Uô jông luôs hâux lưv đơưk uô têx ntâuz ntơưr đhâu sâuv mạng xã hội cấp tỉnh, cấp xã, tỉnh Sơn La xav tinhv 32 hâux lưv, muôx 13 hâux lưv lok six zov chênhr tsuv uô cov tiêr uô ntêx hnuz 30/6/2025 thiêz 19 hâux lưv zov chênhr txơưr đuô fuô uô txos tas shông 2025. Txos nhiv no, tỉnh tưz uô tiêr 12 hâur 13 hâux lưv tso tơưv, 4 hâux lưv zov chênhr; têx ntâuz ntơưr đơưk uô tax tâu 92% ntâu, 100% xã muôx sóng xor tôngx 4G; têx chuôz zis sir zôngv máy hu xor tôngx smartphone tax tâu 96% ntâu. Txơưv li ntơư, taz sik chor ntâuz ntơưr đơưk uô đhâu sâuv mạng XH nhiv kruôr tax tâu 26%, ntâu xã phường tưz tsi tâu tâu 10%...uô phiv liv trâu ntâu luôs hâux lưv fuô uô. Cxuô sở, ngênhx, ntơưv qơư nhoz Sơn La tsênhv tror qênhz shuôs, đơưk têx phiv liv, kriê cxaz txux chi tsưr ziv yuôr trâus, tso tsês iz cxiê ntâuz ntơưr tsi zov chênhr chiê uô tâu jông têx hâux lưv zok muôz, zôngx ziv đuô trâu pêx xênhv./.

Báo Sơn La-Riê Lâux cxeik, nhênhv

Xav jenhv Kôngz jôngr nuv zos jênhv vưv tsênhv njiêz, Tỉnh ủy Điện Biên tso tơưv Nghị quyết 09 ntu 2021-2025 lok huôv tsar uô nox đros cxiv sta jêx jok yiêz. Tỉnh tsêx trung kho đuô nganhx kôngz nuv lơưr tsưr ziv uô hax huv chenhr zos blêx, cxur, cà phê, yuôx zêx, mắc ca, cao su, đros uô thiêz cxiv tsa côngz bê. Txos shông 2025, thax tsav tsoz chos côngz nghiệp, ntông nox txir chênhr tax tâu muôx 21 cxênhz ntâu héc ta; chor cà phê tâu muôx 23 cxênhz ntâu tấn, cuô mik cao su zuôr xar 27 cxênhz tấn; chor kôngz krâur tâu ntâu đuô tsưr ziv tso tơưv, thax tsav muôx jôngr vor tax 45% ntâu. Tas nro tỉnh tưz muôx 200 ntâu dưv anr uô nox, ntâu hax huv muôx côngz bê, hêik pâuz qơư uô. Khov muôx tsênhv chêi paz cxix cxuô, kôngz nuv zos yênhx kror zov chênhr trâu kinh têr Điện Biên, paz uô tiêr tsưr ziv huôv tsar truôx đrênhk./.

Báo Điện Biên-Lik Thox cxêik nhênhv

Hâur 5 shông đhâu, tưz muôx 72 cxênhz ntâu lênhx canr bôv, chiến sĩ nhoz Bộ Chỉ huy Quân sự tỉnh Lào Cai (muôz 2 tỉnh Yên Bái thiêz Lào Cai lok uô cê) sir jos hla đhâu phiv liv, đros tsôngv pêx xênhv cxuô heir nênhs phax tir thêir nas chuô, moz gênhk uô ruôr hiêv, tsi jông, lar heik zos lok sâuv phax tar moz Covid-19 thiêz cxiv kho têx tsi jông đhâu coz nas chuô lox sôr 03 uô hiêv. Canr bôv, chiến sĩ cux paz uô tsêr nhoz trâu pêx xênhv, cxiv uô, kho đuô têx cêr muk lol jêx jok; seiz shuôs thiêz muôz huv puz trâu chor chuôz zis muôx côngz têz qơưk, chuôz zis txov nhêv; paz shux xênhz pluôs tâu muk đros luôs lưv tus cơưv txux chi.... Tix lâus Lưv Xênhv Hơưx, nhoz jok Trôngz Kruô, xã Hạnh Phúc shir phaz heik pâuz: “Tuz lênhv thiêz jênh quân xã tưz paz pêz uô têx hâux lưv phiv liv li: Thâux gra têx ar, poz jêz, uô cêr luôv suôz jêz, xi măng. Muôx cêr jông muk, tsôngv pêx xênhv lênhx tưs cux shir phaz. Tsi tas li, chor tuz lênhv tsênhv kriê tsôngv niêv txir lax pêx xênhv huôv tsar uô nox, tsi siz zuôr nzor, siz zuôr cxênhz jê, tsi muk đhâu thax tsav, đriv têz tsi trơưk chei..../.

Đinh Tuấn-Riê Lâux cxeik, nhênhv

Xar muôx 3 six 20 phênhz hnuz 20/8, ntơưv cêik cêr 173+900, txox cêr 32, ntu đhâu jok Văn Hương, xar Cát Thịnh, tỉnh Lào Cai, tưz muôx txuz oz luz yêz thâux xa kruô siz đrâuk. Luz yêz muôx biển sôr 29B-510.18 thâux 38 lênhx nênhs zos tix lâus Vũ Đức Chính (zus shông 1972, nhoz ntơưv jok Thần Quy, xar Đại Xuyên, Hà Nội) sik yiêr đros luz yêz kruô muôx biển sôr 18H-030.14 thâux 6 lênhx kruô zos tix lâus Lều Văn Lộc (xênhz shông 1985, nhoz ntơưv xar Hải Thịnh, Ninh Bình) tsar. Txuz txiêz nanv uô iz lênhx nênhs tuôs thiêz iz lênhx nênhs trâus saz hnhar. Ciês đhâu muôx txuz txiêz nanv, lưx lươngv muôx vax huôv tưz muôx njêx muôs chiê chox nênhs trâus saz muk chơưv paz, hêik kriê chor yêz muk lok thiêz nriêr pâuz qir tiv txuz txiêz nanv no./.

Thừa Xuân-Lik Thox cxêik nhênhv