Hâur 02 hnuz 20 thiêz 21/8, ntơưv Côn Minh, Vân Nam thiêz Hàng Châu, Chiết Giang (Trung Quốc), Tsênhv qơư cxơưz cxiz yưv pênhr uô, muôv muôs thiêz paz max doanh nghiệp tỉnh Lào Cai tưz tsưr tsix cơưv piêr kriê Hội ciêz muôv muôs ntiêx têz Việt-Trung jiês tiv 25 shông 2025. Hội ciêz zuôr nthuôr uô txix hnuz 19 txos 24/11 ntơưv Tsênhv qơư Hội ciêz piêr kriê Kim Thành, phường Lào Cai đros njiêz luk “Lào Cai thiêz Vân Nam-sik côngv, sik đros huôv tsar”. Hội ciêz co njuôk xav zuôr muôx 500-550 qơư muôs têx hax huv, đar 4 cxênhz xưv phaz, muôx qơư piêr kriê jông, qơư yêz lox thiêz zav nox. Doanh nghiệp Việt Nam, Trung Quốc đros ntâu luz têz qơưk txơưr đuô zuôr cxaz chuôz, muôs ntâu zav xiv huv li: Kôngz-jôngr-đêx nuv txos trâu têx chuôz zênhx uz no phưx vưv luz nênhx xênhz huôx hâur niêx hnuz./.

Báo Lào Cai-Riê Lâux cxeik, nhênhv

    Hâur ntu têz qơưk tsênhv sir jos huôv tsar, cxênhx txuôs, phax tar uô tuôr xuôv ziv hnuz ziv tâu sir jos uô. Tsênhv tsênhz, tsik thav piz uô txix tex hâux lưv lox. Tuô  têx tênhv tênhz thâuv tơưv muk đrâuv jôngr, sir zôngv six hơưv uô hâux lưv cov truôx jông lok sik cxiv tsa têx cêr nênhx jông hâur kinh doanh… puôr lênhx zos têx kror hâux lưv zâu taz sik zos kriz uô tsik so, zuôr paz muôx tâu iz xar hôiv cxênhx txuôs thiêz vav mênhx. Zơưv Lê Việt Ánh, Giám đốc sêiz car Thảo Nguyên Resort Mộc Châu, tỉnh Sơn La puz pâuz, doanh nghiệp tsênhv sir jos yax kriê lok têx cor cav sir zôngv điện thoại, cxuô lênhx nhân viên, nênhs lox tôngv tsuv sir jos uô cxênhx txuôs li tuô tas nro têx chuôz zênhx tênhv thâuv tơưv hâur qơư uô hâux lưv muk đrâuv jôngr… “Ntu đhâu, pêz tưz nhênhz chơưv, kriz uô ntâu tsưr ziv chiê cxênhx txuôs tênhv… Pêz hlôngr têx chuôz zênhx tênhv kuz thiêz cxôngx nzor txix chor chuôz zênhx cxênhx txuôs tênhv cux li muôx têx tsưr ziv cxơưz cxiz sơưr đơưk cxênhx txuôs tênhv… Pêz hlôngr yiêz cxuô kror chiê paz muôx tâu têx qơư uô hâux lưv jông đuô…”./.

VOV-Lik Thox cxêik nhênhv

Txix hmo 20 txos 21/8, lok nas lox trâu ntâu thax tsav qơư hâur tỉnh Lai Châu tưz uô đêx ngaz lox thiêz tox xưz poz nhoz iz cxiê txox cêr muk lol. Ban seiz car phax tar ntux uô ruôr hiêv tỉnh tưz tso tơưv côngz tênhv zênhx max, heik cov nhoz trơưr ntơưv qơư hâur yênhx hnuz hmo, heik pâuz nzor thiêz yêik txar pêx xênhv muk nhoz têx qơư truôx tuk. Chor lưv lươngv muôx vax huôv tưz tso meir, yêz câuk ar nhoz đreiv ntơưv têx qơư zôngx ziv muôx tsi jông li heik sâuv, cxok fiêx heik trâu sơưr đơưk pâuz têx riêz nênhs, bax cxiv kho têx trâus puôk tsuôx chiê taz por yêz muk lol tâu đhâu. Zơưv Hoàng Tiến Quý, Giám đốc Công ty por hưv, cxiv kho cêr ar sôr I Lai Châu heik pâuz: “Txix ntux têx txơưr txar phiv liv, pêz tưz bax phênhz meir, yêz , chuôz zênhx thiêz lênhx nênhs nhoz đreiv ntơưv têx ntu cêr zôngx ziv trâus xưz poz, riêz nênhs lok sik ar, poz jêz cxuz cêr ntơư chiê thâuv tưs muôx yưv têx tsi jông mak zênhx max cxiv kho, thoz huk. Thâuv muôx têx ntu cêr trâus xưz poz, uô tuôr thênhv txos yêz muk lol tâus cêr mak pêz tso nênhs, yêz câuk ar muk thoz huk, cxiv kho sei đrơưv chiê sơưr đơưk muk lol tâu zôngx ziv, truôx tuk”./.

Khắc Kiên-Riê Lâux cxeik, nhênhv

Thâuv 9 six 30 phênhv têis cik 21/8, ntơưv cêik cêr 111, txox cêr 4G, nhoz thax tsav xar Sốp Cộp, tỉnh Sơn La tưz muôx ar poz lok cxuz cêr tas. Thâuv muôx ar poz tsik muôx nênhs muk lok đhâu viv li tsik trâus ruôr hiêv txos lênhx nênhs thiêz têx yêz. Ciês đhâu muôx ar poz, xar Sốp Cộp tưz hêik trâu chor lưx lươngv muôx vax huôv pâuz tso mêir tuôx thoz huk chor ar, xor thêir thiêz hêik pâuz, sêi đrơưv kho đuô ntu cêr muôx ar poz. Nhiv no, kror qơư no cux tsênhv zuôr tror muôx ar poz, cxuô lênhx nênhs thiêz têx yêz thâuv muk lok đhâu mak tsuv sêiz shuôk jông, tsik muk chênhr thiêz tsik muk jê trâu chor yêz txoưr, chiê paz ngaz tuk jông thâuv muk lok sâuv txox cêr no./.

Trấn Long-Lik Thox cxêik nhênhv