Tsôngv box thiêz fôngx zưs sơưr đơưk hmor yuô! Hnuz 11/7 zos hnuz dân sôr ntiêx têz. Ntơưv Việt Nam, hâur ntu đhâu, côngz xưv dân sôr thiêz tsưr ziv xênhz zus nhuôs hâur chuôz zis tưz uô tâu ntâu kror jông, gôngr côngv tsik tsơưs paz trâu côngz xưv cxiv tsa thiêz huôv tsar kinh têr-xar hôiv têz qơưk. Taz sik, cux tsênhv yuôr ntâu kror phiv liv tsuv muôx tas nro xar hôiv sir jos đros uô chiê gra siêz tsơưr lươngv dân sôr.

Lok qênhx shênhx côngz xưv dân sôr Việt Nam:

Chuôz ndê dân sôr tưz tâu kriz uô jông, xênhz zus txix shông 2006 txos nhiv no cux uô tâu trơưk tsưr ziv tso tơưv. Dân sôr tâu hlôngr yiêz jông. Dân sôr hâur hnuz nhôngs lox tôngv chuôz ndê hênhr. Txix shông 2007, pêz têz qơưk hla trâu ntu muôx chôngz chor nênhs hâur hnuz nhôngs lox tôngv.

Tsơưr lươngv dân sôr hlôngr yiêz lok ntâu kror. Hnuz nhôngs uô nênhs nhoz chuôz ndê sêi, siêz đuô ntâu luz têz qơưk muôx đros phênhv sâu xav trơưk lênhx nênhs. Qênhx shênhx tsik txâuk tsơưr pưr shưz, trâus tuôs nhoz lênhx niêv, nhuôs zâu tâu txo grêk tsơưs ntâu.

Iz gơưv niêv txir muôx 2 tuk mê nhuôv tưz zos kror truôx jông, tâu uô lơưr jông hâur xar hôiv. Dịch vuv dân sôr tsưr ziv xênhz zus nhuôs hâur chuôz zis tâu kriz uô đêz đar, tsơưr lươngv ziv hnuz ziv siêz.

Taz sik, tsênhv yuôr ntâu kror phiv liv txos ciês trâu têz qơưk thiêz yênhx thax tsav qơư li huôv tsar. Co zos: Xênhz zus tsik siz bâus nhoz cxuô thax tsav qơư, hêir nênhs thiêz zuôr uô phiv liv txos tsưr ziv xênhz zus tâu truôx jông sâuv tas nro têz qơưk. Chor nênhs lâul chuôz ndê sêi thiêz nzor zos yênhx têz qơưk muôx dân sôr lâul zos iz kror uô phiv liv lox txos trâu huôv tsar kinh têr thiêz ngaz tuk xar hôiv. Xênhz zus nhuôv tuz nhuôv nxêik tsik siz bâus cux tsênhv siêz; qênhx shênhx siz zuôr nzor, siz zuôr cxênhz jê cux tsênhv muôx. Tsơưr lươngv dân sôr, tiv zix zos ntơưv têx qơư nhoz đêz, tox siêz, thax tsav txov nhêv tsênhv kik.

Qênhx shênhx côngz xưv dân sôr ntơưv tỉnh Sơn La:

Tsơưr lươngv dân sôr tâu hlôngr yiêz jux juk. Hnuz nhôngs uô nênhx nhoz ndê txix 70,7 shông shông 2017 ndê muôx 71 shông nhiv no. Chuôz ndê dân sôr txix 1,4% grêk txos 1,23%. Tsik yuôr siz zuôr cxênhz jê. Chor nhuôv tâu xênhz zus zos 118 lênhx nhuôv tuz sâuv 100 lênhx nhuôv nxêik. Tỉnh Sơn La sir jos txos shông 2025, chor nhuôv tuz nhuôv nxêik tâu xênhz zus grêk txos yuôr 113,4 lênhx nhuôv tuz sâuv 100 lênhx nhuôv nxêik; siz zuôr nzor grêk txos yuôr 17%; tsik yuôr siz zuôr cxênhz jê; hnuz nhôngs uô nênhx nhoz xav luz đraz zos 72,7 shông; huôv tsar lênhx nênhs (HDI) bâuv phênhv luz đraz tas nro têz qơưk.

Yax mông

Dân sôr zos côngz xưv cxiv tsa thiêz por vêv têz qơưk li kror zov chênhr xuz thơưx. Côngz xưv dân sôr zos tas nro Đảng, tas nro pêx xênhv li hâux lưv. Tsuv xêir tsov trâu zuk iz kror tsưr ziv phax tar tsik muôx mê nhuôv cov huv đros chiê tsik muôx mê nhuôv tsik trơưk li siêz xar. Tsik muôx mê nhuôv thâuv tsik tâu txâuk hnuz nhôngs viv zuk li đas jos, shir phaz thiêz ntu nênhx tov ntêx. Txưr tsik khênhr xêir tsov xênhz zus mê nhuôv tuz, nhuôv nxêik txix cxuô kror tsưr ziv. Tsuv xênhz zus jông txơưv zos nhuôv tuz lok zos nhuôv nxêik. Njuôk shuôk đas jos uô ntêx thâuv zuôr siz zuôr uô niêv txir viv cêr shir phaz trâu yênhx lênhx nênhs, ziv chuôz zis, viv huôv tsar truôx jông têz qơưk. Uô hâux lưv njuôk shuôk moz gênhs uô ntêx thâuv zuôr xênhz zus mê nhuôv viv chor nênhs Việt li ntu nênhx tov ntêx no. Tsik siz zuôr nzor, siz zuôr cxênhz jê chiê por vêv jông trâu cxênhx nênhs tov ntêx. Tsoz phưz, tu zus chor nênhs lâul zos mênhx cxưx kror chax chês jông. Chuôz zis, côngv thôngx thiêz tas nro xar hôiv tsuv côngv têk tsoz phưz, phuôx huiz chor nênhs lâul li pưk txux. Gra siêz tsơưr lươngv dân sôr chiê huôv tsar têz qơưk sêiz thiêz truôx đrênhk./.

Bích Thủy-Lik Thox cxêik nhênhv)