Ntux nas chuô hâur têx hnuz đhâu, tưz uô puôk tsuôx ntâu txox cêr muk lok hâur thax tsav tỉnh Sơn La; lar hêik zos têx cêr muk trâu cxuô xã; hâur co muôx txox cêr muk sông Mã, 2 tus qox nhoz xã Chiềng Sơ thiêz Mường Lầm cux trâus đêx nas cuôr yôngz. Xã Huổi Một muôx 6 txox cêr muk trâu jêx jos trâus poz, puôk tsuôx; lar hêik zos txox cêr Huổi Một - Nậm Mằn trâus poz, muk lok tsik tâu đhâu; tus qox bê tông đhâu đêx Nậm Công txix ntu cêr 4G – Tsêr máy tênhv tênhz Nậm Công 3A trâus đêx nas cuôr yôngz. Iz chas têx qơư trâus puôk tsuôx thiêz têx cêr muk lok hâur tỉnh yêz tưz muk lok tâu đhâu. Hau nov cxuô tsênhv qơư tưz zênhx max bax cxix cxuô yêz, lênhx nênhs sox sêiz njôngr, zos ntu cêr tưs trâus đêx nas uô puôk tsuôx, zênhx max cxiv kho đuô cov tâu tiêr chiê tsôngv px sđ muk lok tâu đhâu. Zơưv Nguyễn Văn Chính, Phưv Giám đốc cxiv tsa tỉnh Sơn La hêik pâuz: “Nhiv no, cxuô txox cêr sở sêiz car, tưz bax txâuk yêz, lênhx nênhs, zos thâuv tưs muôx ntux nas lok lox, uô têx cêr trâus puôk tsuôx, tsuv kho zênhx max. Đros co, cux chox car cxuô đơn vị sox sêiz njôngr hâur yênhx hnuz hmo, muk lok qênhz yuôx cxuô ntu cêr, tsik chiê têx cêr muk lok trâus puôk tsuôx”./.

                                     Tsu cxêik nhênhv-Lê Hạnh, CQTT Tây Bắc

Cux ntơưv Sơn La, lơưr tsêr meir đêx tênhv Mường Luân 1 li thôngz pov txix 5 six 30 phênhz zar hnuz keix hnuz xiêz 5/8, qir tso đêx sâuv pas đêx tênhv Mường Luân 1,2. Lơưr Đeix njuôs pov qiv hơưv tỉnh Sơn La, ntơưv qơư njuôs pov ntux yar ntux nas Sông Mã zar hnuz keix hnuz xiêz 5/8 muôx ntux lok nas lok six lox. Ciês thâuv muôx njuôs pov muôx ntux nas lox, têx xã, phường nhoz tỉnh Sơn La tưz chox kriê têx tsar jos thôngz pov txos yênhx ziv chuôz zis tsôngv box, muôx tsưr ziv phax tar đêx ngaz, tox poz; chuv tôngv seiz njôngr qênhx shênhx ntux nas thâuv hmo ntux chiê ciêr chênhr txar qơư nhoz muk nhoz qơư taz por đuô./.

Thanh Thủy-Txâur Vax cxeik nhênhv

Muôx yưv têx tsik jông tiv ntux nas chuô uô ruôr hiêv hâur têx hnuz đhâu, hâu nov tỉnh Điện Biên tưz cơưv Ban sêiz car, paz cxiv uô tsêr nhoz hâur hur si 45 xã, phươngx. Jiês cơưv muôx njiêz luk, siz chos côngv đas jos, tsưr ziv huôv tsar uô, tsik chiê lênhx px tưs trâus nhoz tov kaz. Luôs hâux lưv tso tơưv zos, cxiv uô cov tâu tiêr têx tsêr hêik sâu uô ntêx hnuz 31/8. Iz chas paz cxiv uô tsêr nhoz trâu thax tsav trâus nas chuô uô ruôr hiêv; hâu nov tỉnh Điện Biên cux tsênhv cxơưz cxiz cxiv uô tsêr trâu têx chuôz zis muôx luz nênhx txov nhêv hâur thax tsav tỉnh.

Hur si chor chuôz zis tsuv paz cxiv uô tsêr zos 7.390 ntâu luz, xav tas hli 7 tưz cxiv uô tâu tiêr 6.160 luz, đuô li tsênhv taz tov cxiv uô cov tâu tiêr chiê choz zok trâu chor chuôz zis muôx luz nênhx txov nhêv. Hur si chor pênhr nhiêx muôz cxiv uô tax tâu 272 tỷ đêiv; hâur ntơư, pênhr nhiêx Trung ương muôz zos 218 tỷ đêiv./.

                                 Tsu cxêik nhênhv-Vũ Lợi-Chia BT

Tix lâuk Hoàng Đình Thắng nhoz jos Trung Tâm, xã Thượng Bằng La, tỉnh Lào Cai (huyện Văn Chấn tỉnh Yên Bái kuz) tưz tâu ntâu lênhx nênhs pâuz txos đros tsưr ziv huôv tsar tu zus muôk lưx tso lok phênhv sâu lok six siêz.

Uô ntêx thâuv tu zus muôk lưx, tix lâuk Thắng huôv tsar tu zus buô, đà điểu, taz sik tsi muôx chêx cuk, trâus moz ntâu. Tix lâuk huôv tsar tu zus muôk lưx thâuv seiz tâu têx video lok trâur nuv tu zus muôk lưx sâuv mạng xã hội, thâuv nriêr pâuz pov muôk lưx lok six huv đros chiê tu zus nhoz Thượng Bằng La. Xar txos mak txơưv uô, đhâu thâuv tu zus siv 5 tul pov muôx chêx cuk, txos shông 2024, tix lâuk Thắng cuiz tênhv yưv 1 tỷ đeiv ntâu zuôr 50 tul muôk lưx txix Hà Tĩnh lok tu zus, tsuôk đhâu 1 shông, iz tul lâus muôk lưx sâu tâu 2 jiês cuz zus jôngx iz shông, tsiv grê chungz fênhx txix 12-15 tsov đeiv. Đhâu 2,3 shông mak mâuv muôk lưx sha nhuôk, iz tul muôs tâu 35 tsov đeiv. Đros paz muôk lưx muôx 40 tul, trâur nuv chox lok trâu tix lâuk Thắng chuôz zis phênhv sâu txix 400-500 tsov đeiv iz shông ./.

Đinh Tuấn-Txâur Vax cxeik nhênhv