Ntơưv jiês cơưv chênhr Đại hội Đại biểu Đảng bộ tỉnh Lào Cai jiês tiv I, six cxiv 2025-2030, hlôngr njêx muôs Bộ Chính trị, zơưv Phan Thăng An, Phưv Tsar ban tsưr tsix T.Ư tưz côngz fur têx Quyết định lok côngz xưv ca nrr bôv ntơưv qơư. Iz chas co, Bộ Chính trị heik BCH Đảng bộ tỉnh lào Cai six cxiv 2025-2030 muôx 65 lênhx Ủy viên, Ban thường vụ Tỉnh ủy Lào Cai muôx 17 lênhx Ủy viên. Têx lênhx Bí thư, Phưv Bií thư Tỉnh ủy Lào cai six cxiv yiêz zos: Zơưv Trịnh Việt Hùng, Ủy viên dự khuyết BCH T.Ư Đảng, Bí thư Tỉnh ủy; zơưv Hoàng Giang, Phưv Bí thư Thường trực Tỉnh ủy; zơưv Trần huy Tuấn, Phưv Bí thư Tỉnh ủy, Chủ tịch Ủy ban tỉnh; zơưv Nguyễn Tuấn Anh, Phưv Bí thư tỉnh ủy; pos Dung xênhv Zax, Phưv Bí thư Tỉnh ủy, Chủ tịch Ủy ban MTTQ VN tỉnh. Đại hội Đại biểu Đảng bộ tỉnh Lào Cai jiês tiv I, six cxiv 2025-2030 zos Đại hội muôx liv zov chênhr, zos jiês xuz thơưx tâu tsưr tsix đhâu thâuv muôz 2 tỉnh Lào Cai thiêz Yên bái lok uô cê; tso tơưv ntâu hâux lưv trâu ntu huôv tsar yiêz, cxơưz thax tsav ntus đriv Tây Bắc huôv tsar truôx./.

An Kiên-Riê Lâux cxeik, nhênhv

Đại hôiv đại biểu Đảng bôv tỉnh Phú Thọ jiês tiv I, six cxiv 2025-2030 muôx chor đại biểu đros cơưv chôngz tiv zix txix thâuv ntêx tsos nhiv no muôx 500 đại biểu, hlôngr njêx muôs trâu 257 cxênhz đảng viên tas nro Đảng bôv. Đại hôiv muôx tsênhv njiêz “Cxiv tsa Đảng bôv, cxiv luôs chinhr triv hur jông, hênhr đuô; phuôx huiz đas jos niêv côngv siêz, chax chês vênhx huôv cxôngx nzor; uô ntêx hlo hlôngr yiêz, xar tơưv, hlôngr yiêz sôr; sir jos cov huôv tsar sêi, truôx đrênhk, đros tas nro têz qơưk sir jos hla trâu mênhx cxưx ntu hlôngr yiêz thiêz huôv tsar”. Đros tsưr ziv “Sik côngv siêz-Dân chủ-Kỷ cương-Hlôngr yiêz-Huôv tsar”, Đại hôiv zuôr sêiz shuôk, cuêz tênhv têx chủ trương, tsưr ziv lox, paz muôx chinhr triv truôx jông trâu huôv tsar tỉnh Phú Thọ hâur ntu yiêz, gôngr côngv trâu côngz xưv hlôngr yiêz, huôv tsar têz qơưk./.

Đinh Tuấn-Thừa Xuân-Lik Thox cxêik nhênhv

Ntơưv tỉnh Sơn La, trơưk li sâu jênhv xuz thơưx, lok nas lox tưz uô 2 lênhx nênhs trâus tuôs thiêz pôngz plox mông, hâur co lênhx nênhs trâus tuôs nhoz xã Mường Bang tiv tox xưz poz trâus, hok lênhx nênhs trâus pôngz plox mông mak nhoz xã Tô Múa thâuv tsênhv taz tov muk seiz tưv, trâus blênh tơư ntos trâu hâur đêx thiêz trâus đêx cuôr yôngz. Lok sâuv vax tsêr, zuôr xar 30 chuôz zis pêx xênhv nhoz chor xã Tô Múa, Vân Hồ, Gia Phù, lóng Sập, Mộc Châu....trâus đêx ngaz lok sik ar, poz jêz xưz poz lok trâus tsêr, pêx xênhv tsuv yêik txar qơư nhoz. Lok nas hloz cux uô ntâu luz tsêr cơưv ntơưr hâur thax tsav tỉnh trâus đêx ngaz. Ntơưv xã Phù Yên, coz nas chuô lox sôr 10 tưz uô ruôr hiêv tas 30 ntâu ha blêx; cêr muk lol hâur xã, hâur jok ntơưv jok Mo1, 2, Búc, Chiềng thượng, Chiềng Hạ....muk tsi tâu đhâu 2 chas thax tsav, iz cxiê ntu trâus ngaz lox. Qênhz yuôx luôs hâux lưv phax tir thêir coz ans chuô sôr 10 ntơưv xã Phù Yên, tỉnh Sơn la zar hnuz kêix 29/9, zơưv Nguyễn Thành Công, phưv chủ tịch Ủy ban tỉnh heik lưv lươngv muôx vax huôv thiêz hâu nov ntơưv qơư sox seiz njôngr ntux têx txơưr txar, qênhz shuôs hâux lưv yêik txar pêx xênhv muk nhoz qơư truôx tuk, lar heik zos ntơưv têx thax tsav nhoz jê ntus cưx đês cưx ha, qơư riêz nênhs zôngx ziv trâus xưz poz, đêx ngaz chiê txo grêk tsơưs têx tsi jông trâu lênhx nênhs thiêz chuôz zênhx chuôz tav./.

Trấn Long-Riê Lâux cxeik, nhênhv

Xor mông txix xar Mường Hum, tỉnh Lào Cai, thax tsav qơư muôx 1 lênhx nênhs trâus plox mông zos niêv tix Sung Xênhv Zax, xênhz shông 1978, mênhx cxưx Hmôngz, nhoz ntơưv jok Pờ Hồ thâuv muk đhâu qơư muôx ar poz. Lok nas lox tsênhv uô 3 lênhx nênhs ntơưv Lào Cai trâus saz, zos 2 lênhx nênhs nhoz jok Bản Trang, xar Thượng Hà, 1 lênhx nênhs nhoz jok Sông Lẫm, xar Tả Cu Tỷ. Tas nro tỉnh cux muôx 338 luz tsêr trâus poz vâu, puôk tsuôx, nhoz chor xar ntơưv tỉnh Lào Cai kuz. Lơưr cxuô thax tsav qơư hêik pâuz, txos nhiv no muôx 529 héc ta ntâu tsoz chos trâus ruôr hiêv, hâur co muôx 360 ntâu héc ta blêx, tsênhv yuôr zos poz cưk, jâuz tâuv thiêz tsoz chos công nghiệp. Lok nas đêx ngaz cuôr cux uô ar poz lok cxuz cêr uô trâu txox cêr 162, 155 thiêz ntâu ntu cêr zoz thôngz muk lok tsik tâu. Njuôk xav trâus hiêv tas muôx 15 tiv đêiv ntâu.

Đros ntux nas chuô li txơưr txar, cxuô thax tsav qơư tror sir jos nriêr pâuz qênhx shênhx, hêik trâu pêx xênhv pâuz tâu sêi têx xor mông lok ntux nas chiê muôx tsưr ziv phax tar. Nriêr pâuz têx phiv liv li đêx ngaz cuôr, ar poz, tso tơưv têx tsưr ziv phax tar, txar pêx xênhv ntơưv têx qơư riêz nênhs muk trâu têx qơư ngaz tuk, paz txo grêk tsơưs têx trâur ruôr hiêv./.

An Kiên-Lik Thox cxêik nhênhv