Phênhv thưr 3.8.11.2016:

PHÊNHV CXIZ KÔNGZ (Phênhv 3)

Phax tar caz hmoz câur blôngx mâuv cuôz

          Caz câur blôngx mâuv cuôz zos tiv iz cxiê zav caz hmoz uô ruôr hiêv txos.

          Caz câur blôngx mâuv cuôz zos tiv caz hmoz lok sik tiv iz cxiê zav caz hmoz txơưr uô hmoz cik...

          Hmoz gra têx caz hmoz cxôngx têx tsoz muôx hmoz cik trâu têx tsoz tsi muôx hmoz. Lênhx nênhs cux zuôr uô caz hmoz cik mul têx tsoz txơưr thâuv tsoz phưz tsoz chos.

          Têx hmoz yưv thiêz txu hiêv: iz zav caz hmoz, qiv hơưv cuz sor lok sik no txiêk mak hmoz huôv xênhz thiêz muôx têx hmoz muôx yưv tsi xưk iz zav.

          Fênhx yax, thâuv trâus caz hmoz, tsoz mâuv cuôz hloz lox tsi tâus, blôngx muôx têx jiês trâus đax, blôngx câur thiêz chơưs...

          Thâuv iz tsoz trâus ntâu zav caz hmoz mak tsi hloz lox, tơưs pax taz sik tsi txi txir, txơưv txi txir luz txir cux tsi jông gâux.

          Tsoz chos ziv trâus caz hmoz nzor mak ziv muôx têx txu hiêv lox. Uô zênhr shar txos yar lengx thiêz tsơưr lươngv tsoz chos.

          Phax tar: Hmoz zos tiv iz cxiê zav caz hmoz uô muôx yưv, viv li tsi tâu muôx yuôx phax tuô. Hâux lưv phax tuô caz hmoz trâu tsoz chos mâuv cuôz tsi zôngx ziv li iz cxiê zav tsoz chos txơưr. Taz sik, pêz tsuv seiz shuôk tsi chiê cik đêz đar. Thiêz tsuv sir zôngv ntâu faz tsưr ziv phax tar thiêx tir thêir tâu caz hmoz. Co zos:

          Vêv xênhz đoz nthuô têx đrox, txiêr têx tsoz mâuv cuôz lâus por tsês...

          Zôngv têx nôngz mâuv cuôz muôx pênhr xưv tir tâu caz hmoz.

          Thâuv chos thiêz tsoz phưz, tsi uô tsoz chos hlê tơưr.

          Đoz, txiêr têx tsoz trâus caz hmoz  câur blôngx por tsês đêz.

          Tsi zuôv ntâu qir têz qơưs, chuôz tsar zôngv têx qir zuôv blôngx Poly Feed 19-19-19 chiê chuôz tsar đas jos tir tar caz hmoz trâu tsoz chos.

          Sox seiz njôngr têx caz hmoz chiê ciêr chênhr phax tar, tsi chiê huôv xênhz ntâu. Chuv tôngv phax tar caz hmoz ciês thâuv nhiv kruôr chos txos thâuv mâuv cuôz tơưs pax, tsik caz hmoz uô ruôr hiêv txos têx txir mâuv cuôz./.

          (Thanh Thủy- Txâur Vax cxeik nhênhv)