Chủ tịch UB tỉnh Lào Cai nhiv kruôr tso tơưv côngz tênhv lok hâux lưv chuôz tsar hlôngr yiêz hâux lưv uô pháp luật li têx cuiz tênhv lok taz por zaoz thôngz thiêz cui tênhv txưr hâuk chơưr bia đros cán bộ, công chức, viên chức. Lơưr UB tỉnh Lào Cai, ntu đhâu, tsênhv muôx têx cán bộ, công chức, viên chức tsi tâu chiv chir uô trơưk Pháp luật li têx cui tênhv lok taz por zaoz thongz, tsuô uô ntêx nyuôk uô iz lênhx cán bộ, đảng viên li txơưx jênhv, tsênhv tsar yêz thâuv tưz hâuk chơưr bia, uô muôx yưv txiêz nanv zov chênhr. Chủ tịch UB tỉnh Lào Cai thix ziv UBMTTQVN thiêz têx đoanx thêv chính trị xã hội tỉnh; heik têx sở, ban, nganhx hâur tỉnh, UB têx xã, phường sâuv tỉnh thiêz têx taz viv cik txos heik kriê ciês txos cán bộ, công chức, viên chức, nênhs lox tôngv hâur chiz coaz, taz viv lok hâux lưv txưr hâuk chơưr bia hâur six hơưv uô côngz xưv, txơưv hâur ntu so thâuv tar su. Tsi tsar yêz thâuv tưz hâuk chơưr bia. Uô ntêx nyuôk uô jông pháp luật li têx cui tênhv lok têx njiêz luv heik sâuv./.

TTTB-Txâur Vax cxeik nhênhv

Hâur 13 luz tsêr cơưv cxênhx 1, cxênhx 2 muôz lok cxiv uô cê ntơưv 13 xã ntus đriv lơưr Bộ Chính trị tsưr ziv, Sơn La zuôr krêz côngz cxiv uô tsêr cơưv xuz thơưx trâu ntơưv xã Phiêng Khoài (huyện Yên Châu kuz) lok hnuz 19/8 zuôr txos. Njuôk xav hur si têx nhiêx yưx uô 13 luz tsêr cơưv co zuôr tas muôx 2.700 tyv đeiv; iz luz tsêr cơưv xav kror đruôz đar 5 ha, txâuk trâu nhos iz cxênhz lênhx shux xênhz nhoz cơưv txux chi... Ntu 2025-2026, njuôk xav yưv pênhr cxiv uô tsêr cơưv ntơưv têx xã zôngx ziv muk lol, muôx qơư jông cxiv uô li: Chiềng Khoong, Chiềng Sơn, Phiêng Khoài, Sốp Cộp.... Zơưv Nguyễn Đình Việt, Chủ tịch Ủy ban tỉnh Sơn La heik cxuô sở, ban, ngênhx hux jos đros xã Phiêng Khoài tsưr tsix krêz côngz cxiv uô cov jông, truôx tuk, cxênhx txuôs, tsi uô tuôr xuôv; iz chas ntơư, taz por trơưk chei têz qơưk têx cui tinhv lok yưv pênhr cxiv tsa thiêz têx cui tinhv txơưr đuô cik txos: “Seiz lok têx hâux lưv, vax huôv tâu choz, heik hâu nov cxuô sở, ban, ngênhx bax thiêz sir jos sik côngv têk chiê fuô uô têx hâux lưv cik txos; sir jos fuô kriê, paz Ủy ban chor xã heik sâuv thiêz xã Phiêng Khoài uô têx luôs hâux lưv zuôr trâus txos, taz por trơưk chei têz qơưk cui tinhv”./.

Trấn Long-Riê Lâux cxeik, nhênhv

Hnuz 12/8, Đảng bộ công an tỉnh Lai Châu tsưr tsix Đại hội teiv plor jiês tiv 18 six cxiv 2025-2030. No zos đại hội uô uô ntêx đảng bộ cấp siêz. Phuôx plov chox kriê ntơưv Đại hội, zơưv Vũ Mạnh Hà- Phưv bí thư thường trực Tỉnh ủy Lai Châu thiêz trung tướng Đặng Hồng Đức, Thứ trưởng Bộ công an tưz sâu jênhv thiêz kruôk têx chêx cuk mak Đảng bộ công an tỉnh Lai Châu tax tâu hâur six cxiv đhâu. Thôngx cxix thix ziv Đảng bộ công an tỉnh Lai Châu hâur six cxiv zuôr txos tsuv tror sik côngv jông đros cấp ủy đảng, chính quyênx têx cấp thiêz têx lưx lươngv muôx txơưx jênhv hâur uô jênhv vưv chính trị nhoz tiv phaz; chêx chôngk lênhs tov uô muôx chêx cuk trâur nuv công an 2 cấp. Đại hội tưz bo xeir 23 đồng chí lok hâur Ban chấp hành Đảng bộ, six cxiv 2025-2030; bo xeir 7 đồng chí lok hâur Ban thường vụ thiêz 7 đồng chí lok Ủy ban qênhz yuôx đảng ủy Công an tỉnh, six cxiv 2025-2030. Thiếu tướng Nguyễn Viết Giang, giám đốc Công an tỉnh Lai Châu tror tâu bo xeir uô Bí thư đảng ủy Công an tỉnh Lai Châu six cxiv 2025-2030./.

Khắc Kiên-Txâur Vax cxeik nhênhv

Txix têx trâus đêx nas uô ruôr hiêv hnhar hâur ntu jê lok no, ntâu sở, ngênhx nhoz tỉnh Điện Biên tưz quyết định nduô tsês tsi tsưr tsix têx hâux lưv vênhx huôv, chiv nhênhv, tsov cưv pênhr jos paz pêx xênhv cxiv kho têx tsi jông đhâu đêx nas ruôr hiêv. Iz chas co hnuz 11/8, Sở Vênhx huôv, Thêv thao thiêz ju lix tỉnh Điện Biên tưz heik pâuz, nduô tsês iz cxiê hâux lưv chiv nhênhv 80 shông Hnuz chax chês ngênhx Vênhx huôv (28/8/1945-28/8/2025), zos: Tsaz yênhx nthuôr uô cêr lov jêv, siz chuôs njiz côngv cêr lov jêv.... Trơưk li Sở Vênhx huôv, Thêv thao thiêz ju lix tỉnh Điện Biên, quyết định no zos chiê sơưr đơưk sik đros sir jos paz cxiv kho têx trâus puôk tsuôx, tsi jông tiv đêx nas uô ruôr hiêv; iz chas ntơư cux zos sik pheiz kênh cêr pôngz siêz, phiv liv đros tsôngv pêx xênhv cxuô heir nênhs hâur thax tsav. Uô ntêx co, Sở Nội vụ tỉnh Điện Biên cux heik pâuz, nduô tsês tsi tsưr tsix têx hâux lưv chiv nhênhv 80 shông Hnuz chax chês ngênhx Tsưr tsix têz qơưk thiêz 60 shông Hnuz yênhx lix Sở, tsuôk fuô uô iz cxiê hâux lưv huv đros xưz./.

Vũ Lợi-Riê Lâux cxeik, nhênhv