Tas cik hnuz 26/8, ntơưv phường Điện Biên Phủ, tỉnh Điện Biên tsưr tsix ntênhs tik bê cêr Ngô Mạnh Lân- iz hâur 14 txox cêr yiêz tâu tik bê hơưv tos chiv nhênhv 80 shông quốc khánh xiêz 2/9. Ntơưv ntênhx muôx pos Ngô Phương Ly zos Tổng bí thư Tô Lâm li pox niêv tuôx dưv. Ntu cêr Ngô Mạnh Lân ntêr 310 yiv, đar 11 yiv ntâu, txuôk cêr Võ Nguyên Giáp muk ntus tul đêx Nậm Rốm, gôngr phênhv uô tiêr jông cxix luôk zaoz thôngz thiêz hlôngr yiêz niêv đrôngs. Uô ntêx co tỉnh Điện Biên cux tsưr tsix ntênhs tik bê cêr Phạm Văn Cường chiê ndo txos lênhx zênhz shôngx liệt sĩ tưz tâu tas siv nênhx phax tar nênhs phamv cxâuv zax zênhz. Huôx tôngv tik bê têx văn nghệ sĩ, lênhx nênhs muôx yênhx tưv, têx zênhz shôngx liệt sĩ cê zos kruôk txos têx tsiv grê lix xưv, vênhx huôv, cê zos zaoz zux cêr chax chês trâu cxênhx hluôk nênhs./.

TTTB-Txâur Vax cxeik nhênhv

Tas cik hnuz 26/8, ntơưv xã ntus đriv Pa Tần, tỉnh Lai Châu, Bộ Công an đros Ủy ban tỉnh tsưr tsix krêz côngz cxiv uô tsêr cơưv Phổ thông Dân tộc nội trú 2 cấp Pa Tần thiêz Bum Nưa. No zos 2 hâur 248 luz tsêr cơưv nhoz chor xã ntus đriv trơưk li Bộ Chính trị tsưr ziv. Iz luz tsêr cơưv cxiv uô muôx 30 lớp, txâuk trâu nhos iz cxênhz lênhx shux xênhz nhoz cơưv ntâuz ntơưr, xav hur si pênhr yưv uô tas muôx 200 tyv đeiv, fuô uô txix shông 2026-2030. Heik ntơưv ntênhs krêz uô tsêr cơưv, zơưv Nguyễn Văn Long Thứ trưởng Bộ Công an khav tinhv, côngz trênhx muôx liv lok six jông, paz gra siêz tsơưr lươngv zoz zux, iz chas ntơư cxiv kho txiv ngaz-côx phax thiêz huôv tsar kinh tế xã hội thax tsav ntus đriv. Ndax six hơưv no, Bộ Công an tưz muôz ntâu poz huv puz trâu shux xênhz thiêz tsôngv pêx xênhv 2 xã heik sâuv, ntơư zos meir tính, ntơưr cơưv, chuôz zênhx phưx vưv cơưv txux chi, tsôngk tril yo trâu shux xênhz hnar cơưv ntơưr, nhiêx txiêx đros trâu têx hax huv muôz puz trâu chuôz zis muôx côngz têz qơưk thiêz lưv lươngv công an hâur thax tsav qơư./.

Khắc Kiên-Riê Lâux cxeik, nhênhv

Ntux lok nas lox txos lok six lox txix 1 hnuz ntâu đhâu đros muôx chuô lox tưz uô ruôr hiêv hnhar nhoz ntâu tiv phaz hâur tỉnh Sơn La. Lơưr Ban chỉ huiz phòng thủ dân sự tỉnh, txos zar hnuz keix hnuz 26/8, tưz muôx zuôr xar 50 luz tsêr trâus đêx ngaz, tox poz lok uô ruôr hiêv, trâus zơưk trur; ntâu mênhv chêx kôngz lôngk trâus đêx ngaz; ntâu cêr muk lok hâur tỉnh thiêz têx xã muk lok tsi tâu. Ntơưv xã Ngọc Chiến, tỉnh Sơn La, ntux lok nas lox tưz cuôr lơưv tix lâuk Lò Văn Học, xênhz shông 1994 nhoz jos Nà tâu, xã Ngọc Chiến thâuv tix lâuk muk đhâu tul đêx nhoz jos Tậu Khứm. Ntux nas cux uô ruôr hiêv txos ntâu mênhv chêx kôngz lôngk, uô đêx ngaz, cuôr yôngz iz phênhv njưs tar đêx ntơưv jos Phày thiêz uô tox poz ntâu ntu cêr muk lok hâur têx jêx jos, uô zaoz thôngz muk lok tsi tâu. Ntơưv xã Gia Phù, ntux nas pur siêz tưz uô 7 ziv chuôz zis nhoz saz tiv uz tul đêx Bùa muk lok tsi. Iz cxiê qơư sâuv cêr muk lok trâus đêx ngaz toz. Chính quyênx thiêz lưx lươngv muôx txơưx jênhv tưz seiz jor, tsi chiê tsôngv box thiêz yêz muk lok đhâu chiê taz por. Đeix njuôs pov ntux yar ntux nas Sơn La njuôs pov, ntux tsênhv tror lok nas, njuôs xav zuôr muôx tox poz, đêx cuôr yôngz nhoz tox siêz thiêz đêx ngaz nhoz thax tsav qơư kis, tsôngv box sđ tsuv lok six tsưv ziv./.

Thừa Xuân-Txâur Vax cxeik nhênhv

Coz nas chuô số 5 uô ruôr hiêv txos, tưz lok nas lox trâu ntơưv tỉnh Lào Cai, ntâu qơư lok nas lok six hloz. Thôngz sâu txos zar hnuz kêix 26/8, đêx nas lox tưz uô tuôs thiêz pôngz plox mông2 lênhx nênhs; 2 lênhx txơưr đuô trâus saz; 708 luz tsêr trâus ruôr hiêv, hâur co 2 luz trâus puôk tsuôx, tsi jông tas hur si. Lar heik, 140 chuôz zis pêx xênhv xã Phong Dụ Thượng, 19 chuôz zis pêx xênhv nhoz jok lao Chải tsuv yêik txar zênhx max muk nhoz qơư truôx tuk. Đêx nas hloz cux uô ruôr hiêv, puôk tsuôx tas 21 ha ntâu blêx, poz cưk, jôngr ntông; uô puôk tsuôx 37 qơư hâux lưv, trâu uz no thiêz iz cxiê luz tsêr cơưv ntơưr, côngz trênhx vênhx huôv, ndêx tênhv, xav hur si têx trâus tsi jông njuôk xav tas muôx 5 tyv đeiv ntâu. Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh hu tsôngv niêv txir cưr tix nênhx tsa sơưr đơưk sik đros paz  pêx xênhv cxênhv têx vax tsêr cov truôx khor, qêz suô thiêz kho têx tsi jông. Nhiv no cux tsênhv lok nas, zôngx ziv muôx tox xưz poz thiêz đêx ngaz, tsôngv pêx xênhv sơưr đơưk tsuv chênhr phax, taz por truôx tuk trâu lênhx nênhs thiêz chuôz zênhx chuôz tav./.

Thừa Xuân-Riê Lâux cxeik, nhênhv