Tas cik hnuz 10/9, tưz tsưr tsix ntênhs pur iz shông ndo txos chor nênhs trâus tuôs tiv đêx nas cuôr yôngz ntơưv jok Làng Nủ, xã Phúc Khánh, tỉnh Lào Cai. Ndax trâu hnuz co kuôk no iz shông uô ntêx, coz nas chuô lox sôr 03 tưz uô tuôs 67 lênhx nênhs, hâur ntơư muôx hur si têx lênhx nênhs lâul thiêz nhuôs zâu. Chôngz lênhx ntâu tus pêx xênhv Làng nủ đros têx lênhx hlôngr njêx muôs cấp ủy, hâu nov ntơưv qơư thiêz chor nênhs siêz jông sik đros ndo txos chor nênhs trâus tuôs, cêr pôngz siêz lox hâur shông uô ntêx. Đhâu hlo muôx yưv têx tsi jông ntơư, txix Chính phủ sir jos chox kriê, 650 ntâu lênhx canr bôv, chiến sĩ, yênhx tsov lênhx nênhs siêz jông nhoz cxuô thax tsav hâur tas nro têz qơưk tưz sik đros sir jos paz trâu Làng Nủ. Lar heik, khov “Cuiv nhiêx nênhs Việt Nam têx cêr paz”-Đeix xa đuôz VN đros trâu chor nênhs siêz jông tưz siz chos paz cxiv uô tâu 40 luz tsêr nhoz, tsêr cơưv ntơưr thiêz tsêr vênhx huôv truôx khor trâu tsôngv pêx xênhv chiê sơưr đơưk truôx tuk luz nênhx. Txix têx cêr pôngz siêz, siz hluz siz paz, sik đros hla đhâu phiv liv, tưz paz đas jos trâu Làng Nủ tror truôx tuk luz nênhx, huôv tsar uô nox uô hâuk. Tix lâus Hoàng Văn Voi, nhoz hâur jok heik: “Cux xar cov tsôngv pêx xênhv sik thôngx siêz jông, tas nro chor chuôz zis njiz trâus cêr txov zuôr sir jos huôv tsar uô nox, tror truôx tuk luz nênhx. Txơưv muôx cêr pôngz siêz lox, taz sik sơưr đơưk cux tsuv sir jos, viv zuk muôx hmông đuô luôs lưv lênhx lưv tus tsênhv muôx txox siê nhoz, tsuv sir jos uô nênhx cov jông viv trâu zuk thiêz trâu têx lênhx nênhs cxênhz jê tưz trâus tuôs”./.

 An Kiên-Riê Lâux cxeik, nhênhv

Têis cik 10/9, Đại hôiv sik tưr nhiêv têz qơưk tỉnh Lai Châu jiês tiv 6, ntu 2025-2030 tâu tsưr tsix đros tsênhv njiêz: “Sik côngv-Hlôngr yiêz-Xar tơưv, sir jos uô phongz yaox sik tưr nhiêv têz qơưk hla trâu ntu hlôngr yiêz huôv tsar, vav mênhx, huôv tsar, shir phaz”. 5 shông đhâu, ntâu phongz yaox tâu kriz uô jông li: “Dân vận txơưx”, “Cơưv shâuv thiê zuô lơưr zơưv hloz Hôx cêr uô nênhx jông”, “Tas nro têz qơưk côngv têk cxiv tsa jêx jok yiêz”, “Viv nênhs pluôs-tsik chiê lênhx tưs trâus tso tsês tov kaz”, “Hlôngr yiêz sôr”, “Kho đuô chor tsêr đaz tuôs, lav nhoz”… Đhâu co, tưz muôx yênhx cxênhz tập thể, tiz nênhs nhoz tỉnh tâu cxuô cấp, nganhx khơưk kruôk. Pos Zax Por Mỷ hêik mênhx, ntu 2025-2030, Lai Châu tưz tax tâu tsar ndê GRDP muôx 10% iz shông… Viv li, hêik cxuô cấp, nganhx, thax tsav qơư tror sir jos uô chor phongz yaox sik tưr nhiêv têz qơưk, đros trâu cxiv tsa Đảng, huôv tsar kinh têr-xar hôiv thiêz tuôr truôx côx phax-ngaz tuk./.

Khắc Kiên-Lik Thox cxêik nhênhv

Đhâu 9 luz hlik ntâu tâu cir tsưr ziv yưv pênhr thiêz cxiv tsa, zar hnuz kêix 10/9, tsêr meir tsiv uô khâu tơưr Yên Châu, fuô uô ntơưv jok Mệt Sai, huyện Yên Châu kuz, tỉnh Sơn La tưz qir tâu uô hâux lưv. Co zos côngz trênhx hơưv tok Đại hội Đảng bộ tỉnh Sơn La, six cxiv 2025-2030.

Tsêr meir tsiv uô khâu tơưr Yên Châu zos Công ty uô khâu Ngọc Hà (Hà Nội) uô tsưr yưv pênhr, cxiv uô đar muôx 2 ha ntâu, pênhr yưx uô ntu iz tas zuôr xar 50 tyv đeiv. Dưv anr muôx 3 qơư uô hâux lưv, txâuk nhos 2 cxênhz lênhx lox tôngv nhoz uô hâux lưv. Iz shông zuôr tsiv uô tâu nhos 600 cxênhz xiv huv hâur ntu txix 2025-2030 thiêz zuôr xar iz tsov xiv huv iz shông txix đhâu shông 2030. Co zos tsêr meir tsiv uô khâu muôs trâu 2 chas thax tsav đrâuv, sir zôngv ntâu chuôz zênhx jông phưx vưv uô hâux lưv. Txos nhiv no, tsêr meir tưz xeir zuôr xar muôx 500 lênhx công nhân, phênhv ntâu zos lox tôngv ntơưv qơư, xav kror đruôz iz lênhs muôx phênhv sâu tâu txix 5-7 tsov đeiv iz hlik, muôx cxix cxuô têx chei paz bảo hiểm. Zơưv Nguyễn Văn hưởng, Phưv Chủ tịch Ủy ban xã Yên Châu, tỉnh Sơn La heik pâuz: “Đros thiêz tsưr ziv paz pêx xênhv muôx hâux lưv uô truôx tuk hâur thax tsav qơư, tsêr meir zuôr uô hâux lưv tsênhv tsênhz, muôz phênhv sâu tâu truôx thiêz uô bluô nux trâu zuk, trâu chuôz zis nênhs lox tôngv. Lar heik muôz jông six hơưv trâu nênhs lox tôngv zos heir nênhs tsơưs chiê lơưr muôx hâux lưv uô truôx ntơưv qơư nhoz. Txix ntơư paz chuôz tsar tsưx phưv truôx tuk thax tsav, lar heik zos huôv tsar kinh tế, XH truôx”./.

Trấn Long-Riê Lâux cxeik, nhênhv

Đros xênhz zur chor nhuôv tuz chôngz đuô muôx 119,3 lênhx pir đros 100 lênhx nhuôv nxêik hâur chor hli thâuv hâur shôngk shông no, qênhx shênhx xênhz zus nhuôv tuz nhuôv nxêik tsik siz bâus nhoz tỉnh Sơn La cux tsênhv siêz hâur hur si têz qơưk. Bích Thủy, nênhs sâu xor xưv Đaix nta suôz Việt Nam nhoz thax tsav Tây Bắc muôx mông hêik lok qênhx shênhx no:

Lơưr chor nênhs nhênhz chơưv dân sôr: phênhv siz bâus nhuôv tuz nhuôv nxêik thâuv xênhz zus zos xar muôx 102-106 lênhx nhuôv tuz pir đros 100 lênhx nhuôv nxeik tâu xênhz zus. Tsik siz bâus chor nhuôv tuz nhuôv nxêik thâuv xênhz zos zos chor nhuôv tuz tâu xênhz zus chôngz đuô 107 lok sik tsơưs đuô 103 lênhx pir đros 100 lênhx nhuôv nxêik. Đros muôx 119,3 lênhx nhuôv tuz tâu xênhz zus pir đros 100 lênhx nhuôv nxêik mak xênhz zus chor nhuôv tuz nhuôv nxêik tsik siz bâus ntơưv Sơn La tsênhv lok six siêz. Kror tsiv cxơưx zos, txơưv tưz kriz uô ntâu tsưr ziv phax tar, qênhx shênhx no cux tsênhv njiz ntâu phiv liv, muôx nhoz tas nro cxuô thax tsav qơư. Qir tiv chênhr cux zos xar muôx mê nhuôv tuz chiê tuôr đaz kruôk, pêx xênhv pâuz tsik tâu tsênhz txos siz bâus nhoz pox niêv txir nênhs, sêiz car tsik tâu qênhx shênhx njuôk shuôk mê nhuôv sêz zos nhuôv tuz lok nhuôv nxêik thiêz khov trâu têx khoa học yiêz jông chiê paz muôx tâu mê nhuôv tuz, iz cxiê cấp ủy chinhr quyền ntơưv qơư tsik tâu moz siêz txos hâux lưv nhuôv tuz nhuôv cxêik tsik siz bâus thâuv xênhz zus. Lơưr pos Nguyễn Thị Ánh Hồng, Phưv Chi cục tsar Chi cục Dân sôr tỉnh Sơn La: “Nganhx Y têr tưz hêik trâu tỉnh trỏ rkriz uô đề anr qênhz yuôx xênhz zus nhuôv tuz nhuôv nxêik tsik siz bâus ntu 2021-2025, muôz tsưr ziv uô cov siz bâus nhuôv tuz nhuôv nxêik thâuv xênhz zus tso trâu hâur tsưr ziv huôv tsar kinh têr-xar hôiv cxuô thax tsav qơư. Chuôz cxaz qênhz yuôx, txưr xêir tsov nhuôv tuz nhuôv nxêik thâuv xênhz zus lok sik lâux mê nhuôv por tsês tiv tsik zos tuk mê nhuôv trơưk zuk siêz nhiêv ntơưv têx qơưk y têr cungz dịch vuv. Sik côngv đros nganhx Zoz zux muôz hâux lưv no lok krir hâur chor tsêr cơưv ntơưr. Uô jông chor câu lạc bộ chor nhuôv nxêik sir jos cơưv ntơưr, phax tar ntơưv 34 tsêr cơưv cxênhx pêz. Yax kriê Chêi dân sôr, phiv liv txix nhuôv tuz nhuôv nxêik tsik siz bâux thâuv xênhz zus trâu sơưr đơưk pâuz chiê paz jux juk uô hlôngr yiêz siêz xar lok hâux lưv no”./.

Bích Thủy-Lik Thox cxêik nhênhv-Lưu, in đĩa