Jiês cir jênhv paz trâu dưv anr “Hlôngr yiêz luz nênhx uô nox trâu côngv thôngx mênhx cxưx tsơưs nênhs ntơưv tỉnh Sơn La thôngz đhâu kôngz nuv thiêz hlôngr yiêz tsơưr pưr (shông tiv 3)” nhiv kruôr tâu tsưr tsix ntơưv tỉnh Sơn La. No zos Chinhr phủ Nhật Bản li kror paz tsik tror thêv hâur shông 2025 trâu Việt Nam. Lơưr co, dưv anr zuôr paz trâu uô kôngz nuv, hlôngr yiêz tsưr ziv uô nox trâu chor ziv chuôz zis mênhx cxưx tsơưs nênhs luz nênhx txov nhêv tsênhv uô nênhx nhoz ntơưv huyện Bắc Yên kuz thiêz huyện Sốp Cộp kuz, tỉnh Sơn La, chiê paz trâu pêx xênhv muôx txâuk têx kôngz krâur thiêz muôs chor kôngz nuv tâu zôngx ziv đuô. Tas nro nhiêx txiêx trâu 3 shông uô dưv anr txix hli 3 shông 2023 txos hli 10 shông 2026 xar muôx 235 triệu yên, ciês chor nhiêx uô hâur shông tiv 3 tâu paz thôngz đhâu cir jênhv no zos xar muôx 63 triệu yên./.

VOV-Lik Thox cxêik nhênhv

             Ntơưv xã Lóng Sập, tỉnh Sơn La, Cục jênh sôr (Bộ Y tế) hux jos đros Sở Y tế tỉnh Sơn La tsưr tsix phuôx tôngv uô siv luôs hâux lưv yax kriê reik đros côngz dịch vụ jênh sôr thax tsav ntus đriv. Têx shông đhâu, tỉnh Sơn La tưz moz siêz txos chox kriê thiêz yưv pênhr trâu luôs hâux lưv jênh sôr-tsưr ziv xênhz zus nhuôs ntơưv qơư, lar heik zos thax tsav tox siêz, ntus đriv, thax tsav lok six txov nhêv...., paz cxiv kho tsưr ziv xênhz zus nhuôs, hlôngr yiêz pêx xênhv luz nênhx thiêz jux juk gra siêz tsơưr lươngv jênh sôr, pênhr jos. Hâur 9 luz hlik shông no, tas nro tỉnh têx gơưv niêv txir xênhz zus tus nhuôv tiv 3 tror zar sâuv tsav 18%, têx lênhx nhuôv tuz xênhz zus tâu muôx 118,5 hâur 100 lênhx nhôv nxeik; chor gơưv niêv txir uô trơưk tsưr ziv phax tir thêir tsi chiê chêr xênhz tuz muôx 71% ntâu....Luôs hâux lưv uô heik sâuv zos chiê gra siêz tsôngv pêx xênhv txux chi tsưr ziv jênhv pâuz lok xênhz zus nhuôs, sir zôngv têx faz tsưr ziv phax tir thêir tsi chiê chêr xênhz tuz, piêr kriê đas jos thâuv zuôr siz zuôr uô txix gơưv, phax tar siz zuôr nzor, siz zuôr cxênhz jê thiêz xênhz zus nhuôv tuz, nhuôv nxeik tsi siz pâus. Ntơưv ntênhs phuôx tôngv, đoanx viên, hôiv viên thiêz canr bôv xã Lóng Sập tưz grêk tâus cêr yax kriê, paz nthuôr đêz đar thôngz yax lok tsoz phưz đas jos xênhz zus nhuôs thiêz gra siêz tsơưr lươngv jênh sôr thax tsav ntus đriv./.

Thanh Thủy-Riê Lâux cxeik, nhênhv

            Đros chôngz lênhx nênhs, uô têx ntâuz ntơưr zos kror tsuv tâu nhoz tok. Taz sik ntơưv xar Bảo Hà, tỉnh Lào Cai, tsưr ziv chinhr quyền yiêz tsênhv sir jos hlôngr yiêz kror hâux lưv no. Đhâu chiê 5 luz xar lok uô cê, bôv mêir chinhr quyền ntơưv no tưz tâu tsưr tsix đuô đros uô cov huv pêx xênhv siêz. Chiê 5 luz xar tox siêz lok uô cê, sêiz car thax tsav lox đar muôx 34 cxênhz ntâu lênhx nênhs muôx 21 mênhx cxưx, co zos iz kror tsik zôngx ziv mak xar Bảo Hà, tỉnh Lào Cai tsuv sir jos uô thâuv uô lơưr chinhr quyền thax tsav qơư oz cấp. Chiê uô tâu jông têx hâux lưv, Đảng bôv xar Bảo Hà xav jênhv tsuv sir jos uô txix lênhx nênhs thiêz têx tsưr ziv uô hâux lưv. Zơưv Phạm Thành Long, Phưv Bí thư Thường trực Đảng ủy xar hêik mênhx  tsưr ziv uô: “Iz zos tsuv muôx txux chi, pâuz uô têx hâux lưv. Lênhx tưs uô kror hâux lưv tưs mak tsuv pâuz tsênhz txos têx hâux lưv co. Tiv oz zos tsuv pâuz tsênhz thax tsav”./.

TTTB-Lik Thox cxêik nhênhv

           Xav txos hli 4/2025, hur si têx nhiêx mak 19 cxênhz lênhx pox niêv vir ndâuk kêr txeik huôv tsar uô nox zos Hội pox niêv cxuô cấp tỉnh Điện Biên seiz car tax zuôr xar 1.300 tyv đeiv. Hội cux fuô uô tâu truôx têx hâux lưv jông siêz li: Tsaz yênhx paz tsoz phưz, tu 273 lênhx nhuôv njuôs, cxiv uô 73 luz tsêr niêv côngv siêz, paz max pêx xênhv thax tsav trâus đêx nas ruôr hiêv. Ntâu hâux lưv tsênhv tsênhz tâu fuô uô li: Chos pax tâus têx ntus cêr muk lol cov hur jông, muôz têx vuôz tsuôz, kiêk nênhs uô tâu nhiêx; tsêr hur si, vax đu lus; paz huôv tsar uô nox, chos jâuz hur, tu zus keiz ok....paz chor pox niêv vir ndâuk muôx nzir phênhv sâu, hlôngr yiêz luz nênhx./.

Báo ĐBP-Riê Lâux cxeik, nhênhv