Tỉnh ủy Điện Biên nhiv kruôr tsưr tsix krêz tsênhv qơư pov tsir phưx vưv Đại hội Đảng bộ tỉnh jiês tiv 15, six cxiv 2025-2030. Trơưk li tsaz yênhx, Đại hội zuôr tsưr tsix hâur 3 hnuz (14-16/10), muôx 358 lênhx đại biểu dự đại hội, chiê ntâuk grê têx luôs hâux lưv hâur ntu đhâu thiêz tso tơưv tsưr ziv huôv tsar hâur ntu zuôr txos.

           Zơưv Sơn Xênhv Muôk, Phưv Bí thư Thường trực Tỉnh ủy heik pâuz, luôs hâux lưv bax trâu Đại hội tâu fuô uô truôx jông, trơưk cui tinhv; têx ntâuz ntơưr tâu cxiv uô jông, heik lol canr bôv, đảng viên thiêz tsôngv pêx xênhv sơưr đơưk tsưr ziv , siêz xar.

          Tsênhv qơư pov tsir tâu bax muôx 20 luz meir tính gra ntơưv têk phưx vưv luôs hâux lưv yax xa xor mông. Tsênhv qơư uô hâux lưv txix hnuz 13-17/10/2025, muôz jông cxuô luz six hơưv chiê chor tuz sâu xor xưv uô hâux lưv xa mông, paz nthuôr đêz đar têx txux chi, tsưr ziv hlôngr yiêz thiêz tỉnh Điện Biên cêr huôv tsar./.

Vũ Lợi-Riê Lâux cxeik, nhênhv

       Nhiv kruôr đhâu, tỉnh ủy Sơn La tsưr tsix phêv ziv côngz fur Bộ chính trị li cuiz tênhv lok côngz xưv cán bộ. Dưv phêv ziv muôx zơưv Lê Minh Hưng- Ủy viên Bộ chính trị, Bí thư TƯ Đảng, Tsar ban tsưr tsix TƯ; lênhs tov quân khu 2, Ban thường vụ tỉnh ủy Lạng Sơn thiêz Tỉnh ủy Sơn La.

          Ntơưv phêv ziv, Phưv tsar Ban tsưr tsix TƯ Phan Thăng An côngz fur Bộ chính trị li cuiz tênhv lok hâux lưv tso zơưv Hoàng Văn Nghiệm, Bí thư tỉnh ủy Lạng Sơn lok uô Bí thư tỉnh ủy Sơn La, six cxiv 2025-2030 txix hnuz 15/10/2025. Phuôx plov ntơưv phêv ziv, zơưv Lê Minh Hưng phôngv jông txos Bí thư tỉnh ủy Sơn La yiêz, khav tênhv zơưv Hoàng Văn Nghiệm zos cán bộ muôx pênhr xưv txux chi, muôx chênhz zênhv thiêz tsưr ziv uô hâux lưv jông, jênh chuv...Zơưv njênhs njôngr Bí thư yiêz zuôr uô tiêr jông jênhv vưv tâu choz, đros tập thể Ban chấp hành đảng bộ thiêz têx cấp, nganhx Sơn La phuôx huiz chinhz yênhx sik côngv siêz, chox tỉnh Sơn La huôv tsar sei, truôx tul hâur ntu zuôr txos./.

Trấn Long-Txâur Vax cxeik, nhênhv

            Txơưv tsênhv yuôr ntâu txov nhêv viv nhoz tox siêz đêz đrôngs, taz sik tsôngv box cxuô heir nênhs nhoz ntus đriv Pa Tần, tỉnh Lai Châu cux sik thôngx siêz, siz hluz siz paz sir jos hla đhâu phiv liv. Hâur thax tsav co, têx lênhx txir ndâux txir luk hâur côngv thôngx tsênhv yênhx qơư khov truôx, yax xa, fuô kriê Đảng tsưr ziv, chei kriê txos trâu tsôngv lax pêx xênhv, sir jos paz cxuz cêr yeiz pluôs thiêz tsưx phưv truôx ntus đriv. Lar heik li: tix lâus Yênhx Xênhv Zax, nhoz jok Nậm Sảo 2 chuôz zis. Thâuv ntêx, tix lâus luz nênhx lok six txov nhêv, tsuôk pâuz khưr chos poz cưk, uô blêx xưz viv li sâu tsi tâu nju trơưk tsưr ziv, siêz xar. Khov canr bôv xã thiêz chor txir ndâux txir luk hâur jok vênhv tôngv, tix lâus Yênhx tưz muôz têx liêx têz hlôngr chos tsoz chos nox txir, yuôx đrox njuôz thiêz huôv tsar tu zus tsiêx cxu. Txos nhiv no, tix lâus chuôz zis tưz muôx 3 ha ntâu têz txir hơưk, txir suôz câur, txir lưk hmaz lok zos txir lol tsuôk đros trâu zuôr xar 20 tus tsiêx lox, luz nênhx iz hnuz truôx tuk, vav mênhx jux juk. “Tâu Đảng thiêz têz qơưk moz siêz txos, paz kriê pêz tsôngv lax pêx xênhv tsưr ziv huôv tsar uô nox, thâuv tưs txos cheix uô kôngz, sơưr đơưk tưz sir jos uô trơưk li fuô kriê chiê sâu tâu nju, muôs tâu gri. Cur chuôz zis cux uô lơưr Đảng tsưr ziv kriê, tsi khiêr têz qơưk tsi trơưk chei, uô têx hâux lưv mak tâu Đảng thiêz têz qơưk tso chei”./.  

Khắc Kiên-Riê Lâux cxeik, nhênhv

            Uô lơưr UBMTTQ VN tỉnh li luk hu grus, têx hnuz đhâu, têx chiz coaz, taz viv, tsưr tsix, doanh nghiệp thiêz chôngz tsôngv box tỉnh Lào cai tưz sir jos cxaz chuôz têx huôx tôngv gôngr côngv paz tsôngv box faz Trung thiêz faz Bắc trâus ruôr hiêv hnhar tiv coz nas chuô số 10 thiêz 11 nhiv kruôr đhâu. Ntâu chiz coaz, taz viv tưz phuôx tôngv phongz yaox “Ndar txos tsôngv box thax tsav trâus ntux nas ruôr hiêv”, tsưr tsix gôngr paz nhiêx txiêx, chuôz zênhx, zav nox, tris yo, pav, yuôx....chiê pheiz kênh têx phêv liv đros tsôngv box thax tsav trâus ruôr hiêv hnhar. Iz cxiê tsưr tsix đoanx thêv tsênhv sik côngv đros tiv phaz tsưr tsix thâux hax huv chơưv paz muk paz khưx phưx têx trâus ruôr hiêv. Têx huôx tôngv muôx ziz njiêz co tso pov mênhx cxưx VN li cêr chax chês jông “siz hluz siz paz” , thôngx cxix gôngr phênhv tôngv vênhx, paz têx ziv chuôz zis tsôngv box thax tsav trâus ruôr hiêv nzor truôx tul luz nênhx, hôx phưx tsiv uô xênhz yar kôngz nuv./.

Báo Lào cai-Txâur Vax cxeik nhênhv

           Tar su hnuz 13/10, sâuv txox cêr muk lol hâur tỉnh 172, ntu muk đhâu jok 8, xã Việt Hồng, tỉnh Lào Cai tưz muôx iz txuz yêz ntos tox, uô 03 lênhx nênhs trâus tuôs thiêz ntâu lênhx txơưr đuô trâus saz.

          Trơưk li môngz heik pâuz xuz thơưx, thâuv 12 six tar su, iz luz yêz kruô thâux 20 ntâu lênhx nênhs, muk txix Việt Cường trâu Minh Phú tsi tiz jông seiz shuôs tưz uô yêz nzênhr ntos tox, viv luz yêz co ntos pôngz trâu tsas siêz, tưz uô tâuz hâu yêz tsi jông tas, têx lênhx kruô lok six nyei. Đhâu hlo muôx yưv tsi jông, tsôngv pêx xênhv nhoz jê iz ndis co thiêz lưv lươngv muôx vax huôv tưz zênhx max tuôx đros paz, chox chor nênhs trâus moz muk nhoz tsêr yuôx. Đhâu qênhz yuôx sei tso pov, lênhx nênhs tsar yêz tsi hâuk chơưr bia, tsi trâus muôx zênhk zax zênhz li chas hlo. Qir tiv xuz thơưx tâu xav tinhv zos, viv yêz muk đhâu ntu cêr lêv hênhr, tsưx phưv tsi tâu yêz, uô yêz nzênhr ntos xưz. Nhiv no txuz nuv co tsênhv tâu cơ quan muôx vax huôv tỉnh Lào Cai tror qênhz yuôx, uô tsênhz mênhx./.

Thừa Xuân-Riê Lâux cxeik, nhênhv