Thâuv 9 six hmo xiêz 05/8, lok nas lox trâu ntâu thax tsav qơư, tưz uô đêx huôv hloz cuôr yôngz têx ar, poz jêz ntưk lok trâu txox cêr lox sôr 06, uô cxuô luz yêz muk lol tsi tâu đhâu ntơưv thax tsav Bon Phặng, xã Chiềng Pấc thiêz iz cxiê ntu đhâu chor xã Muổi Nọi, Tông Lạnh, huyện Thuận Châu kuz, tỉnh Sơn La.

Trơưk li mông xuz thơưx, đêx nas lox cux ntưk lol hâur pêx xênhv ntâu luz tsêr nhoz trơưk 2 saz ntus cêr lox, uô ruôr hiêv txos pêx xênhv luz nênhx xênhz huôx. Đhâu hlo thâuv muôx yưv tsi jông li heik sâuv, hâu nov têx thax tsav qơư heik sâuv tưz hu sơưr đơưk ntơưv qơư muk paz pêx xênhv yêik txar qơư nhoz; tso lênhx nênhs tơư kriê cxuô luz yêz tsi muk lol đhâu qơư muôx đêx ngaz toz, tox tu xưz, uô jông trơưk Cảnh sát zoz thôngz heik kriê.

Ciês hâur hmo, zơưv Nguyễn Thành Công, Phưv Chủ tịch Ủy ban tỉnh Sơn La, đros cxuô sở, ngênhx muôx vax huôv tưz buôk ti muk qênhz shuôs qơư trâus đêx ngaz thiêz chox kriê phax tar đêx nas lox. Đhâu qênhz shuôs, ntâuk grê têx trâus ruôr hiêv thiêz zôngx ziv trâus xưz poz, xã Muổi Nọi tưz paz 26 chuôz zis pêx xênhv, muôx 103 lênhx nênhs hâur jok Bon thiêz jok Phặng yêik txar muk nhoz qơư truôx tuk.....

Cơ quan njuôk ntux yar ntux nas cux heik, hnuz xiêz 06/8 no ntơưv tỉnh Sơn La tror lok nas lox trâu ntâu thax tsav qơư, tus đêx Nậm Pàn thiêz  đêx Sông Mã zôngx ziv huôv hloz, chênhr viv li tsôngv pêx xênhv sơưr đơưk tsuv bax yêik txar muk đhâu thax tsav riêz nênhs, tsi nhoz jê têx ntus đêx, cưx đês cưx ha, qơư zôngx ziv muôx tox xưz poz chiê truôx tuk trâu sơưr đơưk./.

Thanh Thủy-Riê Lâux cxeik, nhênhv

Zar hnuz kêix 5/8, Ban thường vuv Tỉnh ủy Lai Châu cơưv, tso ziv chênhv lok Đề anr kho đuô chor qơư zoz zux công lập thiêz cxaz nzir 190 tiv đêiv ntâu pênhr nhiêx têz qơưk Trung ương shông 2026 kriz uô têz qơưk chor tsaz yênhx. Trơưk đề anr, đhâu kho đuô, tas nro tỉnh yuôr 194 qơư zoz zux công lập. Bí thư Tỉnh ủy Lê Minh Hưng hêik uô cov tiêr đề anr huv đros thax tsav tox siêz, nhoz đêz; sir zôngv, muôz pênhr nhiêx huv đros cui tênhv, sir jos muôz pênhr yưv pênhr côngz; đros co tsêx trung bax jông trâu shông cơưv yiêz, kriz uô têx tsưr ziv paz cxơưz cxiz tsar ndê kinh têr, sâu nhiêx txiêx têz qơưk, phax tar ntux nas chuô ruôr hiêv thiêz sir jos yax kriê Nghị quyết Jiês cơưv Trung ương 3 khoar XIV./.

Báo Lai Châu-Lik Thox cxêik nhênhv

Tas cik hnuz xiêz 05/8, ntơưv thax tsav đơưv trôngz Hoàng Liên, Ban seiz car Dưv anr yưv pênhr cxiv tsa tỉnh Lai Châu hux jos đros Liên danh nênhs yưv pênhr uô zos Tập đoàn Đèo Cả uô thơưx tsưr tsix ntênhs krêz uô cêr kror ar đhâu trôngz Hoàng Liên, ntâuk chiv ntu cxiv tsa côngz trênhx zov chênhr yax hâur dưv anr cêr kror ar đhâu đơưv trôngz Hoàng Liên. Côngz trênhx xav hur si pênhr yưv pênhr tas muôx 3.300 tỷ đeiv, muk txix Lai Châu trâu Lào Cai, njuôk xav zuôr uô tiêr lok shông 2027. Thâuv uô tiêr, ntu cêr co zuôr muk lol tâu sei đuô txix 2 luz six hơưv yuôr 10 phênhz, paz taz por truôx tuk zoz thôngz, muk lol zôngx ziv trâu 2 chas thax tsav thiêz cxơưz cxiz kinh tế-xã hội thax tsav Tây Bắc huôv tsar./.

Khắc Kiên-Riê Lâux cxeik, nhênh

Kriz uô Tỉnh ủy li chox kriê, Ủy ban tỉnh Lào Cai nhiv kruôr muôx Quyết định sôr 2717 hnuz 5/8/2026, cui tênhv phênhv paz sêi đrơưv trâu pêx xênhv txar qơư nhoz muk đhâu têx qơư phiv liv, riêz nênhs sâuv thax tsav tỉnh. Lơưr co, chor ziv chuôz zis, tiz nênhs tsuv txar qơư nhoz trơưk cấp muôx vax huôv li quyết định tâu paz 250 cxênhz đêiv iz lênhx nênhs iz hnuz hâur ntu txar qơưk nhoz gâuv. Chor nhiêx no zos tỉnh muôx paz. Ủy ban têx xar, phường muôx txơưx jênhv muôz nhiêx paz cov huv zos lênhx nênhs, ndax ndênhk, tsênhz mênhx; đros co hêik chor nhiêx tsuv muôz paz trâu chor cơ quan muôx vax huôv pâuz.  Quyết định tâu uô trơưk txix hnuz 5/8/2026, paz trâu pêx xênhv trâus ntux nas chuô ruôr hiêv nzor truôx tuk luz nênhx./.

Báo Lào Cai-Lik Thox cxêik nhênhv