Hâur jiês chuôr yuô thiêz uô hâux lưv ntơưv Yên Bái, nhiv kruôr đhâu, Phưv Chủ tịch têz qơưk Võ Thị Ánh Xuân đros đoanx côngz xưv tưz khơưk muôz 20 luz tsêr siêz jông trâu huyện Văn Chấn đros tas nro nhiêx txiêx tsiv gri muôx 1 tiv đêiv txix Ủy ban Trung ương Mặt trận têz qơưk Việt Nam thiêz Zênhx Hangx Thương mại Cổ phần Yưv pênhr thiêz Huôv tsar Việt Nam li têx nhiêx paz; khơưk muôz 20 kror hax huv trâu chor shux xênhz sir jos cơưv ntơưr nhoz huyện Văn Chấn; khơưk muôz 50 kror hax huv trâu chor chuôz zis pluôs xar Suối Bu. Chuôr yuô thiêz khơưk muôz  huv trâu chor nhuôs zâu ntơưv Tsênhv qơư Côngz xưv xar hôiv thiêz paz txưv xar hôiv tỉnh Yên Bái ndaz ndơưv Tsiêz Trung thu, Phưv Chủ tịch têz qơưk Võ Thị Ánh Xuân tưz khơưk muôz trâu Tsênhv qơư 50 triệu đêiv thiêz hax huv Trung thu paz trâu chor nhuôs zâu, đros tỉnh thiêz Hôiv paz txưv nênhs trâus sêv khiz luz chêr thiêz chor nhuôs njuôs Việt Nam li ntâu kror hax huv txơưr đuô./.

(Đinh Tuấn-Lik Thox cxêik nhênhv)

Tas nro tỉnh Lào Cai nhiv no muôx 600 ntâu tsêr cơưv ntơưr, 230 cxênhz ntâu lênhx shux xênhz. Shông cơưv no ngênhx zoz zux ntơưv qơư cux tsuv njiz trâul iz cxiê phiv liv, phênhv ntâu zos lok sâuv têx chuôz zênhx, qơư nhoz cơưv, lênhx nênhs lês uô têx hâux lưv. Trơưk li zơưv Mạc Trọng Khang, Tsar phongx Tsưr tsix canr bôv, Sở Zoz zux tỉnh, txix ciês thâuv uô ntêx shông cơưv, hâux lưv xeir zuôr cưk kriê tưz tâu fuô uô, taz sik tsuôk tax 46% tsưr ziv tso tơưv, tiv tsi muôx lênhx nênhs thiêz Chei zoz zux shông 2019 cui tinhv txux chi tsưr ziv uô hâux lưv cxuô cấp cơưv hlôngr yiêz li uô ruôr hiêv txos, viv li cux tsuv muôx cui tinhv tsênhz mênhx: “Tiv iz zos qênhz shuôs têx lênhx nênhs uô hâux lưv muôx tsi txâuk txos tưs mak xeir zuôr nzir txos co xưz. Tiv 2 zos trơưk li Chính phủ Nghị quyết 102, zos kror tưs muôx shux xênhz, nhoz co muôx cưk kriê mak xeir zuôr cưk kriê hâur têx tsêr cơưv chiê txo grêk tsơưs têx hâux lưv uô, xuz thơưx zos tsuv muôx cưk kriê kriê ntơưr. Tiv 3 zos phôngz yaox tsêr cơưv siz paz tsêr cơưv, phongx siz phongx, Lào Cai tưz fuô uô hâux lưv no hâur yênhx châuv shông lok, niêx shông puôr lênhx muôx 700-800 lênhx cưk kriê muk uô hâux lưv trâu thax tsav tox siêz”./.

(An Kiên-Riê Lâux cxeik, nhênhv)

Tsêr kho moz Đa khoa tỉnh Sơn La nhiv kruôr txêik jênhv kho trâu 4 lênhx nênhs trâus tsơưr tưx ndêz, kror tsuv hêik zos ntâu kror phiv liv muôx yưv đhâu thâuv nox ndêz tas muôx 16 six hơưv. Chor nênhs trâus tưx zos chor nênhs nhoz uô cê hâur iz chuôz zis ntơưv xar Chiềng Sàng, huyện Yên Châu, tỉnh Sơn La. Đhâu thâuv muk đê ndêz pêv har jôngr lok, chuôz zis no tưz muôz uô ciês nox. 16 six hơưv đhâu thâuv nox ndêz tas, iz cxiê lênhx nênhs tưz hnor moz plaz, ntuôr, thox plaz. Chor nênhs cxênhz jê tưz chos ciês chor nênhs no tuôx chơưv paz ntơưv tsêr khoz moz đa khoa huyện Yên Châu. Txos hnuz 26/8, chor nênhs moz no tâu yêv tuôx chơưv kho ntơưv tsêr kho moz đa khoa tỉnh Sơn La. Bác sĩ Mè Thị Xuân, Trưởng khoa chơưv paz đas jos-phax tar tưx, Tsêr kho moz đa khoa tỉnh Sơn La puz pâuz: “Chuôz zis no li kror jông hâur hmo nox tâu chor ndê co zos chor ndêz muôx tưx tsuôk muôx tsơưs xưz. Nênhs moz cux pâuz tuôx tsêr kho moz nzor, hok zos tsês ntêr mak cux zuôr lax chơưv kho tâu. Iz zav li ntơưv Yên Châu thâuv ntêx no, tưz muôx 6 lênhx nênhs nox tâu chor ndêz muôx tưx mak tas nro 6 lênhx nênhs puôr lênhx trâus tuôs hur si lơưv. No zos chor ndê muôx tưx amatoxin lok six phiv liv”./.

(Lê Hạnh-Lik Thox cxêik nhênhv)

Công an huyện Điện Biên, tỉnh Điện Biên nhiv kruôr seiz car, đros têx lưv lươngv muôx vax huôv vênhv tôngv yênhx côngz Lường Văn Phai, xênhz shông 1974, nhoz jok Na Há, xã Phu Luông, huyện Điện Biên tuôx lênhk zuk li têx cêr cxâuv. Uô ntêx ntơư, đhâu thâuv trâul lưv lươngv Công an qênhz pov zuôr muôs, uô luôv zax zênhz tsi trơưk chei lok hnuz 23/2/2017, Lường Văn Phai tưz zênhx max muôz têx zax zênhz por tsês, tso têk khiêr gâuv tsi nhoz ntơưv qơư. Đhâu hlo co, Công an huyện Điện Biên tưz tso tơưv quyết tinhv xơưz xưv thiêz tso tơưv Quyết tinhv yơưz phơưz Lường Văn Phai lok sâuv zuôr muôs zax zênhz tsi trơưk chei./.

 (Vũ Lợi-Riê Lâux cxeik, nhênhv)