Đhâu ntu cxiv sâu, Sở Thôngz mông thiêz yax mông tỉnh Lào Cai puz pâuz tưz tso tơưv fâu ntơưr hêik pâuz thiêz cungz têx xor mông trâu pov chir, tâu kriz uô hâur tas nro tỉnh. Tsênhv njiêz fâu ntơưr tâu phêiz uô 6 phênhv chênhr; hâur co, 5 phênhv xuz thơưx zos têx cêr chêi cik txos huôx tôngv pov chir thiêz hêik pâuz, cungz xor mông trâu pov chir; têx tsưr ziv chiê jênhv pâuz lok cxuô kror hâur pov chir; têx xor mông lok tsưr ziv hêik pâuz thiêz cungz xor mông trâu pov chir; tsưr ziv xưv lik têx xor mông sâuv pov chir thiêz mạng xar hôiv thiêz xor mông lok tsưr ziv sêiz car, cungz thiêz sir zôngv xor mông sâuv mạng./.

(An Kiên-Lik Thox cxêik nhênhv)

Hnuz xiêz 02/10 zuôr txos no, zos jiês xuz thơưx tỉnh Sơn La zuôr tso xa đuôz hâur tsaz yênhx shux xênhz cơưv coz sik tưr thik txux chi (lok zos đường lên đỉnh Olympia). Lênhx shux xênhz gra têx cêr shir phaz co lok trâu tỉnh zos Bùi Anh Đức, cơưv lớp 12 Anh, tsêr cơưv cxênhx 3 chuyên Sơn La-iz lênhx nhuôv tuz shux xênhz sir jos hla đhâu têx phiv liv, cơưv ntơưr coz sik đros luôs lưv tus tưr thik tâu jông. Hâur jiês thik têx txux chi 3 luz hlik txix hli 7-9, Bùi Anh Đức, shux xênhz tsêr cơưv cxênhx 3 chuyên Sơn La tưz tưr thik tâu hov iz, 185 điểm, tâu tror tưr thik jiês 2 hâur shông 2022. Heik lol têx tưr thik tâu jông heik sâuv, Bùi Anh Đức heik li no: “Cur lok six jông siêz thiêz shir phaz thâuv tưr thik tâu trơưk li zuk siêz xar. Cxaz chuôz tưr thik, cur thâuv tưs tưz siêz truôx bo, sir jos xar tơưv têx txux chi jông thiêz sei tiv zix. Cur khênhr chêx tsôngk trâu têx kror thik mak zuk muôx têx tưr thik tâu điểm siêz. Yuôr đuô li cur sir jos uô cov tas zuk txux chi tsưr ziv chiê tax tâu điểm siêz xưz”./.

 (Lê Hạnh-Riê Lâux cxeik, nhênhv)

Oz pêz shông jê lok no, kok tsư ha paz muôx tâu tsiv gri kinh têr siêz đuô 2-3 jiês pir li blêx, poz cưk trâu pêx xênhv xar Nậm Xe, huyện Phong Thổ, tỉnh Lai Châu. Taz sik shông no, kok tsư ha ho sâu tsik tâu thiêz trâus pôngz gri, uô trâu pox nhuôs nhoz ntơưv no pôngz siêz lok six ntâu thâuv sir jos chos zav tsoz chos no. Shông no, tas nro xar Nậm Xe chos tâu muôx 127 héc ta kok tsư ha, ndê 97 héc ta pir li six chênhz shông uô ntêx. Nhiv no, pox nhuôs tưz sâu tâu xar muôx 60% thax tsav chos. Đhâu ntâuk gri, zuôr sâu tâu muôx 9 tấn iz héc ta (grêk tsơưs đuô 6 tấn iz héc ta) pir li chiv tsêiz no. Tưz tsik zos sâu tsik tâu ntâu, chiv no gri kok tsư ha cux grêk kik ntâu, uô trâu chor nênhs uô lax luôv nhoz ntơưv thax tsav qơư njiz ntâu kror phiv liv thâuv sâu zuôr thiêz zok nriêr qơư muôs./.

(Báo Lai châu-Lik thox cxêik nhênhv)

Txox cêr lox 2D, ntu muk đhâu thax tsav tỉnh Yên Bái tsênhv trâul puôk tsuôx, tsi jông tas, uô tsi truôx tuk trâu têx yêz muk lol đhâu ntu cêr no thiêz uô ruôr hiêv lox txos tsôngv pêx xênhv luz nênhx xênhz huôx. Hâur co, ntu muk đhâu thax tsav tỉnh Yên Bái ntêr zuôr xar 28 cêik. No zos txox cêr txuôk txix cêr 70 muk trâu cêr lox 37 thiêz cux zos txox cêr muk txix tsênhv qơư huyện Yên Bình trâu chor xã Thịnh Hưng, Hán Đà, đros trâu iz cxiê xã faz Đông pak đêx Thác  Bà; iz chas co, zos iz hâur têx txox cêr ar chiê tsôngv kruô muk lol ndis seiz pak đêx Thác Bà uô si. Tâu pâuz, txos nhiv no, ngênhx muôx vax huôv tưz cxiv uô tsưr ziv kho đuô. Tsôngv pêx xênhv sơưr đơưk vav tok njôngr hâur niêx hnuz chiê nzor tâu cxiv kho, uô tiêr cov zôngx ziv muk lol đhâu./.

(Trịnh Xuân-Riê Lâux cxeik, nhênhv)