Hnuz 19/9, Bộ Zoz thôngz đros Uỷ ban tỉnh Lào Cai thiêz têx tos cik txos tsưr tsix fuô uô dưv anr côngz trênhx cxiv uô txox cêr muk chênhr Nội Bài-Lào Cai đros 2 tỉnh Lai Châu thiêz Yên Bái. Đhâu fuô uô têx ntu cêr muk chênhr ntơưv Lai Châu thiêz Yên Bái uô ntêx ntơư, hnuz co qir uô luôs hâux lưv no chiê cxiv kho txox cêr lox 279 ntu txix IC16 muk đhâu huyện Văn Bàn (Lào Cai) trâu Than Uyên (Lai Châu) cov jông muk lol tâu chênhr. Txox cêr lox 279 đhâu Lào Cai tsuv cxiv kho ntêr zuôr xar 70 cêik, 1.700 chuôz zis pêx xênhv zuôr trâul tâu yêik txar muk nhoz 4 thax tsav qơư. Txos nhiv no, luôs hâux lưv zuôr ar luôv plas phênhv ntâu tưz uô tiêr chiê qir fuô uô hâux lưv cxiv kho cêr. Zơưv Lê Thắng, Giám đốc Ban seiz car dưv anr 2-Bộ zoz thôngz heik pâuz: “Pêz cux đros lênhx nênhs yưv pênhr uô, taz viv piêr kriê fuô uô têx luôs hâux lưv cxiv tsa thiêz hux jos truôx đros cxuô thax tsav qơư hâur đơưk tu zuôr ar luôv plas chiê uô tâu trơưk cui tinhv, cux iz zav li uô tâu têx côngz trênhx jông lơưr Việt Nam thiêz lênhx nênhs yưv pênhr uô li tsưr ziv, siêz xar”./.

(An Kiên-Riê Lâux cxeik, nhênhv)

Tas cik hnuz 19/9, HĐ tỉnh Lai Châu khóa 15, six cxiv 2021-2026 tsưr tsix jiês khiêz phêv tiv 10. Lơưr co, ntơưv jiês khiêz phêv, HĐ tỉnh Lai Châu zuôr seiz shuôk, thôngz đhâu 10 dự thảo Nghị quyết zos UB tỉnh muôz li: Cuiz tênhv muôz nhiêx txiêx phưx vưv huôx tôngv paz txưv pháp lý trâu doanh nghiệp mê thiêz muôx njik mê sâuv thax tsav tỉnh; cui tênhv phênhv muôz trâu hâux lưv kriê cxaz cưk kriê thiêz cán bộ coar lik qơư zaoz zux chiê uô tsaz yênhx yiêz, ntơưr giáo khoa yiêz zaoz zux phổ thôngz nhiv no...Đrâuv co, jiês khiêz phêv cux zuôr seiz shuôk thiêz thôngz đhâu têx Cui tênhv cơ chế uô uô cê pênhr têx tsaz yênhx tez qơưk li qơư tsov txos thiêz têx tsaz yênhx, dự án txơưr sâuv thax tsav tỉnh; cui tênhv chor dự án yưv pênhr cxiv tsa lơưr cơ chế ntu 2021-2025 sâuv thax tsav./.

(K.Kiên-Txâur Vax cxeik nhênhv)

Tas nro tỉnh Yên Bái muôx 872 lênhx txir ndâux txir luk hâur tsôngv box heir nênhs tsơưs. Têx lênhx txir ndâux txir luk hâur thax tsav tỉnh Yên Bái zos tsov iêr chi cax lok huôv tsar kinh tế-xã hội, tso tsês jux juk têx cêr nênhx pôngz kaz, sir jos khưr huôv tsar uô nox uô hnar, cxuz cêr yeiz pluôs. Lar heik li zơưv Nhiêx Chảo Xênhv Lik, xã Nậm Khắt, huyện Mù Cang Chải tưz xeir têx zuz nôngz tsoz chos jông lok chos chiê huôv tsar kinh tế chuôz zis thiêz tu zus mur zuôr jiz . Iz chas ntơư, zơưv tsênhv chos tâu 3 ha têz txir hơưk, 2 ha txir tuôz ziz. Khov li co, niêx shông zơưv chuôz zis muôx phênhv sâu tâu 100 tsov đeiv ntâu iz shông. Zơưv Chảo heik pâuz, ntêr shông ntâu tiêv lok no, nênhs Hmôngz hâur xã Nậm Khắt tsuôk zos uô liêx têz xưz, taz sik nhiv no sơưr đơưk tưz pâuz uô lơưr têx tsưr ziv yiêz lok huôv tsar uô nox uô hâuk, tu zus tsiêx cxu viv li luz nênhx iz hnuz hlôngr yiêz, vav mênhx jux juk./.

 (DTMN-Riê Lâux cxeik, nhênhv)

Chiz coaz cảnh sát qênhz yuôx, công an tỉnh Điện Biên tưz tso tơưv têx Cuiz tênhv krêz tik cêr cxâuv đros 3 lênhx nênhs zos: Phạm Trung Kiên, xênhz shông 1984, Phưv tsar phongx nhiêx txiêx-tsưr ziv, TP Điện Biên Phuv; Trần Xuân Mạnh xênhz shông 1984, công chức Phongx nhiêx txiêx-tsưr ziv, TP Điện Biên Phuv; Bùi Mạnh Cường, xênhz shông 1990, công chức Phongx nhiêx txiêx- tsưr ziv TP Điện Biên Phuv viv uô cxâuv cui tênhv lok pâux nzir, paz txưv qơư nhoz yiêz thâuv têz qơưk sâu ar. Uô ntêx co hnuz 25/4/2022, chiz coaz cảnh sát qênhz yuôx, Công an tỉnh Điện Biên cux tso tơưv Cuiz tênhv tik cêr cxâuv, ntês cơư Trần Thị Vân, giám đốc Tsênhv qơư coar lik ar têz TP Điện Biên Phuv tiv tsi muôx txơưx jênhv uô muôx yưv têx luôk hâux lưv zov chênhr, cui tênhv ntơưv khoản 1, grê 360 Bộ chei hình sự. Nhiv no chiz coaz cảnh sát qênhz yuôx công an tỉnh Điện Biên tsênhv tror tơưv txênhz krêz đar qênhz yuôx txuz án no./.

(Vũ Lợi-Txâur Vax cxeik, nhênhv)