Nhoz đrak liêx Mường Thanh (Điện Biên)-đrak liêx lox tiv zix thax tsav Tây Bắc, yênhx puô đêiv qix tâu đêi za liêz vos, paz muôx tâu iz kror qơư ndis sêiz, cxêik đuôz yiêz jông jav thâuv zuôr txos 2/9. Côngz trinhx no tưz tsik zos paz muôx tâu iz kror qơư jông, mak tsênhv hêik tơưv tâu siêz nhiêv têz qơưk, mênhx cxưx nhoz thax tsav vuôk har Mường Thanh (Phường Mường Thanh, tỉnh Điện Biên), xar muôx 20 đêiv qix Têz qơưk tâu rêik siz ndax uô hax, paz muôx tâu iz txox cêr liêz plôngs nhoz hâur chor đrak liêx njuôz xiêz. Txuôk lơưr đrak liêx Mường Thanh, njuôk xav tsaz yênhx zuôr tror tâu 2 taz viv kriz uô ntơưv chor liêx ntêir xar Pu Nhi, tỉnh Điện Biên, đros muôx 400 đêiv qix têz qơưk tâu đêi trâu ntơưv 2 kror qơư no. Đrâuv zos côngz trinhx hluôk nênhs jông, “Txox cêr qix têz qơưk” cux zos tsưr ziv yax kriê paz uô trâu tsôngv box sơưr đơưk nhiêv txos zuk têz qơưk, mênhx cxưx hâur jiês Quốc khánh 2/9./.

Vũ Lợi-Lik Thox cxêik nhênhv

 Ủy ban tỉnh Điện Biên nhiv kruôr yênhx lix tổ qênhz yuôx muôx 9 lênhx chiê uô tsênhz mênhx qir tiv xor hlâu qox đei Pa Thơm ntơưv xã Thanh Yên trâus tu, uô 4 lênhx nênhs trâus saz. Tổ qênhz yuôx zos zơưv Nguyễn Minh Lượng, Phưv Giám đốc Sở Cxiv tsa uô thơưx chox, zuôr uô luôs hâux lưv qênhz yuôx, xav tinhv qir tiv thiêz heik trâu Ủy ban tỉnh pâuz. Uô ntêx co, têx xor hlâu đei qox Pa Thơm trâus tu, uô qox nzênhr, iz luz yêz lox thâux 3 lênhx nênhs thiêz iz luz yêz meir tsênhv muk lol sâuv qox tưz trâus pôngz trâu hâur đêx. Txos nhiv no, 3 lênhx nênhs cheix yêz lox trâus pôngz hâur đêx co tưz tơưv tsêr kho moz; lênhx txir nênhx uô hâux lưv hâur xã Thanh Yên trâus saz, nhiv no đas jos tưz truôx tuk thiêz tsênhv nhoz chơưv kho moz hâur tsêr yuôx. Tus qox đei Pa Thơm tâu cxiv uô shông 2004, ntêr 84 thiêr, đar 2 thiêr, tsuôk tso têx yêz thâux hnhar muôx 2 tênhr thiêz tsôngv pêx xênhv xã Thanh Yên muk lol đhâu hâur niêx hnuz./.

Vũ Lợi-Riê Lâux cxeik, nhênhv

Thâuv 9 six têis cik 25/8, ntơưv jok Sàng, phường Chiềng Cơi, tỉnh Sơn La (nhoz xar Hua La, TP Sơn La kuz) muôx iz txuz hluôr tơưl chis cuz ntơưv zơưv Nguyễn Văn Đông thiêz pos Trần Thị Hiền ziv chuôz zis tsêr. Thax tsav muôx hluôr tơưl chis cuz zos luz tsêr iz yôngx, đar xar muôx 160 thiêr ndis, tâu chuôz zis kriz uô qơư uô jâuz mor muôs trâu tsôngv kruô. Đhâu txêik tâu xor mông hêik pâuz muôx hluôr tơưl chis cuz, Phòng Cảnh sát phax cuz tuô cuz thiêz zok nriêr chơưv paz, Công an tỉnh Sơn La tưz tsar 2 luz yêz tuô hluôr tơưl thiêz xar muôx 20 canr bôv chiến sĩ hâur taz viv cơ động tuôx côngv đros lưx lươngv muôx vax huôv ntơưv qơư thiêz Công an phường Chiềng Cơi sir jos tuô hluôr tơưl. Đhâu xar 30 phênhz, hluôr tơưl tưz tâu tuô tuôs. Hmôngr jông, txuz hluôr tơưl tsik uô ruôr hiêv txos lênhx nênhs. Qir tiv txuz hluôr tơưl cuz tsênhv tâu cơ quan muôx vax huôv qênhz yuôx nriêr pauz cov tsênhz mênhx, thiêz nriêr pâuz têx trâus ruôr hiêv hâur txuz hluôr tơưl chis cuz no./.

TTTB-Lik Thox cxêik nhênhv

Trơưk li Cơ quan njuôk ntux yar ntux nas tỉnh Lào Cai njuôk xav, tiv coz nas chuô lox sôr 5 uô ruôr hiêv txos, cxuô thax tsav qơư hâur tỉnh muôx ntâu huôz, lok nas trâu iz cxiê suôv qơư, muôx kênh qơư lok nas lox, thax tsav tox siêz thâuv hmo thiêz tas cik sơưr nzor ntux no. Lok nas trâu ntâu qơư zôngx ziv muôx khâur jênhs chuô, lok lơưs, chuô lox thiêz xoz. Chênhr viv li, tsôngv pêx xênhv cxuô thax tsav, lar heik zos tox siêz tsuv chênhr phax, tsav muôx đêx huôv hloz, cuôr yôngz, tox xưz poz chiê txo grêk tsơưs têx tsi jông./.                               

Báo Lào Cai-Riê Lâux cxeik, nhênhv