Tas cik hnuz 28/8, tỉnh Điện Biên tsưr tsix njiz njêx muôs chiv nhênhv 80 shông cách mạng hli 8 thiêz xiêz 02/9, muôx 400 lênhx đại biểu zos chor hâu nov lox, canr bôv, tuz lênhv lâul, chuôz zis muôx côngz têz qơưk thiêz tsôngv pêx xênhv cxuô heir nênhs hâur tỉnh cxaz chuôz. Heik ntơưv ntênhs, Phưv Bí thư Tỉnh ủy Trần Tiến Dũng khav tinhv, Cách mạng hli 8 tưz krêz hâu cêr yiêz, truôx tuk trâu tsôngv pêx xênhv, iz chas ntơư heik mênhx txos têx luôs hâux lưv uô tâu hâur 80 shông đhâu. Hâur co Điện Biên tax tâu chuôz tsar kinh tế xav kror đruôz đraz zuôr xar 9% iz shông; têx chuôz zis pluôs txo grêk tsơưs yuôr 18%, thax tsav đriv têz tâu tsưx phưv truôx tuk, pêx xênhv luz nênhx hlôngr yiêz, vav mênhx lok six ntâu. Hâu nov tỉnh muôx luk hu lơưk tas nro chor canr bôv, đảng viên thiêz tsôngv pêx xênhv uô jông trơưk Điện Biên Phủ têx luôs hâux lưv uô tâu, sik thôngx siêz, siz chos cxiv tsa qơư nhoz ziv hnuz ziv huôv tsar. Ndax six hơưv no, tỉnh tưz muôz 70 poz huv puz trâu chor tuz lênhv lâul, chuôz zis muôx côngz têz qơưk thiêz chor lâul thâuv ntêx đros tir ntâuk tros châuz, tsưx phưv têz qơưk./.

Vũ Lợi-Riê Lâux cxeik, nhênhv

Tỉnh Sơn La nhiv kruôr muôx cuêz tênhv muôz 70 tiv đêiv chiê kho đuô têx trâus ntus têz ruôr hiêv, hâur co 50 tiv đêiv txix nhiêx txiêx têz qơưk Trung ương, 16,5 tiv đêiv txix nhiêx txiêx têz qơưk tỉnh thiez 3,5 tiv đêiv zos têx tỉnh txơưr muôz paz. Chor nhiêx no zuôr tâu muôz paz trâu 11 xar nhoz huyện Sông Mã thiêz Sốp Cộp kuz, chiê kho đuô têx cêr, tsêr cơưv ntơưr, chor côngz trinhx phax tar ntux têz ruôr hiêv. Đuô li, tỉnh huiz tôngv nzir chor phênhv paz xar hôiv chiê cxiv tsa yiêz, kho đuô, txar qơư nhoz sêi đrơưv thiêz kho đuô uô nox trâu pêx xênhv. Hâu nov tỉnh hêik muôz chor pênhr nhiêx xov ndar six hơưv, huv zos, huv lênhx nênhs, đros co tror hêik Trung ương paz nzir trâu Sơn La cov paz trâu pox nhuôs qơư trâus ntux têz ruôr hiêv nzor truôx tuk luz nênhx./.

Lê Hạnh-Lik Thox cxêik nhênhv

Zar hnuz kêix 28/8, Công an tỉnh Lào Cai tsưr tsix ntênhs heik pâuz Quyết định thiêz muôz Chủ tịch Ủy ban tỉnh Lào Cai ntơưr kruôs trâu têx tập thể uô tâu hâux lưv jông lok ruôr por tsês txuz nênhs fêv nziêk đas luôs lưv tus nhiêx txiêx đhâu nhiêx điện tử chuôr. Trơưk li cơ quan muôx vax huôv mông heik pâuz, txix hli 6/2025, chor nênhs fêv no tưz siz tuôr hâur, tsưr tsix ntâu jiês cơưv chiê hu zâuv tsôngv pêx xênhv sik đros yưv nhiêx uô iz zav nhiêx điện tử tsi muôx tsênhz. Txos hnuz 24/8, zuôr xar 100 lênhx canr bôv, chiến sĩ công an iz luôs qênhz yuôx shuôs ntâu qơư ntơưv Lào Cai, hà Nội, TP HCM, Gia Lai....thiêz ntêk tâu 25 lênhx nênhs, hâur co muôx têx lênhx tuôr hâur. Đhâu qênhz yuôx tso pov, chor nênhs fêv no tưz hâuz zâuv pêx xênhv đros uô têx hâux lưv tsi trơưk chei, nziêk đas luôs lưv tus nhiêx txiêx nox ndê txos yênhx cxênhz tyv đeiv. Công an tưz zênhx max xâur thẻ gra nhiêx thiêz sâu tsês têx chuôz zênhx uz no phưx vưv uô luôs hâux lưv tsi trơưk chei co tsiv gri 400 ntâu tyv đeiv. Nhiv no txuz nuv co tsênhv tror tâu qênhz yuôx chiê uô tsênhz mênhx thiêz muôz tik cêr cxâuv trơưk chei têz  qơưk cui tinhv./.

An Kiên-Riê Lâux cxeik, nhênhv

Thôngz sâu txix shông 2020 txos nhiv no, cơ quan Cảnh sát Qênhz yuôx Công an tỉnh Sơn la tưz pov 2 txuz, 2 lênhx nênhs đas nziek zuôr muôs lênhx nênhss, 3 lênhx nênhs xav tiêk trâus đas nziêk muôs tsik tâu tror lok; txêik jênhv 4 lênhx nênhs tâu chor nganhx muôx vax huôv, chor tsưr tsix phi chinhr phuv chơưv paz tâu… Ntu jê lok no, chor nênhs pham cxâuv đas nziêk zuôr muôs lênhx nênhs tror txơưr txar phiv liv ntơưv ntâu thax tsav qơư. Cxuô lênhx nênhs zuôr kriz uô ntâu tsưr ziv chiê đas nziêk muôs nênhs muk trâu têx têz qơưk txơưr chiê zuôr nhiêx sir zôngv, têx thâuv tsênhv zos trâus chor nênhs hâur chuôz zis paz đas nziêk thiêz. Txơưv chor lưx lươngv muôx vax huôv tưz kriz uô ntâu tsưr ziv phax tar, taz sik côngz xưv tsav txênhz cux tsênhv njiz ntâu kror phiv liv, tiv zix zos txix ciês chor nênhs trâus nziêk đas muôs. Lơưr Thượng tá Lê Mùi, Chánh văn phòng cơ quan Cảnh sát Qênhz yuôx Công an tỉnh Sơn La: đrâuv nganhx muôx vax huôv li sir jos, yênhx lênhx pêx xênhv, tiv zix zos pox niêv, nhuôv nxêik nhoz tox siêz, đêz đrôngs, ntus đriv tsuv nriêr pâuz cov jông, tsik mnôngs trơưk têx luk hêik nziêk đas muôx hâux lưv uô siz, nhiêx hli siêz thiêx tsik trâu chor nênhs fêv zuôr muôs lênhx nênhs co đas nziêk. Zos hmôngr tsik jông trâus đas nziêk muôs, tsuv hêik ciês trâu chuôz zis, chor nênhs cxênhz jê lok sik cơ quan têz qơưk nhoz jê tiv zix pâuz chiê tâu hêik kriê thiêz chơưv paz: “Pêz tưz cxiv tsa têx tsưr ziv, Chuyên đề tir tar zuôr muôs lênhx nênhs lơưr quý, lơưr hli; qênhz yuôx chor pox niev tsik muôx njêx muôs ntơưv thax tsav qơư nhoz, nriêr pâuz sêz lơưr muk kror tưs, uô đaz tsi, puôl zis cik txos zuôr muôs lênhx nênhs? Zos cik txos mak uô tsưr ziv phax tar li chak, tsik chiê muôx yưv zuôr muôs lênhx nênhs sâuv thax tsav”./.

Thu Thùy-Lik Thox cxêik nhênhv