Tỉnh Ủy, HĐND, Ủy ban, Ủy ban MTTQ Việt Nam tỉnh Lào Cai thiêz Đảng ủy Công an tỉnh nhiv kruôr chiv nhênhv 80 shông Hnuz chax chês Công an Việt Nam thiêz 20 shông Hnuz hội tas nro tsôngv box sơưr đơưk sik đros tsưx phưv têz qơưk. Zơưv Trịnh Xuân Trường, Bí thư Tỉnh ủy-Chủ tịch HĐND tỉnh Lào Cai heik mễnh: Lưv lươngv Công an tỉnh Lào Cai tsuv tror uô jông têx cêr sik thôngx siêz; tror hlôngr yiêz thiêz lês uô truôx têx hâux lưv zok muôz; tsi so đros đreiv pêx xênhv, hux jos đros cxuô ngênhx, cxuô cấp, cxuô lưv lươngv muôx vax huôv chiê uô tâu jông cxuô luôs hâux lưv tsưx phưv truôx tuk qơư nhoz, chính trị, phưx vưv tỉnh cêr huôv tsar kinh tế, xã hội. Ndax six hơưv no, tưz muôx iz lênhx công an tỉnh Lào Cai tâu muôz côngz mênhx hov 3 uô tâu hâux lưv jông tsưx phưv têz qơưk; iz tập thể thiêz 35 lênhx txơưr đuô tâu Thủ tướng Chính phủ muôz ntơưr kruôs; ntâu  tập thể thiêz lênhx nênhs tâu Chủ tịch Ủy ban tỉnh, Giám đốc công an tỉnh muôz ntơưr kruôs uô tâu hâux lưv jông./.

Thừa Xuân-Riê Lâux cxeik, nhênhv

Ciêr chênhr paz tsêr nhoz trâu têx ziv chuôz zis tsôngv box, khưx phưx têx lớp cơưv uô ntêx shông cơưv yiêz, taz por zaoz thôngz muk lok đhâu tul đêx Sông mã...ntâu côngz xưv zov chênhr tsênhv tâu tỉnh Sơn La ciêr chênhr krêz uô chiê khưx phưx têx trâus ruôr hiêv tiv ntux nas, nzor truôx tul luz nênhx trâu tsôngv box. Xor mông ntơưv UB tỉnh Sơn La li jiês khiêz phêv sik seiz lax têx tsưr ziv tror khưx phưx têx trâus ruôr hiêv tiv ntux nas thiêz phax tar ntux nas, Chủ tịch Ub tỉnh SƠn La zơưv Nguyễn Đình Việt heik têx sở, ban, nganhx, tiv phaz chêx chôngk pênhr jos chiê khưx phưx thiêz truôx tul luz nênhx trâu tsôngv box; muôx tsưr ziv lêx ntêr chiê hôx phưx tsov uô xênhz yar, cxix luôk zaoz thôngz muk lok, tiv zix zos muk lok taz por trâu tsôngv box thax tsav buôk tul đêx Sông Mã đhâu thâuv têx tul qox đei trâus đêx cuôr yôngz thiêz puôk tsuôx tas: “Têx xã trâus zênhr shar tiv ntux nas mak tror seiz shuôk, taz por paz txưv trâu têx ziv chuôz zis, tiv zix zos chuôz zis tsi muôx tsêr nhoz, chuôz zis chính sách; chuv tôngv sir zôngv nhiêx txiêx dưv phax hâur xã, huiz tôngv txix xã hội chiê paz tsôngv box; seiz shuôk têx tsêr cơưv nhoz qơư tsi taz por, chiê tas nro shux xênhz tâu muk cơưv ntơưr, seiz car thiêz bax qơư nhoz trâu tsôngv box nhoz thax tsav riêz nênhs; nzor paz tsôngv box hôx phưx tsiv uô xênhz yar kôngz nuv, truôx tul luz nênhx”./.

Lê Hạnh-Txâur Vax cxeik nhênhv

Xiêz 02/9 shông 2025 zuôr tâu tỉnh Lai Châu tsưr tsix uô lox jông hâur 4 hnuz (txix 30/8 txos 02/9/2025), ntơưv xã  Than Uyên (tsênhv qơư huyện Than Uyên kuz). Co zos shông tiv 2, thax tsav qơư no nthuôr uô xiêz 02/9 lox li no. Xiêz 02/9 shông 2025 ntơưv Lai Châu zuôr muôx ntâu tsaz yênhx, cêr lov jêv jông li: Uô ciêz Nậm Pắt, ciêz hmo ntux Than Uyên đros trâu têx txux chi cêr lov jêv li: Sik tưr ntâuk poz, hnuz hội Mường Than hlôngr yiêz, nthuôr uô lov jêv hơưv xiêz 02/9, đhiê pax vuôk xòe..... Lar heik, thax tsav qơư cux zuôr tsưr tsix sik tưr đhiê ntiêx têz KOMOMO Than Uyên 2025 thiêz no zos xor xưv thể thao lox, hu zâuv chôngz lênhx ntâu tus hâur thiêz 2 chas têz qơưk đros uô si, côngv cêr lov jêv./.

Khắc Kiên-Riê Lâux cxeik, nhênhv

Lưx lươngv muôx txơưx jênhv tỉnh Lai Châu tưz nriêr tâu iz lênhx mê nhuôk trâus đêx cuôr yôngz tuôs ntơưv thax tsav niêv cêr 12, ntu đhâu jos Sà Dề Phìn, xã Sìn hồ, tỉnh Lai Châu iz lênhx mê nhuôk txơưr tsênhv trâus plox mông. Côngz xưv nriêr paz tsênhv tror ciêr chênhr tâu krêz uô. Uô ntêx co, thâuv 9 six tsâus ntux hnuz xiêz 10/8, UB xã Sìn Hồ jênhv tâu tix lâuk Sùng A Dớ , xênhz shông 1991, nhoz jos Sà Dề Phìn, xã Sìn Hồ li mông heik 2 tul mê nhuôk trâus plox mông sâuv tul đêx Nậm Na. 2 tul mê nhuôk zos Mùa Quang Mười xênhz shông 2016 thiêz Mùa Xuân Trường xênhz shông 2018 zos tix lâuk Mùa A Chá xênhz shông 1990 thiêz niêv lâuk Mùa Thị CHư xênhz shông 1995 nhoz jos Sà Dề Phìn li mê nhuôk. Ciês thâuv jênhv tâu xor mông, UB xã tưz chox kriê Ban chỉ huiz phax tar ntux nas thiêz nriêr chơưv nanv xã, Công an thiêz lưx lươngv dân quân tiv phaz tsưr tsix xav tênhv thiêz ciêr chênhr uô côngz xưv nriêr lênhx nênhs./.

Khắc Kiên-Txâur Vax cxeik nhênhv