Hnuz 20/9, Học viện chính trị quốc gia HCM thiêz tỉnh ủy Sơn La tưz tsưr tsix cơưv sik thav lok khoa học “Huôv tsar luôk hâux lưv sik côngv tsiv uô, sâu zuôr xiv huv kôngz nuv tỉnh Sơn La hâur qênhx shênhx yiêz”. Ntu 2015-2021, tỉnh Sơn La tưz hlôngr yiêz 60 cxênhz ntâu hecta tsoz chos sâu tsi tâu siêz sâuv ar têz nxaz chiê chos ntông nox txir, chuôz ndê mênhv chêx chos ntông nox txir hâur tỉnh txos 83 cxênhz hecta; ntâu vax chos ntông muôx tsiv grê yênhx tỷ đeiv, paz tsôngv box sir jos uô bluô nux...Giáo sư, tiến sĩ Nguyễn Xuân Thắng, Ủy viên Bộ chính trị, Giám đốc Học viện Chính trị quốc gia HCM, Chủ tịch Hội đồng lý luận Trung ương xar li no: “Xar muôx têx hlôngr yiêz hâur huôv tsar kôngz nuv, tsuv muôx doanh nghiệp sik côngv uô, taz sik doanh nghiệp nhiv no yưv pênhr trâu kôngz nuv tsênhv tsơưs. Ntâu doanh nghiệp tưz nriêr tuôx Sơn La, nhiv no pêz tsuv pheiz kênh, chuôz tsar nriêr pâuz sik côngv hâur doanh nghiệp thiêz chính quyênx, uô li mak zuôr zaz zâuv tâu doanh nghiệp cxaz chuôz”./.

(VOVTB-Txâur Vax cxeik nhênhv)

Ntơưv jiês cơưv tiv 10, Hôiv đôngx tỉnh Lai Châu khóa 15, ntu 2021-2026 tưz thôngz đhâu 10 Nghị quyết kriz uô chor tsaz yênhx tsưr ziv têz qơưk thiêz cui tênhv paz lơưr chêi têz qơưk trâu iz cxiê lênhx nênhs. Chor Nghị quyết mak Hôiv đôngx tỉnh Lai Châu thôngz đhâu phênhv ntâuz zos cik txos phênhv muôz paz trâu doanh nghiệp zâu thiêz tov thơưx, đôiv dân phòng, cưk kriê ntơưr; cui tênhv khơưk kruôk trâu tập thể, tiz nênhs lok tsênhv chêi dân sôr; cui tênhv cêr chêi uô uô cê, huiz tôngv phênhv pênhr nhiêx uô chor tsaz yênhx tsưr ziv têz qơưk thiêz chor tsaz yênhx, dự án txơưr đuô ntu 2021-2025; kho đuô, cxaz nzir nhiêx txiêx trâu chor taz viv njuôk xav cấp tỉnh thiêz têx huyện, thành phố; kho đuô tsưr ziv nhiêx txiêx têz qơưk ntơưv thax tsav qơư shông 2022 thiêz phêiz têx nhiêx yưv pênhr shông 2022./.

(Khắc Kiên-Lik Thox cxêik nhênhv)

Tỉnh Sơn La tsênhv chêx chôngk uô ntâu tsưr ziv chiê tax qơư tsov txos zos shông 2025 tas nro tỉnh muôx 70% nênhs muôx hnuz nhôngs siêz tâu seiz njuôs đas jos iz jiês iz shông, 95% têx nênhs lâuk tâu uô ntâuz ntơưr seiz njuôs đas jos; 35% chor xã, phường, thị trấn muôx 1 CLB tsoz phưz đas jos trâu nênhs muôx hnuz nhôngs siêz...Txix shông 2021 txos nhiv no, nganhx  ytế tỉnh tưz đros Ban hlôngr njêx muôk Hội nênhs muôx hnuz nhôngs siêz tỉnh tsưr tsix kriê cxaz “Cungz yênhx tưv lok tsoz phưz đas jos thiêz phax moz tsi siz sik nhoz nênhs muôx hnuz nhôngs siêz” trâu cán bộ Hội nênhs muôx hnuz nhôngs siêz cơ sở, CTV jênh số sâuv thax tsav 4 huyện Mai Sơn, Sông Mã, Sốp Cộp, Mường La. Thôngx cxix, chox kriê tsêr kho moz kror muôs tsưr tsix seiz njuôs, heik kriê, muôz yuôx tsi zuôr nhiêx txiêx, kho moz têx zav moz lok kror muôs trâu 4 cxênhz 800 nênhs lâuk hâur tas nro tỉnh. Hâur co, seiz njuôs ntơưv côngv thôngx trâu 260 lênhx, kho moz hâur tsêr kho moz zuôr xar 1 cxênhz 200 lênhx, chor tsênhv yuôr zos seiz njuôs, muôz yuôx kho moz hâur tsêr./.

(B.Thủy-Txâur Vax cxeik nhênhv)

Zar hnuz kêix 20/9, iz coz nas lox lok ntơưv thax tsav Tsênhv qơư thị xar Sa Pa, tỉnh Lào Cai uô đêx ngaz tas ntâu ntu cêr. Coz nas no lok muôx iz six hơưv uô trâu ntâu ntu cêr lox li ntu cêr Điện Biên Phủ, Thạch Sơn, Xuân Viên trâus đêx ngaz tas, têx yêz muk lok tsik tâu; đêx thiêz cuô ar ntưk tas muk trâu hâur iz cxiê luz tsêr. Iz chas co, chor cêr cux nxaz tox thiêz grêiv uô trâu chor đêx nas co ntưk chênhr đuô, uô trâu iz cxiê ntu cêr trâus puôk tsuôx. Ciês thâuv ntux lok nas đhâu, chính quyền ntơưv qơư tưz tso nênhs muk nriêr pâuz qênhx shênhx thiêz têx trâus hiêv. Cux zar hnuz kêix 20/9, ntơưv thax tsav thành phố Lào Cai thiêz ntâu thax tsav qơư txơưr hâur tỉnh cux tsênhv muôx yar ntux cuz sor./.

(An Kiên-Lik thox cxêik nhênhv)