Hnuz 11/9, Ủy ban tỉnh Sơn La tsưr tsix Jiês cơưv hêik pâuz thiêz muôz Chủ tịch Ủy ban tỉnh li Cuêz tênhv lok côngz xưv canr bôv nhoz chor sở Tài Chính, Công thương, Zoz zux. Ntơưv jiês cơưv, hâu nov Sở Nội Vụ tỉnh Sơn La tưz hêik pâuz Chủ tịch Ủy ban tỉnh li chor Cuêz tênhv lok txêik jênhv, chiê zơưv Hoàng Văn Vạn, Bí thư Đảng ủy, Chủ tịch Hôiv đồng phường Vân Sơn, Sơn La uô côngz xưv ntơưv Sở Tài Chính, uô Giám đốc Sở Tài chính tỉnh Sơn La, txix hnuz 15/9/2025; Cuêz tênhv chiê zơưv Nguyễn Văn Chiến, Phưv Giám đốc sêiz car Sở Zoz zux uô Giám đốc Sở Zoz zux, txix hnuz 10/9/2025; Cuêz tênhv chiê zơưv Quàng Văn Dũng, Phưv Giám đốc Sở Tài chính uô Phưv Giám đốc Sở Công thương txix hnuz 15/9/2025. Zơưv Nguyễn Đình Việt, Chủ tịch Ủy ban tỉnh Sơn La hêik chor lênhx tov, sêiz car yiêz sâur zuôr đros tập thể canr bôv, công chức phuôx huiz sik côngv siêz, txux chi chiê uô cov tiêr tâu jông têx jênhv vưv tâu choz./.

Lê Hạnh-Lik Thox cxêik nhênhv

Chiv cheix shông no, tas nro tỉnh Điện Biên tsêz chos 21 cxênhz 500 hecta blêx. Nhiv no blêx tưz qir gôngr car uô plaz hnaz, taz sik qênhx shênhx caz hmoz uô hiêv tsênhv muôx yưv ntâu, njuôs xav uô zênhr shar txos yar lengx blêx. Têx zav caz hmoz uô hiêv blêx pov muôx yưv sâuv 400 hecta ntâu, siêz đuô 2 jiês pir đros tsêz no; caz câur blôngx mê uô hiêv 280 hecta.... Sở kôngz nuv thiêz tênhx qơư tỉnh Điện Biên tsênhv chox kriê chiz coaz chuyên môn ntâuk grê têx trâus uô hiêv thiêz paz txưv krêz uô têx tsưr ziv phax tuô caz hmoz. Thôngx cxix, heik kriê pox nhuôk nôngx mênhx uô tsưr ziv “4 huv đros” hâur sir zôngv yuôx por vêv đrox tsuôs, đros co zos yax six muk seiz liêx chiê pov nzor thiêz pov cov chiz coaz muôx txơưx jênhv thâuv pov muôx têx njuôs xav trâus caz hmoz uô hiêv./.

Vũ Lợi-Txâur Vax cxeik nhênhv

Ntênhk hôiv chêix nênhl sik tưr xar Tả Lèng, tỉnh Lai Châu jiês tiv 1 shông 2025 zuôr tâu tsưr tsix hâur 2 hnuz 27 thiêz 28/9. Ntênhk hôiv chêix nênhl sik tưr xar Tả Lèng njuôk xav zuôr muôx 20 tuk nênhl txix chor xar Tả Lèng, Sin Suối Hồ (Lai Châu), Bát Xát (Lào Cai) tuôx sik tưr. Đrâuv sik tưr chêix nênhl đhiê, ntênhk hôiv tsênhv muôx ntâu huôx tôngv jông li: sik tưr đhiê cxôngx nzor sâuv trôngz chiêz Tả Lèng; chor jiês sik tưr truz hluô, tuôr nduôr blêx, uô mor cuôv-zos tsôngv box Hmôngz li zav nox cxôngx nzor; qơư piêr pâuz têx hax huv OCOP, uô têx hâux lưv cxôngx nzor, zav nox kaz ntơưv thax tsav qơư thiêz têx zav uô si mênhx cxưx… Zơưv Phong Vĩnh Cường, Chủ tịch Ủy ban xar Tả Lèng, tỉnh Lai Châu puz pâuz: “Hâux lưv tsưr tsix Ntênhk hôiv sik tưr chêix nênhl đhiê Pu Ta Leng xar Tả Lèng lơưr tsưr ziv tuôr tsês thiêz phuôx huiz tsôngv box ntơưv thax tsav qơư li têx vênhx huôv cxôngx nzor. Txix co paz uô tâu jông sik côngv siêz cxuô mênhx cxưx, zaz zâuv tsôngv kruô tuôx du lịch. Xar tsưr ziv zos zuôr tsưr  tsix cov zos yênhx kror ntênhk hôiv tâu kriz uô tsik so, lơưr tsưr ziv cxiv tsa, cêv kuôk uô đros chor tsaz yênhx, đề anr nhoz tỉnh cov uô tâu jông tiv zix”./.

Khắc Kiên-Lik Thox cxêik nhênhv

Muôx nhos 11 six hơưv zar tar su hnuz 11/9, ntơưv cei cêr 115+800 sâuv niêv cêr 4D, ntu đhâu xã Tả Phìn, tỉnh Lào Cai muôx yưv txuz txiêz nanv zov chênhr. Thâuv co, yêz kruô thâux 36 lênhx kruô sâuv yêz muk lơưr saz Sapa-Thanh Hóa thâuv tsênhv grês har txos ntu cêr nkrâus txơưv tsi muôx phanh thiêz đrâu trâu lax caz tar cêr thiêz tsêr cơưv cxênhx 1 Trung Chải. Txuz txiêz nanv uô 3 lênhx kruô sâuv yêz trâus saz. Têx lênhx nênhs co tưz tâu lưx lươngv muôx txơưx jênhv thiêz tsôngv box chox muk chơưv kho ntơưv tsêr kho moz đa khoa số 4 tỉnh Lào Cai; tâuz hâu yêz kruô trâus liêv hnhar. Tâu pâuz, ntu cêr co muôx đơưv siêz; ntu muôx yưv txiêz nanv cux muôx ntux lok nas, uô cêr bluô. Thax tsav no cux jê tsêr cơưv ntơưr viv li tưz tâu bax uô têx paz txu grês tốc độ, muôx biển cui tênhv tsuv muk 30 cei cêr iz six hơưv./.

An Kiên-Txâur Vax cxeik nhênhv