Đhâu 1 hli kriz uô tsưr ziv chinhr quyền oz cấp, bôv mêir yiêz ntơưv ntâu xar, phường nhoz Lai Châu tưz kriz uô huv tsưr ziv. Taz sik, chiê uô truôx jông tsưr tsix bôv mêir mak tsik zôngx ziv thâuv njiz trâus ntâu phiv liv lok nênhs uô hâux lưv, qơư uô hâux lưv thiêz chor công nghệ. Tsênhv tsênhz pov muôx tsik tsơưs têx phiv liv, tsuv muôx cxuô cấp, cxuô nganhx, thax tsav qơư li têx sir jos.

Ntơưv phường Tân Phong-taz viv hành chinhr yiêz tâu chiê 5 taz viv cấp xar, phường kuz zos Tân Phong, Đông Phong, San Thàng (thành phố Lai Châu kuz) thiêz Bản Giang, Nùng Nàng (huyện Tam Đường kuz) lok uô cê, nhiv no thax tsav qơư tsênhv tsuv kriz uô lơưr “1 taz viv-oz kror qơư uô hâux lưv”, thâuv xar muôx 150 lênhx canr bôv tsuv uô hâux lưv ntơưv qơư uô hâux lưv kuz xar San Thàng thiêz phường Đông Phong, siz kuôk xar muôx 1 cêik cêr. Têx hâux lưv uô ntâu, vax tsêr cxuô zav grêiv, tsik tâu cxix cxuô tưz uô muôx yưv tsik tsơưs têx phiv liv. Taz sik, zơưv Nguyễn Văn Nghiệp, Chủ tịch Ủy ban phường Đông Phong, tỉnh Lai Châu puz pâuz, bôv mêir canr bôv ntơưv thax tsav qơư hâur 1 ciêz đhâu tưz sir jos uô hâux lưv huv zos lơưr tsưr ziv, txơưx tsênhv zuôr tror txo grêk tsơưs chor nênhs uô hâux lưv cux phênhv tưs uô phiv liv txos canr bôv li qênhx shênhx uô hâux lưv./.

Khắc Kiên-Lik Thox cxêik nhênhv

3 hnuz đhâu jiês đêx nas cuôr yôngz, đêx ngaz lox ntơưv têx jêx jos Suối Lư 1,2,3 xã Na Son (huyện Điện Biên Đông kuz) tỉnh Điện Biên, côngz xưv khưx phưx têx trâus ruôr hiêv tsênhv tâu chính quyênx thiêz lưx lươngv muôx txơưx jênhv sik côngv ciêr chênhr krêz uô. Hâur têx phêv liv, tsôngv box li siêz siz hluz siz paz thiêz chính quyênx tiv phaz, Đảng, têz qơưk li paz txưv zos têx paz tsôngv box nzor truôx tul luz nênhx, hla đhâu cxuô phêv liv. Niêv lâuk Lò Thị Mai, tsôngv box jos Suối Lư 1 heik:

“Pox nhuôk puôr lênhx sik côngv tês paz max, chuôz zis tưs tsi trâus ruôr hiêv lok sik trâus ruôr hiêv tsơưs mak cux tâu paz max qêz suô vax tsêr, môngr ar. Cxuô lênhx nênhs gôngr paz cxur, đêx hâuk thiêz zav nox. Lok six sor siêz viv tsôngv box sik côngv siêz thâuv njiz trâus têx phêv liv”

Nhiv no têx lưx lươngv muôx txơưx jênhv tsênhv sir jos thâux hax huv, kôngz krâur thiêz đêx hâuk, chuôz zênhx muk têx thax tsav trâus ruôr hiêv hnhar chiê paz tsôngv box hla đhâu têx phêv liv, nzor ngaz tul luz nênhx./.

Vũ lợi-Txâur Vax cxeik nhênhv

Đros tsưr ziv “đêx grêk txos tưs, tror sir jos tso tênhv tênhz txos co”, canr bôv công nhân viên Công ty Tênhv tênhz Sơn La tưz uô hâux lưv yênhx hnuz hmo chiê qênhz yuôx, nriêr pâuz têx trâus ruôr hiêv thiêz kho đuô tror tso tênhv cov tâu nzor tiv zix. Nhiv no tas nro thax tsav Sông Mã, Sốp Cộp tsênhv yuôr 9 trạm biến áp thiêz xar muôx 800 lênhx nênhs tsênhv tâu sir jos đơưk kho chiê tror tso tênhv tênhz sir zôngv.

Hok ntơưv Điện Biên, Công ty Tênhv tênhz Điện Biên tưz sir jos tror tso tênhv tênhz trâu 8.893 hâur tas nro 8.960 lênhx nênhs njiz trâus ntux nas chuô ruôr hiêv ntơưv chor xar nhoz thax tsav Điện Biên Đông (kuz), muôx 96 hâur 97 trạm biến áp tâu kho đuô, nhiv no yuôr 1 trạm biến áp thiêz 67 lênhx nênhs tsênhv tâu sir jos kho đuô cov muôx tâu tênhv tênhz sir zôngv, tsik chiê pêx xênhv njiz trâus ntâu phiv liv./.

VOV-Ly dịch đọc

Chiz coaz cảnh sát qênhz yuôx Công an tỉnh Lào Cai nhiv kruôr cuiz tênhv cxaz nzir tik cêr cxâuv đros Nguyễn Bá Nguyên, kuz Chủ tịch UB phường Sa Pả, thị xã Sa Pa tỉnh Lào Cai (kuz) viv “Tsi muôx txơưx jênhv uô muôx yưv têx ruôr hiêv hnhar”. Txuz hâux lưv no muôx lênhx coaz txos txuz án thaz huôz nox nhiêx nhoz phường Sa Pả (nhiv no sik côngv đros 4 phường txơưr yênhx phường Sa Pa) Uô ntêx co, hâur hli 8/2023, chiz coaz cảnh sát qênhz yuôx Công an thị xã Sa Pa tưz tik cêr cxâuv Trịnh Thị Hương, công chức tài chính –kế toán phường. Trịnh Thị Hương tưz liv zôngv hâux lưv uô, uô hồ sơ chuôz, xav tênhv cxâuv chuôz zênhx chuôz tas têx côngz tsinhx cêr nôngx cxênhz yiêz, đhâu co huôz nox 2,7 tỷ đeiv txix nhiêx txiêx têz qơưk. Thôngx cxix, kuz Chủ tịch UB phường Sa Pả Nguyễn Bá Nguyên, lênhx nênhs muôx txơưx jênhv tsênhv hâur hâux lưv seiz car, tâu xav tênhv zos tsi muôx txơưx jênhv hâur uô côngz xưv, uô muôx yưv têx hâux lưv tsi jông. Nhiv no, chiz coaz cảnh sát qênhz yuôx Công an tỉnh Lào Cai tsênhv tror uô ntâuz ntơưr chiê yưr lir têx lênhx nênhs lơưr PL li cui tênhv./.

Vũ Lợi-Txâur Vax cxeik nhênhv