Ủy ban tỉnh Điện Biên nhiv kruôr tsưr tsix jiês cơưv ntâuk gri 20 shông kriz uô Chính phủ li Nghị định 78 hnuz 4/10/2022 lok nhiêx txiêx kir txêik paz trâu chor nênhs pluôs thiêz chor nênhs tâu sơưv cêr chêi txơưr. Ntu 2002-2022, tỉnh Điện Biên tưz kriz uô 24 tsaz yênhx nhiêx txiêx kir txêik đros tas nro chor nhiêx muôx kir txêik muôx 9.700 tiv đêiv ntâu. Thôngz đhâu chor nhiêx muôz kir txêik lơưr tsênhv chêi, tưz muôx 392.000 ntâu chuôz zis pluôs thiêz chor nênhs tâu sơưv cêr chêi txơưr đuô tâu txêik pênhr nhiêx liv kik chiê paz hlôngr yiêz đuô luz nênhx. Đhâu co, xar muôx 66.000 chor chuôz zis tưz hla đhâu tâu cêr pluôs; 19.000 ntâu lox tôngv muôx tâu hâux lưv uô yiêz, lok sik kriz đar nzir tâu têx hâux lưv uô; cxiv tsa tâu muôx 36.000 ntâu côngz trinhx đêx hur thiêz vêv xênhz tênhv qơư jêx jok./.

(Vũ Lợi-Lik Thox cxêik nhênhv)

Nhiv kruôr no, Ban Mênhx cxưx tỉnh Lào Cai đoanx côngz xưv hux jos đros Tập đoanx Tài Anh nhoz tỉnh Ninh Bình muôz huv puz trâu shux xênhz iz tsêr cơưv hâur thax tsav tỉnh Lào Cai. Đoanx tưz muôz 20 poz huv puz trâu shux xênhz muôx luz nênhx txov nhêv, sir jos cơưv ntơưr hênhr hâur tsêr cơưv phưv thôngz mênhx cxưx niêv txir zus mor cxênhx iz Trung Chải, thị xã Sa Pa; muôz 10 poz huv puz trâu 10 lênhx shux xênhz muôx luz nênhx txov nhêv thiêz 2 luz meir nzuôx chuô trâu tsêr cơưv cxênhx iz thiêz cxênhx 2 Tả Ngảo, xã Bản Qua, huyện Bát Xát. Muôz 20 poz huv puz trâu 20 chuôz zis txov nhêv hâur thax tsav xã Bản Qua thiêz Bản Vược, huyện Bát Xát./.

(Báo Dân tộc-Riê Lâux cxeik, nhênhv)

Hnuz 24/9 zuôr txos no, thị xar Nghĩa Lộ, tỉnh Yên Bái zuôr muôx jiês txêik jênhv bằng UNESCO cungz jênhv “Đhiê pax vuôs xòe Thái” zos di sản vênhx huôv phi vật thể. No zos xor xưv muôx tsiv gri lox đros thiêz tsôngv box Thái nhoz Tây Bắc. Nghệ nhân Điệu Thị Siêng nhoz xar Nghĩa An, thị xar Nghĩa Lộ, tỉnh Yên Bái puz pâuz: Tsôngv box Thái xar tiêk “Tsik đhiê pax vuos xòe mak tsik lov jêv, tsik đhiê pax vuôs xòe mak blêx tsik jông, tsik đhiê pax vuôs xòe mak chor hluôk tuz hluôk nxêik zuôr tsik tâu lok uô txix gơưv…”. Chênhr viv li hâur chor jiês nthuôr uô cêr lov jêv tưs, cux muôs chor jiês đhiê pax vuôs xòe hur si. Cêr sik côngv siêz côngv thôngx xưk li tâu tuôr truôx jông đuô, cxuô kror hâux lưv cux tâu uô jông thiêz zôngx ziv đuô. Đros kror tsiv gri co, chor jiês đhiê pax vuôs tsik so muôx đros đrêiv luz nênhx xênhz huôx yênhx hnuz thiêz tsik so muôx hâur tsôngv box Thái chor ntênhk hôiv côngv thôngx, têx phongx cxưx thiêz xênhz huôx vênhx huôv…/.

(TTTB-Lik Thox cxêik nhênhv)

Hâur thax tsav tỉnh Sơn La nhiv no muôx 162 qơư uô lax luôv hu gâux, heik cưr cxiêx uô si, hâur co, muôx 88 qơư cê zos qơư nhoz, qơư uô lax luôv Uỷ ban xã buôk ti seiz car. Đhâu qênhz yuôx shuôs lok sâuv taz por truôx tuk phax cuz tuô cuz ntơưv 139 qơư li heik sâuv hâur têx hnuz nhiv kruôr đhâu, công an hâur tas nro tỉnh tưz heik cov tax nduô tsês 13 qơư uô lax luôv hu gâux, heik cưr cxiêx tsi truôx tuk trơưk cui tinhv, xưv bluô 13 lênhx nênhs 35 tsov đeiv ntâu. phênhv ntâu lơưr têx uô cxâuv co zos: Muôx tsi cxix cxuô têx chuôz zênhx phax cuz tuô cuz thiêz tsi qênhz shuôs tsi so luôs hâux lưv co lơưr cui tinhv….. Nhiv no, hâux lưv qênhz yuôx tsênhv tror tâu fuô uô tax txos tas hnuz 25/9 zuôr txos hâur tas nro tỉnh./.

 (VOVTB-Riê Lâux cxeik, nhênhv)