Zar hnuz keix hnuz 12/9, Ban chox kriê Trung ương li đoanx qênhz yuôx lok phax tar thaz huôz nox nhiêx zos Đại tướng Lương Cường, Ủy viên Bộ chính trị, Chủ nhiệm Tổng cục Chính trị quân đội nhân dân VN uô tsar đoanx tưz côngz fur dự thảo pov cov chêx cuk qênhz yuôx hâux lưv lênhs tov, chox kriê, tsưr tsix uô côngz xưv pov, choz, tos jênhv, car chêx pênhr cov, xor mông lok nênhs phamv cxâuv, thix ziv tik cêr cxâuv hâux lưv njuôs xav muôx phamv cxâuv thaz huôz nox nhiêx ntơưv Ban thường vụ tỉnh ủy Yên Bái. Ntơưv no, đại tướng Lương Cường thix ziv tỉnh Yên Bái tror uô jông Tổng bí thư Nguyễn Phú Trọng li chox kriê lok côngz xưv phax tar thaz huôz nox nhiêx; ciêr chênhr tso tơưv têx tsaz yênhx, tsưr ziv, ntâuz ntơưr lênhs tov, chox kriê, heik kriê têx chiz coaz, taz viv, tiv phaz uô jông côngz xưv qênhz yuôx, seiz car, côngz xưv tos tiêv tsôngv box, yưr lir, car chêx ntơưr pênhr cov lok têx vênhv thix zos zuk coar lik./.

(VOVTB-Txâur Vax cxeik nhênhv)

Txix hmo 11/9 txos têis cik 12/9, cxuô thax tsav qơư nhoz tỉnh Yên Bái muôx ntux lok nas, têx qơư lok nas lox thiêz muôx chuô, uô hiêv ntâu txos pêx xênhv nhoz chor huyện Văn Chấn, Văn Yên li têx vax tsêr thiêz tsoz chos cxuô zav. Lơưr Ban sêiz car phax tar ntux têz ruôr hiêv thiêz zok nriêr chơưv paz tỉnh Yên Bái li hêik pâuz sêi, xav txos 5 six zuôr tsâuk ntux hnuz 12/9, ntux lok nas lox tưz uô phiv liv txos 108 luz tsêr nhoz chor huyện Văn Chấn, Văn Yên; hâur co muôx 102 luz tsêr trâus đêx ngaz, 5 luz tsêr trâus ar poz luk trâus tsêr, 1 luz tsêr trâus za trur; 16 héc ta ntâu blêx, poz cưk, jâuz tâuv thiêz tsoz chos jôngr nuv trâus lor vâu; iz cxiê tuk tsiêx cxu trâus đêx cuôr yôngz tas. Đuô li, ntux nas lox cux uô ar poz lok cxuz cêr thiêz đêx ngaz iz cxiê ntu cêr ntơưv 2 luz huyện no./.

(TTTB-Lik Thox cxêik nhênhv)

Yuôr ntơưv huyện Phù yên, tỉnh Sơn La, ntux lok nas lox nhoz têx xã Gia Phù, Sập Xa, Huy Tường, Huy Hạ, Huy Bắc, Suối Tọ uô muôx đêx cuôr yôngz. Đrâuv ruôr hiêv lok lênhx nênhs zos iz lênhx tsôngv box nhoz jos Xà, xã Huy Hạ trâus tuôs tiv đêx cuôr yôngz; thôngz sâu đhâu, đêx nas cux uô tox poz lok tsôngv box li zuôr xar 30 luz tsêr; vôngz, cuôr yôngz ntâu liêx têz, yênhx châuv tul tsiêx cxu, keiz ok; ntâu qơư sâuv têx cêr zaoz thôngz muôx tox poz lax muk lok tâu. Tas nro ruôr hiêv 2 tỷ đeiv ntâu. Ciês thâuv muôx ntux nas ruôr hiêv, Ban chỉ huiz phax tar ntux nas thiez nriêr chơưv nanv têx xã, thị trấn tưz chuv tôngv uô tsưr ziv 4 ntơưv qơư, khưx phưx têx trâus ruôr hiêv, thôngx cxix ciêr chênhr txar qơư nhoz trâu têx chuôz zis nhoz qơư riêz nênhs njuôs xav muôx tox poz muk qơư taz por đuô./.

(TTTB-Txâur Vax cxeik nhênhv)

Lào Cai tsênhv sir jos uô cov tiêr phổ cập zoz zux nhuôs zâu trâu chor nhuôs zâu muôx 4 shông, taz sik cux tsênhv yuôr ntâu kror phiv liv, li: tsưr ziv huôv tsar zoz zux ntu 2021-2030 tsik tâu tso tơưv; phổ cập zoz zux nhuôs zâu trâu chor nhuôs zâu tsik tâu muôx hâur Chêi Zoz zux 2019; tsik muôx tsưr ziv chiê tâu sơưv tsênhv chêi paz nhiêx nox trâu chor nhuôs zâu, shux xênhz nhoz têx xar thax tsav 3 uô tiêr cxiv tsa jêx jok yiêz… Chiê uô tâu têx tsưr ziv tưz tso tơưv, nganhx zoz zux Lào Cai tưz hêik trâu Ủy ban tỉnh tsov cưv txos xêir zuôr, hux thôngx  cov muôx txâuk chor cưk kriê ntơưr kriê trâu chor lớp mẫu giáo 4 shông taz por huv zos li cui tênhv. Shông 2021, tỉnh Lào Cai tưz kriz uô xêir zuôr  yiêz nzir 141 lênhx cưk kriê ntơưr nhuôs zâu, shông 2022 zos 150 lênhx; cxiv tsa tsưr ziv thox cxov, kruôz kriê nzir txux chi trâu chor cưk kriê ntơưr trâu nhuôs zâu taz por cui tênhv huv zos li Chêi Zoz zux 2019 trâu tas nro ntu 2020-2025./.

(BGD-Lik Thox cxêik nhênhv)