Têis cik 27/8, Ủy ban Mặt trận Têz qơưk Việt Nam tỉnh Điện Biên tsưr tsix Jiês cơưv kruôk txos chor nênhs uô tâu hâux lưv jông hâur Mặt trận Têz qơưk thiêz chor tsưr tsix Chinhr triv-xar hôiv jiês tiv 1, ntu 2025-2030. 5 shông đhâu, Mặt trận Têz qơưk cxuô cấp hâur tỉnh tưz kriz uô ntâu phongz yaox tsênhv tsênhz, njiê pov tâu zos “Tas nro têz qơưk côngv jos cxiv tsa jêx jok yiêz”, hêik pêx xênhv muôz muôx 224 cxênhz ntâu thiêr ndis ar, gôngr côngv tâu muôx 69 cxênhz ntâu hnuz côngz uô cêr, cxiv tsa tsêr vênhx huôv, tsêr cơưv ntơưr. Cuiv “Viv nênhs pluôs” txêik tâu muôx 500 tiv đêiv ntâu, paz cxiv tsa thiêz kho đuô 10.200 ntâu luz tsêr Niêv côngv siêz, paz yênhx cxênhz ziv chuôz zis huôv tsar kinh têr, khơưk muôz hax huv thiêz học bổng trâu zuôr xar 3.900 lênhx shux xênhz luz nênhx txov nhêv. Ntơưv jiês cơưv, 10 tập thể thiêz 65 tiz nênhs tưz tâu kruôk txos. Jiês no, Mặt trận Têz qơưk tỉnh tưz tso tơưv phongz yaox sik tưr ntu 2025-2030, chiê uô txêik tok Đại hôiv sik tưr nhiêv têz qơưk tỉnh Điện Biên jiês tiv 6 thiêz Đại hôiv sik tưr nhiêv têz qơưk hur si têz qơưk jiês tiv 11 shông 2025./.

Vũ Lợi-Lik Thox cxêik nhênhv

Trơưk li Ban seiz car phax tar nas chuô thiêz zok nriêr chơưv paz lênhx nênhs tỉnh Lào Cai heik pâuz, lok nas lox hâur têx hnuz đhâu tưz uô zuôr xar 180 luz tsêr trâus puôk tsuôx, phênhv ntâu zos trâus zơưk trur, ar, poz jêz xưz poz lok cxuz, đêx ngaz. Iz chas co, 500 ntâu chuôz zis pêx xênhv tsuv yêik txar muk nhoz qơư truôx tuk, hâur co phênhv ntâu nhoz xã Phong Dụ Thượng (huyện Văn Yên kuz); xã Lương Thịnh (huyện Trấn Yên kuz), xã Tân Hợp (huyện Văn Yên kuz). Txos nhiv no, xav hur si tỉnh Lào Cai têx trâus uô ruôr hiêv tiv coz nas chuô lox sôr 5 uô tas muôx 6,5 tyv đeiv. Iz chas têx vax tsêr, kôngz lôngk trâus puôk tsuôx, nas hloz cux uô ntâu ntu cêr, têx côngz trênhx côngz côngv trâus xưz poz, tsi jông. Đhâu thâuv muôx yưv tsi jông heik sâuv, Ban seiz car phax tar nas chuô thiêz zok nriêr chơưv paz lênhx nênhs têx xã heik sâuv tưz muôx njêx muôs zênhx max ntơưv qơư chiê hu zâuv sơưr đơưk sik đros paz pêx xênhv cxiv kho têx trâus puôk tsuôx, tsi jông chiê txo grêk tsơưs trâus ruôr hiêv./.

Thừa Xuân-Riê Lâux cxeik, nhênhv

Hnuz 27/8, sâuv mạng xar hôiv pov muôx video iz qơư tu zus njêl nhoz xar Gia Hội, tỉnh Lào Cai trâus pêx xênhv tuôx cxov njêl chuôs tsi hok tsưr qơư tu zus njêl mak uô tsik tâu li chak hlo. Kror hâux lưv no zaz zâuv chôngz nênhs sêiz, hâur co muôx tsik tsơưs nênhs tsik thôngx siêz, tsik njênhs trâus kror sêiz pov co. Chinhr quyền xar Gia Hội puz pâuz tưz tso canr bôv muk xav jênhv. Txos zar hnuz kêix đros hnuz, niêv tix Phạm Thị Mai-tsưr qơư tu zus njêl hồi Thức Mai-muôx luk hêik khav tênhv pox nhuôs tuôs cxov njêl zos tâu chuôz zis chiê lơưr cxov, viv chor njel nôngz zâu trâus tuôs ntâu đhâu muôx ntux nas, đêx ngaz cuôr. Taz sik, tiv pox nhuôs tuôx chôngz, tsux tas nro trâu chor njêl tsênhv chiêx viv li chuôz zis tưz hêik cov lơưr tsik cxov nzir. Niêv tix vav tiêk côngv thôngx zuôr tsik sêiz nzir video cov tsik muôx yưv têx kror tsik tsênhz, đros co hêik yêv por tsês têx xor mông tsik huv zos./.

Đinh Tuấn-Lik Thox cxêik nhênhv

Nhoz tox siêz lax nziês, iz chas đras liêx têx blêx njuôz xiêz, cxơưr jov jơưk, cêr muk lol hâur jok Suối Lìn, xã Vân Hồ, Sơn La đei qix liêz vok tưz yênhx qơư jông hâur têx hnuz hli 8 no. Cêr muk lol đei qix têz qơưk liêz vok tsi tiêk uô jông trâu jêx jok nhoz tox siêz, tsênhv xa thiêz heik txos sơưr đơưk têx cêr jông siêz, shir phaz thiêz. No zos côngz trênhx chor hluôk nênhs hâur thax tsav qơư uô, bax tok chiv nhênhv 80 shông xiêz 02/9. Hâur têx chêr tsôngk yiêz, khax jav, pêx xênhv thiêz tsôngv kruô tâu uô si lov jêv ziv uô trâu sơưr đơưk shir phaz, jông siêz đuô. Têx qix đei liêz vok cux zos heik thiêz choz kriê cxênhx hluôk, têx tuz nhuôs nhiv no pâuz seiz hloz, đros tsưx phưv truôx tuk qơư nhoz mak chor lâul thâuv ntêx tưz sir đas jos, trox nyar cxiv tsa thiêz tsưx phưv tâu tiêx tuk. Tsi tas li, têx qix têz qơưk đei liêz vok cxuô txox cêr cux zos tsôngv pêx xênhv tox siêz Sơn La cêr shir phaz, heik lol sơưr đơưk sik thôngx siêz, siz chos cxiv tsa thax tsav qơư ziv hnuz ziv huôv tsar, jông đuô./.

Thanh Thủy-Riê Lâux cxeik, nhênhv