz têx tsưr ziv zuôv qir li đrav ntêx, tsi yuô tâu muôx tsưr ziv zuôv têx qir siz bâus trâu blêx, viv li sâu tsi tâu nju, têx blêx khênhr trâus caz tho nox, tsi pur jông.......

Tsưr ziv chiê fmông txâuk têx qir trâu blêx thiêz sâu tâu nju zos zuôv qir NPK tưz tâu kênh thiêz muôz siz tor huv đros chiê fmông trâu blêx hloz lox jông. Lar heik zos zuôv qir trâu blêx chiv ntux tsâus. Cux seiz yênhx zav nôngz blêx lok sik ar têz , zuôr muôx tsưr ziv zuôv qir nhiêk txơưr nhiêk. Lar heik zos tsi zuôv qir cxiz trâu têx blêx thâuv jêx tưv kis đuô 18 tưv.

Zuôv qir puô: Zos liêx têz tsuôs mak zuôv cxuô zav qir muôx nhos 400 cir iz ha puô trâu, chiê cov ar jông tâuk mê njik, zos têx liêx têz lok six tsuôs, sđ muôx têx zuôv txix 600-700 cir qir iz ha.

Zuôv qir jiês 1: (Đhâu chos tas muôx 7-10 hnuz), zôngv chor qir NPK 20-20-15+TE, zuôv 150 cir iz ha lok sik chor qir HS-997, zuôv txix 150-200 cir iz ha. Zuôv ntâu qir trâu jiês xuz thơưx ntơư chiê blêx nrâu chas sei thiêz huôv, sâu ntâu nju. Đros thiêz têx ar têz mê njik tsuôs mak zuôv ntâu qir lân trâu cov têx blêx jông tâuk, cxiz blêx hloz lox sei. Zuôv qir chiv châux yiêz, uô jông thâuv jiês xuz thơưx zos tsưr ziv zov chênhr chiê trâu blêx huôv, muôx hnaz thiêz pur jông, sâu tâu nju.

Zuôv qir jiês 2: (Đhâu chos tas muôx 20-22 hnuz, zos tiêk chor nôngz blêx ntêr hnuz mak jiês 2 muôx têx đhâu chos tas 25 hnuz mav zuôv trâu): Zôngv chor qir HS-998, zuôv nhos 200-250 cir iz ha lok sik zuôv qir NPK 20-20-15+TE, zuôv muôx nhos 200 cir iz ha. Ntu no  blêx zuôr trâus txos ntâu têx qir đơưz thiêz qir lân chiê blêx huôv, hloz lox, sđ tsuv zuôv qir trâu chiê blêx huôv thiêz qir gôngr car, uô plaz hnaz.

Zuôv qir jiês 3: Txix thâuv chos tas muôx 40-45 hnuz (zuôv qir trâu chiê blêx gôngr car, uô plaz naz), zôngv chor qir HS-999, zuôv txix 150-200 cir iz ha. Ntu blêx qir gôngr car, zuôr uô plaz naz ntơư tsuv zuôv ntâu qir kali trâu chiê blêx pur jông, sâu tâu nju. Zôngv chor qir HS-999 paz blêx uô plaz naz, hnaz lox, pur jông. Lok sik zôngv chor qir K30, zuôv txix 150 cir iz ha.

Iz chas sir zôngv cxuô zav qir NPK zuôv trâu blêx, tsôngv box muôx têx zôngv iz hưx muôx 125 ml qir zuôv Komic trâu têx blôngx shơư  70-80 ml yuôx Validacin chiê tsuôs trâu 360 xưv phaz ar têz uô ntêx thâuv chor blêx zuôr uô plaz naz txix 7-10. Li ntơư chor blêx thiêx jông thiêz sâu tâu nju đuô./.

                            (Thu Thùy-Riê Lâux cxeik, nhênhv)