Bax phax tar ntux têz uô ruôr hiêv, Tỉnh ủy Điện Biên nhiv kruôr muôx Công văn chox kriê chor đảng bôv hâur tỉnh kho đuô tsaz yênhx đại hôiv, hâur co tsik tsưr tsix nthuôr uô cêr lov jêv thiêz hêik chor nênhs tuôx dưv Đại hôiv tsik gra pax tuôx phôngv jông trâu đại hôiv. Công văn hêik mênhx, hâux lưv tsưr tsix đại hôiv hâur chor đảng bôv nhoz tỉnh tsuv tâu uô jông, ngaz tuk thiêz cxênhx txuôs. Hâur qênhx shênhx ntâu thax tsav qơư tsênhv njiz trâus ntux nas chuô, đêx ngaz cuôr, ar poz uô ruôr hiêv, cxuô kror hâux lưv tsuv tâu kho đuô cov huv đros. Tiv zix, ntơưv chor thax tsav tsênhv trâus ntus nas chuô uô ruôr hiêv zuôr tsik tsưr tsix đôiv nhuôv zâuv txêik tok đại hôiv li cxiê jâuk. Kror cxuô zos sir jos paz kho đuô têx trâus ntux nas chuô uô ruôr hiêv thiêz paz ngaz tuk trâu pêx xênhv.

Uô lơưr chox kriê no, Đại hôiv đại biểu Đảng bôv phường Mường Thanh tsưr tsix têis cik 7/8 cux tsik muôx tsaz yênhx nthuôr uô cêr lov jêv thiêz chor nênhs tuôx dưv tsik gra pax tuôx, chiê sir jos cxênhx txuôs, phêiz kênh têx phiv liv đros pêx xênhv qơư trâus đêx ngaz cuôr, ar poz uô ruôr hiêv./.

Vũ Lợi-Lik Thox cxêik nhênhv

Tsênhv taz tov zos cheix ntux nas chuô, taz sik viv luz nênhx, cêr uô bluô nux, chor nênhs huôv tsar tu zus njêl đêx txiêk nhoz Mường Bo (Sa Pa-Lào Cai) cux niêx hnuz hmo sir jos huôv tsar tu zus têx njêl, muôx têx zôngx ziv njiz trâus tsi jông, riêz nênhs.

Zơưv Phàn Dào Quẩy chuôz zis qơư tu zus njêl nhoz jê iz saz cưx đês đêx. Tưz zus njêl đêx txiêk tâu 10 tơưv shông lok no, zơưv Quẩy cux njiz trâus ntâu phiv liv, cêr txov, txix ciêz đrôngs sâu zuôr tsi truôx tuk thâuv muôx moz Covid-19 huôv xênhz, txuôk lơưr co zos shông 2023 trâus đêx nas cuôr yôngz, uô ruôr hiêv...., nhiv kruôr cxiv kho, tror huôv tsar tsi tâu tâu ntêr mak shông no têx njêl ho muôs tsi tâu gri thiêz. Txix têx pâuz tâu trâus đêx nas  ruôr hiêv uô ntêx, cheix ntux nas shông no, chor hnuz nas lox mak hmo ntux zơưv Quẩy nhoz hâur tsêr xưz, tsi car muk seiz qơư zus njêl, tsuôk sox seiz njêl đhâu meir camera, yuôr đuô li mak xix pênhv, car qơưx.

“Txơưv phiv liv lok cux tsuv uô, tsi uô mak cux tsi tâu nox. Zos lok nas lox hênhr cux car qơưx tsi muk ndis seiz. Taz sik cux li chor lâul heik, tâu ntêr lok tsi tâu pov muôx iz jiês jông xưk li shông 2023 hlo, viv li ntêr ntêr thiêx muôx iz jiês xưz, zos shông tưs cux li ntơư mak tsi muôx lênhx tưs car uô”./.

An Kiên-Riê Lâux cxeik, nhênhv

Ntơưv tiểu khu 19/5 (nhoz huyện Mai Sơn kuz, tỉnh Sơn La), pêx xênhv nhiv kruôr pov njưs pak njêl trâus xưz plêz, sâuk uô kror tâuz, đêx hâur pak njêl ntưk muk trâu hâur luz kror no.

Luz kror sâuk đar muôx 5,5 thiêr, toz muôx 7-9 thiêr; iz ndis luz kror no muôx oz luz pak njêl. Qơư muôx kror sâuk no kuôk tsêr nhoz xar muôx 35-40 thiêr, iz ndis luz kror sâuk no zos têx vax ar têz.

Đhâu pov muôx luz kror sâuk no, hâu nov xar Mai Sơn tưz chox kriê Ban sêiz car tiểu khu 19/5 thêir ntơưv qơư muôx kror sâuk, hêik pêx xênhv pâuz tsik muk lok đhâu ntơưv kror qơư no. Chiê nriêr pâuz tsênhz mênhx qir tiv, Ủy ban xar Mai Sơn hêik Ủy ban tỉnh chox kriê chor sở, nganhx cik txos sik côngv đros taz viv uô hâux lưv no nriêr pâuz, xav jênhv qir tiv, cêv kuôk thax tsav muôx kror sâuk, chiê nzor muôx tsưr ziv phax tar, paz ngaz tuk thiêz truôx tuk luz nênhx trâu pêx xênhv ntơưv thax tsav no./.

Thu Thùy-Lik Thox cxêik nhênhv

Txix hnuz 30/8 txos xiêz 02/9, tỉnh Lai Châu zuôr tsưr tsix nox xiêz 02/9 shông 2025 đros ntâu hâux lưv, txux chi vênhx huôv jông chiê txeik tok tsôngv kruô sơưr đơưk tuôx ndis shuôs têz qơưk uô si xiêz 02/9. Xiêz 02/9 zos xor xưv, hnuz hội zov chênhr chiê tsôngv pêx xênhv xã Than Uyên thiêz cxuô heir nênhs tỉnh Lai Châu siz zâuv tuôx côngv cêr lov jêv, siz chuôs njiz, ndo txos têx lâul, chor nênhs cxiv tsa thiêz tsưx phưv têz qơưk têx côngz đas jos, txiêx njis lox, choz kriê sơưr đơưk cêr nhiêv têz nhiêv qơư, sik đros tsưx phưv truôx qơư nhoz. Hâur 4 hnuz tsưr tsix lov jêv ntơư, zuôr nthuôr uô ntâu têx txux chi vênhx huôv, thêv thao, ju lix jông ntơưv chor xã Than Uyên, Mường Kim, Khoen On, Mường Than. Lar heik zos sik tưr đhiê ntiêx têz Than Uyên 2025 đros ntâu tus chôngz lênhx nênhs hâur thiêz đrâuv 2 chas têz qơưk cxaz chuôz. Iz chas ntơư, cux muôx ciêz côngv thôngx zuôr muôs têx hax huv uz no ntơưv Nậm Pắt, hnuz hội Khoen On huôv tsar jông, hnuz hội Mường Than hlôngr yiêz, thax tsav tsôngv kruô tâu seiz, tâu đros côngv nthuôr uô têx cêr lov jêv...../.

VOV.VN-Riê Lâux cxeik, nhênhv