Xã Bát Xát, tỉnh Lào Cai nhiv kruôr hêik pâuz tsưr ziv "Jêx jok sôr" ntơưv jok Sơn Hà - thax tsav tox siêz muôx 95% tsôngv box mênhx cxưx Cho uô nênhx nhoz. Đhâu zuôr xar iz shông kriz uô, txix qênhx shênhx chor mạng kik thiêz tsik tâu pâuz ntâu txos công nghệ, jok Sơn Hà tưz uô tiêr 21 luôs hâux lưv jêx jok sôr. Hâux lưv no tâu uô lơưr tsưr ziv "muk yênhx jêx jok, yênhx ziv chuôz zis", paz tsôngv box jux juk pâuz tâu công nghệ sôr thiêz jix vuv sôr. No zos jok tiv oz nhoz xã Bát Xát uô tâu "Jêx jok sôr", paz cxơưz cxiz hlôngr yiêz sôr thiêz txu grês cêr pluôs nhoz thax tsav tsôngv box mênhx cxưx tsơưs nênhs. Lok thax tsav qơư tsưr ziv uô zuôr txos, pos Nguyễn Thị Ngọc Anh, Phưv Chủ tịch Ủy ban xã hêik pâuz: “Hâux lưv kriz uô jêx jok sôr Sơn Hà hnuz no cux zos chiê uô txos trâu têx jêx jok txơưr hâur tsưr ziv shông 2026 zos 8/25 jêx jok cux li uô tâu trâu 17 jêx jok tsênhv yuôr hâur xã”./.

An Kiên-Lik Thox cxêik nhênhv

Tas cik hnuz xiêz 06/8 nhiv kruôr đhâu, Ủy ban tỉnh Lai Châu tsưr tsix njiz njêx muôs, sik thav đros têx doanh nghiệp, nênhs yưv pênhr uô thiêz qơư huôv tsar uô ju lix chiê đơưk têx phiv liv, cxơưz cxiz huôv tsar ju lix truôx. 7 luz hlik hâur shôngk shông, tỉnh txeik tok iz tsov ntâu lênhx kruô tuôx ndis seiz têz qơưk uô si, hâur co muôx 48 cxênhz ntâu lênhx kruô ntiêx têz, sâu tâu txix ju lix muôx iz cxênhz ntâu tỷ đeiv. Ntơưv jiês cơưv, chor doanh nghiệp heik cov đros đơưk têx phiv liv lok yưv pênhr, sik paz huôv tsar uô ju lix. Hâu nov Ủy ban tỉnh heik cxuô sở, ngênhx bax đơưk zênhx max sơưr đơưk têx luk heik, thix ziv, tror hlôngr yiêz tênhx qơư yưv pênhr, đros doanh nghiệp cxiv tsa ju lix Lai Châu yênhx qơư jông, truôx tuk trâu tsôngv kruô tuôx ndis shuôs uô si./.

Khắc Kiên– Riê Lâux cxêik nhênhv

Têx lưx lươngv muôx vax huôv thiêz chinhr quyênx ntơưv qơư tỉnh Sơn La tsênhv sêi đrơưv kho đuô têx trâus ntux nas chuô uô ruôr hiêv ntơưv xã Muổi Nọi. Coz nas lox hmo 5/8 uô ntâu qơư sâuv txox cêr 6, ntu cêr ndê tox Chiềng Pấc muôx ar poz, uô trâu txox cêr chểnh txuôk Điện Biên trâu Sơn La thiêz têx tỉnh Tây Bắc no muk lok tsi tâu muôx 8 six hơưv. Tiv cux tsênhv zôngx ziv tror muôx ar poz, thax tsav qơư tưz txar 84 ziv chuôz zis đros zuôr xar 400 lênhx nênhs muk trâu têx qơư truôx tuk. Nganhx zaoz thôngz tsênhv tso têx meir, lênhx nênhs sir jos kho đuô cêr cov cêr muk lok tâu tas nro oz saz cêr. Zơưv Hoàng Quốc Việt, Chủ tịch Ủy ban xã Muổi Nọi puz pâuz: “Nhiv no tsênhv chiê pox nhuôs nhoz ntơưv têx qơư mak xã tưz bax thiêz pêz zuôr sik côngv đros chuôz zis thiêz Ban sêiz car jok thôngx ziv đros yênhx ziv chuôz zis. Têx ziv chuôz zis zos muôx ar nhoz thax tsav tsik phiv liv  mak zuôr tsưr tsix yeik txar thiêz cxiv uô tsêr lav nhoz trâu chor ziv chuôz zis. Taz sik zos muôx lok six ntâu ziv chuôz zis, tsêr khor truôx 2 yôngx cux zuôr zôngx ziv trâus poz vâu. Viv li pêz zuôr qênhz yuôx yênhx ziv chuôz zis chiê muôx tsưr ziv paz trâu yênhx ziv chuôz zis”./.

 Thu Thùy-Lik Thox cxêik nhênhv

Ủy ban tỉnh Điện Biên tưz kruôs txos chor nênhs uô hâux lưv ruôr por tsês yênhx côngz 02 tsưr tsix nênhs fêv nziêk đas luôs lưv tus đhâu têz qơưk. Txix hnuz 14-27/7, Công an tỉnh Điện Biên đros Cục Cảnh sát hình sự thiêz công an Lào ntêk tâu 171 lênhx nênhs, ruôr por tsês têx txuz nênhs fêv nziêk đas luôs lưv tus nhiêx txiêx, tsưr tsix tưr txiêx đhâu mạng xã hội thiêz uô nhiêx chuôr. Cơ quan qênhz yuôx xav tinhv, 500 ntâu lênhx nênhs trâus nênhs fêv nziêk đas tas muôx 800 tỷ đeiv ntâu; 10 cxênhz ntâu tài khoản tưr txiêx, xav hur si têx nhiêx yưv siz zâuv tưr txiêx ntơư muôx iz cxênhz tỷ đeiv ntâu. Công an heik tsôngv pêx xênhv sơưr đơưk tsuv chênhr phax, tsi njênhs, tsi mnôngs trơưk luôs lưv tus heik thiêz tsi đros tưr txiêx đhâu sâuv mạng xã hội./.                                               

 Đinh Tuấn– Riê Lâux cxêik nhênhv