Quảng Nam sir jos yax kriê tsôngv px chos jâuz caz zus caz uô xor

Huyện Duy Xuyên, tỉnh Quảng Nam tâu sêiz zos thax tsav uô ntâuz xor. Thax tsav qươ no muôx 2.000 ntâu hec ta ar chos jâuz caz chiê zus caz uô xor, chor caz yênhx shông sâu tâu txix 1.300 txos 1.500 tấn. Hla đhâu chor shông phiv liv tsưr ziv tu zus tsơưs, chuôz zênhx kuz, pôngz kaz, tsik jông đros muôs têx hax huv uô tâu tsik truôx…xav mak chuôs li pêx xênhv tsik xar tror uô hâux lưv chos jâuz caz chiê zus caz uô xor, jêx jok uô hâux lưv no zuôr trâus pôngz plox. Chênhr zos li hêik ntươ, hâu nov ntươv qươ, cux sir jos yax kriê uô luôs hâux lưv no thiêz tso tơưv ntâu tsênhv chêi cxơưz cxiz yưv pênhr huôv tsar uô, taz sik pêx xêhv cux tsik xar tror uô zav hâux lưv no. zơưv Lê Trung Cường, phưv chủ tịch UBND huyện Duy Xuyên, tỉnh Quảng Nam puz pâuz:

“Zuôr uô đuô thiêz yax kriê tsôngv px sđ chos jâuz caz chiê zus caz uô xor, paz kriê tsưr ziv, zuz nôngz jâuz caz thiêz paz hâux lưv chos jâuz caz chiê zus caz lơưr têx tsưr ziv  jông đuô, tsik xưk li thâuv ntêx. Thiêz tsuv muôx tâu tsơưr lươngv, paz trâu pêx xênhv pâuz tsênhv đuô lok huôv tsar chos jâuz caz chiê zus caz uô xor sik côngv đros doanh nghiệp sâu zuôr muôs têx hax huv”.

Txix yênhx cxênhz hec ta ar chiê chos jâuz caz ntơưv chor huyện Duy Xuyên, Đại Lộc, thị xar Điện Bàn, txos nhiv no, thax tsav chos jâuz caz nhoz tỉnh Quảng Nam tsuôk yuôr 11 hec ta, đros 30 chuôz zis đros uô. chor chuôz zis chos jâuz caz zus caz, phênhv ntâu zos chiê muôs caz uô xor. Têx qơư chos jâuz caz njuôz xiêz tưz tâu hlôngr chos cxuô zav tsoz chos txơưr đuô. Chor jêx jok nto bê thâuv ntêx mak nhiv no cux hnor tsik ntâu txos luz uô xor ntok ntâuz đror. Chiê yax kriê hâux lưv chos jâuz caz chiê zus caz uô ntâuz xor, tỉnh Quảng Nam tưz tso tơưv tsênhv chêi cxơưz cxiz doanh nghiệp yưv pênhr, sik côngv uô xênhz yar, huôv tsar jêx jok uô zav hâux lưv no đros trâu huôv tsar du lix. Zơưv Lê Thái Vũ, Giám đốc công ty Cổ phần ntâuz xor Quảng Nam puz pâuz:

“Tỉnh tror choz trâu Công ty Cổ phần uô ntâuz xor Quảng Nam zos chiê tsêx trung chor nênhs nhênhz chơưv lok jâuz caz zus caz uô xor, cux li tsưr ziv xar uô đros têx chuôz zênhx jông tiv zix chiê Quảng Nam tror huôv tsar truôx chos jâuz caz, zus caz uô xor mak Quảng Nam zos iz hâur têx qơư nto bê lok uô ntâuz xor nhoz Quảng Nam”.

Lơưr zơưv Lê Trí Thanh, phưv chủ tịch UBND tỉnh Quảng Nam, tỉnh no tsênhv xav txos bax ar, sir jos uô luôs hâux lưv cêv kuôk, hlôngr ar nhoz têx ntus đêx chiê muôx tâu thax tsav chos jâuz caz lox đar.

“Uô ntêx mak tsuv chiê doanh nghiệp zos tsênhv qơư hâur cxiv luôs hâux lưv no. Doanh nghiệp zuôr nriêr tâu ciêz đrôngs, muôx tsưr ziv sik côngv uô đros pêx xênhv. Kror zov chênhr tiv zix zos tsuv uô li chak cov pêx xênhv sâu tâu liv siêz, txix chos jâuz caz chiê zus caz uô xor truôx đuô pir li cxuô zav tsoz chos txơưr đuô. Doanh nghiệp tsuv txuôk tâu đros ciêz đrôngs, tsik zos hâur têz qơưk xưz mak sâuv ntiêx têz thiêz. Hâu nov ntươv qươ mak nhênhz chơưv tso tơưv têx tsênhv chêi uô truôx đuô thiêz cêr coangz siv nhoz doanh nghiệp đros pêx xênhv ntươv qươ”.

Lơưr Hiệp hội jâuz caz zus caz uô xor Việt Nam li thôngz sâu, nhiv no ciêz đrôngs ntiêx têz tsênhv muôx tsik tâu txâuk nhos 40% lưk caz uô  ntâuz xor. Tsênhv tsênhz no tưz tso tươv iz tsưr ziv yiêz trâu luôs hâux lưv chos jâuz caz, zus caz uô ntâuz xor Quảng Nam cov huôv tsar tâu truôx đuô hâur ntu đhâu./.

(TTMT-Lik Thox cxêik nhênhv)

Lai Xênhv Vax tsưr ziv huôv tsar uô nox

(Hlôngr suôz)

Hâur ar têz đar muôx 4 cxênhz xưv phaz, tix lâus Lai Xênhv Vax tưz cxiv uô qơư, yưv pênhr tu zus buô muôs thiêz keiz tso vax chiê nzaz nzơưv tsiêx cxu liz têx jâuz đrox, trâuz caz nox. Xav kror đruôz đraz iz shông tix lâus muôs 2 fâuv buô, muôx nhos 4 tênhr grêix thiêz iz tênhr keiz grêix, sâu tâu 300 ntâu tsov đeiv. Yưx hur tiz si têx nhiêx ntiêr, zuôr krâur nox.... uz no tas, chuôz zis tsênhv tâu liv muôx nhos 150 tsov đeiv.

Tix lâus Lai Xênhv Vax heik pâuz, uô ntêx thâuv zuôr qir têk tu zus tsiêx cxu, tix lâus tưz cxaz chuôz ntâu lớp cơưv cxaz nzir txux chi tsưr ziv huôv tsar uô nox zos ntơưv qơư tsưr tsix, cux li sir jos zok nriêr, cơưv shâuv têx tsưr ziv tu zus keiz buô đhâu ntơưr pov tsir. Xuz thơưx tix lâus tsuôk zus 3 tuk niêv buô sha mê nhuôv thiêz yênhx puô tuk keiz ntês kê.

Nhạc cắt

Đros trâu tu zus buô, huôv tsar zus têx keiz ok cov iz hnuz vav ntâu jux juk tuôx, chuôz zis yưv pênhr chos pax Địa Lan, iz zav pax tsênhv gra lok phênhv sâu tâu ntâu trâu tsôngv box nhoz suôv qơư no. Viv thax tsav qơư ntơư nziv chos pax Địa Lan zos iz zav pax tơưs jông jav nhoz thax tsav Sin Suối Hồ, muôx chôngz lênhx kruô pâuz txos mak tsi muôx iz suôv qơư tưs muôx chor pax tơưs jông li co. Iz shông thâuv txos tsiêz têz qơưk, tix lâus muôl trâu ciêz đrôngs zuôr xar 100 fiêz pax Địa Lan, sâu tâu 300 ntâu tsov đeiv.

Đros thiêz tsưr ziv huôv tsar uô nox li heik sâuv, iz shông tix lâus Lai Xênhv Vax sâu tâu nhos 500 tsov đeiv nhiêx thiêz yênhx lênhx nênhs txơưx huôv tsar uô nox nhoz ntơưv qơư. Tix lâus tsưr ziv huôv tsar uô nox tưz yênhx qơư jông trâu ntâu lênhx tsôngv box, cưr tix nênhx tsa sđ tuôx ndis seiz, cơưv shâuv zos ntơưv qơư tsưr tsix. Ntâu ziv chuôz zis tsôngv box hâur jok thiêz hâur thax tsav tưz cơưv shâuv tsưr ziv huôv tsar uô nox no chiê uô lơưr hâur zuk chuôz zis thiêz hla đhâu yeiz pluôs, uô bluô nux.

Tix lâus Tuôv Xênhv Vax, nhoz jok Sin Suối Hồ, xã Sin Suối Hồ, Phong Thổ heik pâuz: “Hâur jok, tix lâus Lai shông tưs cux muôs tâu ntâu pax Địa Lan đuô hur si. Lok sâuv huôv tsar uô nox thiêz chos pax Địa Lan, tix lâus Lai thâuv tưs cux uô ntêx nyuôs thiêz muôx tsưr ziv chos pax Địa Lan đuô. Nhoz hâur pêz jok cux ntâu chuôz zis tuôx cơưv shâuv tix lâus Lai tsưr ziv uô chiê uô trơưk”.

Tix lâus Chỉnh Xênhv Vax, Tsar jok Sin Suối Hồ, xã Sin Suối Hồ, Phong Thổ heik pâuz: “Đrav ntêx tix lâus Lai Chuôz zis txov nhêv cơưk, taz sik tix lâus lok six sir jos thiêz zos lênhx tiz nênhs sei đrơưv, muôx phaz nzưr, tsưr ziv, tu zus buô hloz lox lok six jông thiêz muôs tâu ntâu. Tix lâus Lai tsênhv muôx txux chi tsưr ziv chos pax Địa Lan, tu tâu lok six jông têx pax co thiêz. Cur tsênhv yax kriê trâu tsôngv box sđ hâur jok cov cơưv shâuv thiêz uô trơưk tix lâus Lai tsưr ziv huôv tsar uô nox chiê hla đhâu yeiz pluôs”.

Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix nta suôz VN đros Tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)