Krêz uô Bộ chính trị li thôngz pov ntâuk grê số 81 lok chủ trương yưv pênhr cxiv tsa tsêr cơưv trâu têx xã ntus đriv, tỉnh Sơn La tưz yênhx lix đoanx côngz xưv zos chủ tịch UB tỉnh uô tsar đoanx, tror seiz shuôk, thix ziv tsưr ziv cxiv tsa tsêr cơưv ntơưv 13 xã ntus đriv. Hâur co, cxiv yiêz 11 luz tsêr cơưv nội trú cấp 1 thiêz cấp 2 ntơưv 11 xã; kho đuô 2 tsêr cơưv. Tas nro nhiêx txiêx cxiv uô 13 luz tsêr cơưv no njuôs xav zos muôx nhos 2 cxênhz 700 tỷ đeiv; iz tsêr cơưv txâuk trâu muôx nhos 1 cxênhz lênhx shux xênhz, đar 5 hecta . Zơưv Nguyễn Đình Việt, Chủ tịch UB tỉnh Sơn La puz pâuz: “Tỉnh zuôr xeir têx qơư cxiv tsa xuz thơưx, tax tâu tsưr ziv tso tơưv, chiê têx xã cơưv shâuv uô lơưr. Thôngx cxix, têx xã tsênhv yuôr puôr lênhx ciêr chênhr sir jos krêz uô, têx sở, nganhx truôx siêz sir jos uô. Hâux lưv uô tiêr tsưr ziv cxiv tsêr cơưv nzor hnuz tưs mak shux xênhz Sơn La ziv nzor muôx tâu qơư cơưv ntơưr, xênhz huôx jông đuô”./.

Lê Hạnh-Txâur Vax cxeik nhênhv

Xar muôx 5 six zuôr tsâuk ntux hnuz 6/8, ntơưv cêik cêr 44+125, txox cêr 279D, thax tsav jok Tà Sài, xar Chiềng Lao (huyện Mường La kuz), tỉnh Sơn La tưz muôx jiês ar poz lok cxuz cêr tas. Thâuv muôx ar poz lok hâur cêr, hmôngr jông tsik muôx nênhs muk lok đhâu ntơưv ntu cêr no. Đhâu muôx ar poz, chor lưx lươngv muôx vax huôv tưz tso nênhs tuôx thoz huk, kho đuô cêr. Đhâu muôx 2 six hơưv, chor yêz tưz muk lok tâu đhâu ntơưv ntu cêr no. Nhiv no chor taz viv tsênhv sir jos thoz huk têx ar, poz jêz cov cêr muk lok tâu thôngz li kuz.

Ntơưv ntâu thax tsav qơư nhoz tỉnh Sơn La nhiv no tsênhv muôx lok nas lox, zôngx ziv uô muôx ar poz, uô phiv liv txos trâu chor nênhs muk lok sâuv têx cêr. Chor yêz muk lok đhâu chor ntu cêr ndê tox, têx qơưk muôx trôngz siêz tsuv sêiz shuôk jông, muk lok huv zos lơưr chor lưx lươngv muôx vax huôv hêik pâuz cov paz ngaz tuk jông thâuv muk lok sâuv têx cêr./.

Trấn Long-Lik Thox cxêik nhênhv

Ntơưv ntênhs phuôx tôngv gôngr paz tsôngv box thax tsav trâus ntux nas uô ruôr hiêv zos UBMTTQ VN tỉnh Điện Biên phuôx tôngv nhiv kruôr đhâu, tưz muox 100 ntâu tập thêv, lênhx nênhs cxaz chuôz gôngr paz đros tas nro chor nhiêx txiêx zos 10 tỷ đeiv ntâu. Njuôs xav txix hnuz xiêz 2/8 txos 5 six zar hnuz keix hnuz xiêz 5/8 chor nhiêx gôngr paz xa lok taik khoản UBMTTQ tỉnh zos 3 tỷ đeiv ntâu. Uô ntex co, Bộ y tế tưz khơưk muôz Hiệp hội tsêr kho moz tư nhân VN li 1 tỷ đeiv trâu , Tập đoàn Viettel  côngz fur gôngr paz 10 tỷ đeiv, Tập đoàn VNPT 5 tỷ đeiv; tập đoàn tênhv jos VN 1 tỷ đeiv, tỉnh Quảng Ninh 5 tỷ đeiv... paz tỉnh Điện Biên khưx phưx têx trâus ruôr hiêv tiv ntux nas. Li ntơưv txos nhiv no, tas nro nhiêx gôngr paz zos 35 tỷ đeiv. Lơưr UBMTTQ VN tỉnh Điện Biên li lul hu lơưs, têx hnuz ntux lok nas lox tưz uô ruôr hiêv hnhar lok lênhx nênhs thiêz chuôz zênhx chuôz tas, kôngz lôngk cxuô zav. Njuôs xav ruôr hiêv muôx nhos 500 tỷ đeiv. Phuôx huiz chinhz yênhx “siz hluz siz paz” UBMTTQVN tỉnh Điên Biên hu lơưs têx cxênhx nênhs tsôngv box, cán bộ, chiến sĩ, doanh nghiệp, tsưr tsix, lênhx nênhs hâur thiêz đrâuv tỉnh tror sik côngv tês paz tsôngv box thax tsav ntux nas hla đhâu cxuô phêv liv, nzor truôx tul luz nênhx. Six hơưv gôngr paz txix hnuz xiêz 5/8 txos hnuz 15/9. Nhiêx txiêx xa lok UBMTTQVN tỉnh Điện Biên li tài khoản. Thâuv xa sâu tsênhz mênhx bê tsưr tsix, lênhx nênhs gôngr paz. Đrâuv co cux xa tâu nhiêx txiêx, chuôz zênhx trâu UBMTTQVN tỉnh Điện Biên qơư uô xưv nhoz tuêv jênh phố 5, phường Điện Biên Phủ, tỉnh Điện Biên./.

Vũ Lợi-Txâur Vax cxeik nhênhv

Đros moz ơưk buô Châu Phi li txơưr txar phiv liv, tỉnh Lào Cai tsênhv kriz uô cxuô nro têx tsưr ziv chiê por vêv chor buô, txo grêk tsơưs têx trâus ruôr hiêv trâu nênhs tu zus. Xav txos nhiv no, moz ơưk buô châu Phi tưz muôx ntơưv 38 xar, phường, uô phiv liv txos 800 ntâu ziv chuôz zis tu zus, tsuv muôz phâuk por tsês 4.400 ntâu tuk buô, tas nro muôx 252 tấn. Đhâu njuôk shuôk thiêz xav jênhv tưz pov muôx caz moz ntơưv ntâu thax tsav qơư, Sở Kôngz nuv thiêz Tênhv qơư tỉnh tưz hêik trâu Ủy ban tỉnh muôx tsưr ziv tir tar ntơưv tas nro cxuô thax tsav qơư hâur tỉnh. Tiv zix, chor xar muôx caz moz tâu chox kriê qênhz yuôx, tsuôs yuôx tuô lov caz moz, muôz chor buô moz, trâus tuôs phâuk por tsêr; sêiz shuôk jông chor qơư muôx caz moz, qênhz yuôx jông thâux xa, tuô fêik chor buô.

Sở Kôngz nuv thiêz Tênhv qơư tưz yênhx lix 5 đoanx côngz xưv muk qênhz yuôx, chox kriê ciês ntơưv chor xar, phường, đros co yênhx lix 20 tôv côngz xưv sir jos phax, tar caz moz nhoz chor tsiêx cxu sâuv tas nro tỉnh, nzor paz tâu sêiz thiêz xưv lik tâu chor qơư muôx caz moz./.

Báo Lào Cai-Lik Thox cxêik nhênhv