Hâur têx hnuz đhâu, ntơưv yar tiêx đuôz zơưv Hloz Hôx, tỉnh Sơn La tưz tsưr tsix chiv nhênhv 130 shông hnuz cxiv tsa tâu tỉnh. (10/10-1895 – 10/10/2025). Hâur jiês chiv nhênhv no, muôx njiêx muôs zơưv Lê Minh Hoan, Ủy viên Ban Chấp hành Trung ương Đảng, Phưv Chủ tịch Quốc hội. Hlôngr njiêx muôx Đảng, têz qơưs, zơưv Lê Minh Hoan, muôx luk kruôk txos Đảng bộ, hâu nov thiêz px tỉnh Sơn La muôx cêr sik côngv siêz uô tâu tiêr cxuô luôs hâux lưv hâur ntu đhâu, tsôngv px muôx luz nênhx tsâu sor. Đros ntơư, zơưv Lê Minh Hoan cux hêik: Hâu nov thiêz px tỉnh Sơn La tsuv muôx cêr côngv siêz jông, sir jos uô cov tâu truôx khor cxuô luôs hâux lưv cxiv kho têz qơưs, px muôx luz nênhx vav mênhx: Txix têx cêr txov nhêv, Sơn La muôx tox trôngz câuv har cxaz, pêv hâur đêx zos niêv đêx Sông Mã, niêv đêx đas, nhiv no tưz yênhx thax tsav qơư chos ntâu tsoz chos hâur oz chas ntus niêv đêx co đros trâu tsưr ziv siêz xar njôngr, Sơn La zuôr zuôr zos qơư huôv tsar truôx kinh tế-hla trâu ntu hlôngr yiêz nhoz thax tsav faz Bắc pêz têz qơưs, tsôngv px muôx luz nênhx tsâu sor, vav mênhx./.

                              Lê Hạnh- Tsu cxêik nhênhv

             Krêz uô Bộ chính trị li Nghị quyết số 57 lok huôv tsar KHCN, hlôngr yiêz siêz xar tơưv thiêz hlôngr yiêz số têz qơưk, xã Bảo Nhai (Lào Cai) tâu yênhx lix thâuv sik côngv 3 xã Bảo Nhai, Cốc Ly thiêz Nậm Đét tưz uô ntâu huôx tôngv tsênhv tsênhz, huv đros thiêz thax tsav tox siêz. Ciês đhâu thâuv yênhx lix, xã tưz yênhx lix Ban chox kriê hlôngr yiêz số, tso tơưv cxix cxuô tsưr ziv njuôs xav, quy chế, pheiz côngz jênhv vưv tsênhz mênhx thiêz tuôr truôx hâux lưv khiêz phêv lơưr tsưr ziv chiê car chêx têx phêv liv muôx yưv. Bí thư Đảng ủy xã Bảo Nhai, Trần Xuân Thảo heik mênhx: “ Hlôngr yiêz số nhoz tiv phaz zos jênhv vưv chính trị lêx ntêr, chiê cán bộ txơưx zôngv công nghệ uô hâux lưv thiêz tsôngv box tâu sơưv liv txix tênhx qơư số”./.

Báo Lào Cai- Txâur Vax cxeik nhênhv

          Txix iz tỉnh tox siêz, tsôngv px muôx luz nênhx txov nhêv; taz sik hâur têx shông đhâu lok no, Lai Châu tưz iz thênhv jux juk hlôngr yiêz tsoz chos, muôx phênhv sâu tâu nhiêx txiêx, txix hlôngr yiêz tsoz chos huv đros tsênhv qơư. Zơưv Bùi Huy Phương, Giám đốc Sở kôngz nuv tỉnh Lai hêik pâuz:

         Luôs hâux lưv tso tơưv hâur nghị quyết Đại hội Đảng jiês no, zos huôv tsar kôngz nuv, huôv tsar chos yuôx đrox njuôz, huôv tsar uô nox. Thiêz pêz tsênhv zuôr hêik trâu tỉnh chiê tror hlôngr yiêz tsưr ziv thiêz kriz đar qơư chos cxuô zav tsoz chos tsênhv trâu tsênhv qơư, tsôngv px muôx phênhv sâu tâu ntâu nhiêx txiêx, muôx luz nênhx tsâu sor./.

Khắc Kiên – Tsu  cxeik, nhênhv

            Tỉnh Điện Biên nhiv no muôx 65 vav ntâu lênhx tsôngv box, hâur co tsôngv box mênhx cxưx tsơưs nênhs tsav 80% ntâu. Xav tênhv chor cán bộ nênhs mênhx cxưx tsơưs nênhs li pưs txux coaz tsôngv, tiv zix zos nhoz tox siêz, têx shôngk đhâu tỉnh thâuv tưs cux tsov cưv cxiv tsa thox cxov, kriê cxaz thiêz paz jông chiê lơưr phuôx huiz pênhr xưv txux chi. Ntâu cán bộ nênhs mênhx cxưx tsơưs nênhs tưz yênhx têx hâu nov nhoz tiv phaz, gôngr phênhv coaz tsôngv lok huôv tsar KTXH, hlôngr yiêz cxix luôk chính trị nhoz tiv phaz. Ntu đhâu, chor cán bộ, công chức, viên chức nênhs mênhx cxưx tsơưs nênhs sâuv thax tsav tỉnh thâuv tưs cux muôz siêz chinhz yênhx txơưx jênhv, moz siêz đros hâux lưv tâu choz. Tiv zix, txix hnuz xiêz 1/7/2025, thâuv krêz uô trâur nuv chính quyênx tiv phaz 2 cấp, ntâu cán bộ jênhv uô hâux lưv ntơưv thax tsav tsuv ndeiv chuôz zis, muk uô hâux lưv nhoz têx thax tsav xênhz huôx phêv liv, hâux lưv ntâu đuô thâuv ntêx. Taz sik, lơưr tưz ciêr chênhr shưv đros, chuv tôngv uô tiêr jông txơưx jênhv tâu choz./.

Báo Điện Biên-Txâur Vax cxeik nhênhv