Thax tsav cách mạng Cam Đường yênhx lix lok shông 1948 zos iz kro jông, huv zos cxơưz Cách mạng hli 8 tir ntâuk tros châuz Pháp, uô qơư khov truôx trâu tir ntâuk tros châuz tsưx phưv tỉnh Lào Cai lok shông 1950. Thax tsav tir ntâuk tsav co nhiv no tsênhv ziv hnuz ziv huôv tsar, vav mênhx. Phường Cam Đường tâu yênhx lix đhâu thâuv muôz 7 xã, phường kuz hâur TP Lào Cai lok uô cê, ntơư zos: Bắc Cường, Nam Cường, Bắc lệnh, Pom Hán, Bình Minh, Xuân Tăng thiêz xã Cam Đường. Iz chas co, phường cux lok six lox đar đros thiêz muôx nhos 70 cxênhz lênhx nênhs. Hâux lưv tso tơưv txos shông 2030, 3 luôs hâux lưv zov chênhr huôv tsar ciêz đrôngs, công nghiệp thiêz dịch vụ hâur Cam Đường zuôr cxiz chuôz tsar phênhv sâu tâu hâur thax tsav tax 5.500 tyv đeiv; xav kror đruôz đraz iz lênhx nênhs muôx phênhv sâu tax 130 tsov đeiv iz shông; zos iz hâur têx thax tsav uô ntêx nyuôs huôv tsar kinh tế hâur tỉnh Lào Cai. Zơưv Vũ Hùng Dũng, Bí thư Đảng ủy phường Cam Đường heik pâuz: “Tiv iz zos sir jos thox cxov pênhr jos, muôx hur si lênhx nênhs hâur cxix luôs chính trị cux li pênhr jos chiê côngz trâu têx doanh nghiệp. Tiv 2 zos sir jos zuôr ar luôv plas chiê muôx ar cxiv tsa ciêz đrôngs, huôv tsar vênhx huôv, thêv thao, cxơưz cxiz krêz thiêz tsiv uô têx khoar cxax hâur thax tsav. Tsi tas li, cux sir jos thiêz cxơưz cxiz huôv tsar doanh nghiệp, hur si lok sâuv pênhr jos cux li hlôngr yiêz sôr”./.

VOV-Chia dịch đọc

Têis cik 19/8, Ủy ban tỉnh Sơn La tsưr tsix Jiês uô tiêr côngz trinhx cxiv luôs tso đêx ntưk muk thiêz xưv lik chor đêx tsik hur nhoz thành phố Sơn La kuz. No zos côngz trinhx txêik tol chiv nhênhv 80 shông cách mạng hli 8 thiêz hnuz 2/9. Lơưr Chinhr phuv, zơưv Đỗ Tiến Sỹ, ủy viên Trung ương Đảng, Tổng Giám đốc Đaix nta suôz Việt Nam dưv jiês uô tiêr côngz trinhx. Dưv anr zos Ủy ban tỉnh Sơn La uô tsưr yưv pênhr, sir zôngv pênhr nhiêx, nhiêx liv kiz ODA txix Chinhr phuv Đức, đros Chinhr phuv Thụy Sĩ li chor pênhr paz tsik tror thêv thiêz nhiêx txiêx têz qơưk ntơưv thax tsav qơư. Tas nro pênhr yưv uô muôx 900 tiv đêiv ntâu, kriz uô hâur ntu txix 2020-2025. Dưv anr muôx ntâu kror zov chênhr, hâur co muôx tsêr mêir xưv lik têx đêx vuôz tsuôz tâu muôx 6.857 yiv thôngx iz hnuz hmo, sir zôngv công nghệ xưv lik sinh học yiêz jông./.

TTTB-Lik Thox cxêik nhênhv

Tas cik hnuz 19/8, tỉnh Điện Biên tsưr tsix krêz uô côngz trênhx qơư bảo tàng tỉnh. Xav hur si pênhr yưv uô côngz trênhx co tas muôx 150 tyv đeiv, zos T.Ư muôz nhiêx txiêx uô, tâu vav chiê siêz zuôr yênhx tsênhv qơư vênhx huôv, lịch sử, por hưv thiêz tuôr tsês 19 heir nênhs uô nênhx nhoz hâur thax tsav têx txux chi vênhx huôv jông. Côngz trênhx chênhr zos luz tsêr 3 yôngx, cxiv uô đar 2 cxênhz ntâu xưv phaz. Qơư Bảo tàng co zuôr pheiz uô ntâu qơư, ntơư zos: Qơư piêr kriê têx đuôz, txux chi vênhx huôv, por hưv tsês têx chuôz zênhx, qơư tso đuôz, por hưv têx ntâuz ntơưr uz no...... Nhiv no qơư bảo tàng tsênhv khơưk tsês chiê 10 cxênhz ntâu zav chuôz zênhx cxuô zav, hâur co muôx ntâu zav lok cxuô heir nênhs tỉnh Điện Biên têx txux chi cêr nênhx vênhx huôv./.

Vũ Lợi-Lik Thox cxêik nhênhv