Chor tsêr mêir uô zav nox trâu tu zus thiêz uô têx kôngz nuv Mavin Mai Sơn (Sơn La) nhiv kruôr tâu kriz uô zos côngz trinhx txêik tok Đại hôiv Đảng bôv tỉnh Sơn La jiês tiv 16, six cxiv 2025-2030. Dưv anr tâu kriz uô sâuv thax tsav đar muôx 10 ntâu héc ta, cxiv tsa ntơưv qơư công nghiệp Mai Sơn, nhoz xar Chiềng Mung (huyện Mai Sơn kuz), tỉnh Sơn La, zos Công ty TNHH Mavin Mai Sơn yưv pênhr, đros pênhr yưv uô muôx 350 tiv đêiv; muôx 2 kror tâu kriz uô zos tsêr mêir uô zav nox trâu tu zus tsiêx cxu uô tâu muôx 200 cxênhz tấn iz shông thiêz tsêr mêir uô têx kôngz nuv (kok ntông, poz cưk…) uô tâu muôx 300 cxênhz tấn iz shông. Njuôk xav zuôr muôx têx hax huv, phưx vưv trâu nênhs zuôr txix shông 2026. Dưv anr thâuv huôx tôngv zuôr paz muôx hâux lưv uô trâu 180 ntâu lox tôngv; đros co, tâu vav tiêk zuôr paz tsar ndê tsiv gri têx kôngz nuv ntơưv thax tsav qơư đhâu uô tiêr; paz muôx hâux lưv uô truôx trâu lox tôngv ntơưv thax tsav qơư; tsar ndê phênhv sâu trâu nhiêx txiêx têz qơưk thiêz paz muôx côngz nghệ uô yiêz jông lok uô, huv zos lơưr ploz tsênhr ntiêx têz./.

Trấn Long-Lik Thox cxêik nhênhv

Tây Bắc-suôv qơư tox siêz huôz pok niêz, liêx tơư ntêir njiê seiz jông chuôs têx pax ntâuz, muôx 30 ntâu heir nênhs uô nênhx nhoz uô cê. Hâur 80 shông đhâu, Đeix nta suôz VN tưz sir jos hla đhâu phiv liv, yax xa têx mông, xor xưv, Đảng, têz qơưk têx chei fuô kriê đros trâu têx suôz trax, suôz kênhx... txos trâu tsôngv pêx xênhv sơưr đơưk. Paz uô tâu luôs hâux lưv co, muôx tsi tsơưs chor tuz sâu xor xưv, nênhs uô tsaz yênhx hâur Đeix têx côngz đas jos. Zuôr xar iz luz hlik lok no, iz chas têx hâux lưv uô hâur yênhx hnuz, 3 lênhx uô tsaz yênhx luk Hmôngz nhoz Đeix nta suôz Việt Nam ntơưv thax tsav Tây Bắc tưz sik hlôngr njo tso đuôz sâuv fanpage “Nghe tiếng Mông cùng VOV Tây Bắc”. Trơưk li Txâur Vax uô tsaz yênhx luk Hmôngz, jiês tso đuôz xuz thơưx tâu uô ndax trâu ntu muôx coz nas chuô lox sôr 3 tsênhv lok txos sâuv ar, uô muôx iz cxiê têx tsi jông trâu tsôngv pêx xênhv sơưr đơưk: “Thâuv co pêz sơưr đơưk uô hâux lưv hâur Đeix tưz puôr lênhx pov, zuôr tsuv uô li chas chiê paz pêx xênhv phax txar, txo grêk tsơưs tâu iz phênhv tưs têx tsi jông. Đhâu ntơư, chor hloz hâur qơư uô hâux lưv thiêz pêz cux sik seiz lax thiêz quyết định tso đuôz yax xa têx mông, xor xưv trâu pêx xênhv pâuz lok coz nas chuô lox chiê sơưr đơưk phax txar. Chênhr zos li heik co, txix thâuv ntơư lok pêz qir tso đuôz yax xa têx mông, xor xưv trâu sơưr đơưk seiz thiêz mnôngs”./.

An Kiên-Riê Lâux cxeik, nhênhv

Têis cik 17/8, txix VOV Tây Bắc têx txuôk đros, Cuiv Viv Ntu nênhx zuôr txos đros chor nênhs siêz jông tưz khơưk muôz 600 kror hax huv trâu pêx xênhv traus ntux nas chuô ruôr hiêv ntơưv xar Huổi Một, tỉnh Sơn La thiêz xar Xa Dung, tỉnh Điện Biên. Tas nro tsiv gri muôx 670 triệu đêiv ntâu. zơưv Steve Bùi, Chủ tịch Cuiv Viv ntu nênhx zuôr txos puz pâuz: Đhâu ciêzz pâuz Sơn La thiêz Điện Biên trâus ntux nas chuô uô ruôr hiêv ntâu, ban hâu nov Cuiv tưz sêi đrơưv hêik sơưr đơưk, chor nênhs siêz jông li: Tâm Hoa Sen, Ánh Sáng Vũ Trụ… côngv đros chôngz lênhx nênhs siêz jông txơưr hâur hur si têz qơưk sik côngv đros paz. Tsuôk hâur 10 hnuz, Cuiv tưz hêik sơưr đơưk paz tâu yênhx puô triệu đêiv chiê chox tuôx paz trâu pox nhuôs. Iz kror hax huv puôr lênhx tâu xêir tsov jông, paz huv đros tsênhv tsênhz thiêz huv đros pêx xênhv luz nênhx: “Hnuz no Cuiv Next-G gra hax huv tuôx paz trâu pox nhuôs ntơưv Sơn La thiêz Điện Biên đros siêz xar phêiz kênh têx cêr pôngz siêz đros pox nhuôs trâus ntux nas chuô uô ruôr hiêv txos, mak tsênhv tsênhz tuôx txos ntơưv no thiêx njiê pov tâu têx trâus ruôr hiêv, pôngz plox co. Cuiv Next-G zuôr tsik so đros VOV Tây Bắc hâur chor huôx tôngv siêz jông, txix zoz zux, y têr txos chor huôx tôngv chơưv paz…”./.

Lợi-Long-Lik Thox cxêik nhênhv

Bax trâu shông cơưv yiêz 2025-2026, qơư tsiv uô têx ntơưr cơưv Việt Nam tưz muôz iz cxênhz ntâu fâu ntơưr cơưv puz trâu shux xênhz chor tsêr cơưv thax tsav trâus đêx nas uô ruôr hiêv nhoz tỉnh Điện Biên, xav hur si tsiv gri muôx 290 tsov đeiv.

Trơưk li Sở zoz zux tỉnh Điện Biên thôngz sâu, coz nas chuô lox txix hnuz 31/7 txos hnuz xiêz 03/8 nhiv kruôr đhâu tưz uô 7 lênhx shux xênhz nhoz têx xã Mường Luân, Tiêx Njênhx, Phình Giàng, Na Son, Xaz Zôngz trâus tuôs; yênhx châuv luz tsêr cơưv trâus puôk tsuôx, uô ntâu chuôz zênhx phưx vưv kriê thiêz cơưv ntơưr, shux xênhz têx ntơưr cơưv trâus tsi jông tas..... Đhâu qênhz shuôs, muôx 1.235 lênhx shux xênhz nhoz 5 luz stêr cơưv trâus đêx nas uô ruôr hiêv hnhar yax muôx tsi txâuk ntơưr trâu shông cơưv yiêz. Luôs hâux lưv qơư tsiv uô ntơưr Việt Nam zênhx max muôz ntơưr cơưv puz trâu shux xênhz zos têx cêr paz muôx liv tsênhv tsênhz. Sở chos luk, zuôr phênhz pheiz zênhx max thiêz muôz ntơưr cơưv txos trâu têx shux xênhz tâu paz chiê têx nhuôs tso siêz bax trâu shông cơưv yiêz thiêz sir jos cơưv ntâuz ntơưr tâu jông đuô hâur shông cơưv 2025-2026./.

Vũ Lợi-Riê Lâux cxeik, nhênhv