Tỉnh ủy Lai Châu nhiv kruôr tsưr tsix Ban bí thư li Phêv ziv côngz fur cuiz tênhv lok côngz xưv cán bộ. Lơưr Ban bí thư li cuiz tênhv, zơưv Lê Minh Ngân tso tsês tsi uô Ủy viên BCH, Ủy viên Ban thường vụ Đảng ủy Bộ kôngz nuv thiêz tênhx qơư, Thứ trưởng Bộ kôngz nuv thiêz tênhx qơư chiê cxaz chuôz Ban chấp hành, Ban thường vụ thiêz uô Phưv bí thư thường trực Tỉnh ủy Lai Châu. Zơưv Lê Minh Ngân zos cán bộ muôx pênhr xưv txux chi, tâu thox cxov jông, tưz uô ntâu hâu nov coaz tsôngv thiêz thâuv tưs cux uô tiêr jông jênhv vưv, tiv zix zos hâur vênhv thix tài nguyên thiêz tênhx qơư. Zơưv Lê Minh Ngân xênhz shông 1969, nhoz tỉnh Quảng Trị, yênhx tưv Thạc sĩ kinh têr. Uô ntêx thâuv uô Thứ trưởng Bộ kôngz nuv thiêz tênhx qơư, zơưv Ngân tưz muôx ntu uô Giám đốc Sở tài nguyên thiêz tênhx qơư tỉnh Quảng Bình, Phưv chủ tịch UB tỉnh Quảng Bình six cxiv 2016-2021, thứ trưởng Bộ tài nguyên thiêz tênhx qơư. Hli 3/2025 thiêz tso lok uô Thứ trưởng Bộ kôngz nuv thiêz tênhx qơư lơưr chủ trương sik côngv iz cxiê bộ, nganhx./.

Khắc Kiên-Txâur Vax cxeik nhênhv

Tâu yênhx lix txix hnuz 7/9/1945-txos nhiv no Đaix nta suôz Việt Nam tưz muôx 80 shông huôv tsar đros têz qơưk. Đaix nta suôz Việt Nam tsaz yênhx nta suôz luk mênhx cxưx zos iz hâur chor tsaz yênhx tâu tsôngv box lok six nhiêv mnôngs, viv pox nhuôs tâu mnôngs ciês zuk mênhx cxưx têx luk hêik, paz zôngx ziv pâuz thiêz ndo tâu. Ntơưv thax tsav Tây Bắc, nhiv no Đaix tsênhv uô pêz tsaz yênhx nta suôz luk mênhx cxưx zos Thái, Hmôngz thiêz Cho phưx vưv trâu pox nhuôs. Pos Nguyễn Thị Bích Thủy, trưởng phòng nta suôz luk mênhx cxưx-Đaix nta suôz Việt Nam nhoz thax tsav Tây Bắc-taz viv uô ciês chor tsaz yênhx nta suôz luk Thái, Hmôngz, Cho sâuv Đaix nta suôz Việt Nam puz pâuz, chiê chor tsaz yênhx tâu chôngz lênhx nênhs nhiêv mnôngs, chor nênhs uô tsaz yênhx tsuv sir jos hlôngr yiêz tsênhv njiêz, xa têx xor mông pox nhuôs xar mnôngs, nriêr pâuz, nhiêv txos; đros co zos kriz uô chor tsaz yênhx trực tiếp chiê sik thav ciês đros chor nênhs nhiêv mnôngs Đaix: “Tsênhv njiêz chor tsaz yênhx tâu pêz cxiv uô lur, huv đros, zôngx ziv pâuz, ndo tâu; sir jos xa têx xor mông tâu pox nhuôs nhiêv mnôngs, xar nriêr pâuz, huv đros hâur luz nênhx li têx tsênhv chêi yiêz, tsưr ziv uô nox, chêix chiv, ntux yar ntux nas, phax tar caz moz, chor suôz gâux… Tiv zix, pêz cux uô chor tsaz yênhx thav ciês luk ntơưv têx qơưk zuk muk txos, sik thav đros pox nhuôs, nus têz txix ciês luk mênhx cxưx chiê tso trâu hâur chor tsaz yênhx”./.

Thu Thùy-Lik Thox cxêik nhênhv

Xav txos tas hli 8, tỉnh Sơn La tưz muôs tâu muôx nhos 380 cxênhz tênhr txir ntông cxuô zav, bâuv 75% tsưr ziv tas nro shông; tas nro tsiv grê tax zuôr xar 3 cxênhz 800 tỷ đeiv. Iz cxiê zav txir ntông tâu muôs ntâu zos txir trâuv nhux tưz muôs 100 cxênhz tênhr, tsiv grê zuôr xar 620 tỷ đeiv, tax 100% tsưr ziv shông; txir tsơưz muôs tâu 44 cxênhz ntâu tênhr; txir lưs hmaz 1 cxênhz 900 tênhr, txir pôngr lux 1 cxênhz 808 tênhr, txir thanh long 1 cxênhz 440 tênhr...Txir lưv tsiz sôngz nhiv no tiv phaz qir sâu đê. Hâur hli 8, tas nro txir lưv tsiz sôngz tưz tâu zos 97 cxênhz 500 tênhr; tsiv grê 1 cxênhz 125 tỷ đeiv, tax zuôr xar 63% tsưr ziv shông; hâur co muôx nhos 62 cxênhz tênhr tâu chox lok tsiv uô, chor tsênhv yuôr zos muôs nhôngs hâur têz qơưk. Grê muôs txir lưv tsiz sôngz nhôngs txix 10-15 cxênhz đeiv iz cir; txir lưv tsiz sôngz muôs uô hax huv kra kruôr muôs txix 5 txos 9 cxênhz đeiv iz cir. Zơưv Nguyễn Thành Công, Phưv chủ tịch UB tỉnh Sơn La puz pâuz: “Txix nhiv no txos kaz shông Sơn la tror heik kriê têx xiv huv kôngz uv, tiv zix zos tsov cưv heik kriê trâu niêv ciêz sâuv ntiêx têz. Sơn La txos nhiv no tưz chox xiv huv txir khơưz, txir dâu tây heik kriê sâuv têx jiês yêz za, tiv zix zos xiv huv jông. Txơưv pêz tsi tâu chos tâu ntâu, taz sik xiv huv jông Sơn La tso pov hâux lưv zôngv khoa học công nghệ lok tsêz chos, tsiv uô zos tsênhv tsênhz”./.

TTTB-Txâur Vax cxeik nhênhv

Ntơưv xar Nà Hỳ, tỉnh Điện Biên nhiv kruôr muôx iz txuz tuô tuôs nênhs. Nênhs tuô tuôs nênhs tâu xav jênhv zos Sùng Seo Sủ (xênhz shông 1969) tưz tuô tuk pox niêv zos Sơ Xênhv Vưx (xênhz shông 1971) tuôs thiêz khiêr muk gâuv. Qir tiv tsênhv xav jênhv tsik tâu tâu. Thav đros nênhs sâu xor xưv VOV, zơưv Chu Văn Sử, Chủ tịch Ủy ban xar Nà Hỳ puz pâuz, txuz hâux lưv no muôx yưv ntơưv jok Nà Khoa. Ciês thâuv txêik tâu hêik pâuz, Công an xar tưz huiz tôngv tas nro nênhs sik côngv đros chor xar iz ndis tsưr tsix zok cxov. Taz sik, txos nhiv no lênhx nênhs co tsênhv khiêr gâuv zok tsik tâu pov. Công an xar Nà Hỳ cux tưz hêik pâuz zok nriêr lênhx nênhs tuô tuôs nênhs co thiêz hêik chor jêx jok đros sơưr đơưk uô jông sêiz shuôk, phax tar, hêik pâuz qơư lênhx nênhs co tsênhv nhoz gâuv zos pov. Nhiv no Công an tỉnh Điện Biên tsênhv sir jos qênhz yuôx, nriêr pâuz qir tiv thiêz zok nriêr Sùng Seo Sủ./.

Vũ Lợi-Lik Thox cxêik nhênhv