Hnuz 22/5, Tỉnh ủy Lai Châu tưz côngz fur Ban Bí thư T.Ư Đảng li Quyết định lok bâux xeir Phưv seiz car thiêz têx Ủy viên Ủy ban qênhz yuôx Tỉnh ủy Lai Châu, six cxiv 2020-2025. Chor nênhs zuôr tâu bâux xeir zos zơưv Phan Văn Túc, Ủy viên Ủy ban qênhz yuôx Tỉnh ủy Lai Châu uô Phưv seiz car Ủy ban qênhz yuôx Tỉnh ủy. Zơưv Nux Xênhv Shôngx, Phưv tsar Ban thường trực Ban tsưr tsix Tỉnh ủy; zơưv Trần Quốc Khanh, Chánh Thanh tra tỉnh thiêz pos Bùi Thị Thu Hương, Tsar phongx Nghiệp vụ III (Ủy ban qênhz yuôx Tỉnh ủy) uô Ủy viên Ủy ban qênhz yuôx Tỉnh ủy Lai Châu, six cxiv 2020-2025./.

          Khắc Kiên-Riê Lâux cxeik, nhênhv

            Njiêz luv ntâuk grê 10 shông BCH TW Đảng li Nghị quyết 33 thiêz 3 shông ntâuk grê Ban thường vụ tỉnh ủy Lào Cai li Nghị quyết 09 lok cxiv tsa, huôv tsar vênhx huôv, lênhx nênhs tso pov Lào cai tưz tax tâu ntâu chêx cuk coaz tsôngv. Phênhv ntâu qơư tsov txos hâur Nghị quyết puôr lênhx taz por tsưr ziv. Txos tas shông 2023, tas nro tỉnh muôx zuôr xar 90% jêx jos, tuêv jênh phố thiêz 96% chiz coaz, taz viv, doanh nghiệp tax ploz tsênhr vênhx huôv; têx di tích têz qơưk thiêz cấp tỉnh tâu kho đuô tax 71 txos 74%...Zơưv Vũ Xuân Cường, Phưv bí thư thường trực tỉnh ủy, Chủ tịch HĐ tỉnh Lào Cai heik mênhx: “Phêv ziv ntâuk grê 10 shông uô Nghị quyết 33 thiêz ntâuk grê 3 shông uô Nghị quyết 09 zos diễn đàn coaz tsôngv chiê Đảng bộ, chính quyênx thiêz tsôngv box têx mênhx cxưx Lào Cai tror muôz siêz jênhv pâuz, txơưx jênhv; sik côngv siêz cxiv tsa thiêz huôv tsar vênhx huôv lênhx nênhs tuôv zênhv tỉnh li zoz qơưx huôv tsar sei thiêz truôx vênhs hâur ntu zuôr txos”./.

An Kiên-Txâur Vax cxeik nhênhv

              Dưv anr cêr muk chênhr Hòa Bình-Mộc Châu, ntu muk đhâu thax tsav tỉnh Sơn La tâu krêz uô zuôr cxơưz cxiz trâu Sơn La cux li chor tỉnh faz Bắc txuôk đros luôs 2 chas thax tsav chiê huôv tsar. Dưv anr cêr muk chênhr Hòa Bình-Mộc Châu ntu đhâu tỉnh Sơn La cxiv uô ntêr 32 ntâu cêik; zuôr ar luôv plas ntêr 34 ntâu cêik, thiêz zuôr cxiv uô đar cov txâuk 2 saz cêr trâu yêz muk lok. Xav hur si pênhr yưv uô dưv anr tas zuôr xar 5 cxênhz tyv đeiv txix nhiêx txiêx têz qơưk; six hơưv fuô uô zos txix shông 2023 txos 2028. Tâu thủ tướng choz uô tsưr yưv pênhr, tỉnh Sơn La tsênhv sir jos fuô uô cxuô luôs hâux lưv, lar heik zos bax uô têx hâux lưv yưv pênhr đros pâuz nzir ar kriz uô plas cêr. Zơưv Bùi Trọng Thắng, Phưv Giám đốc Sở Zoz thôngz Sơn La heik pâuz: “Txox cêr muk chênhr Hòa Bình-Mộc Châu, ntu đhâu tỉnh Sơn La zuôr paz muôx cêr jông muk lol txix đrôngs Hà Nội tuôx tỉnh Sơn La thiêz chor tỉnh faz Bắc; paz txo grêk tsơưs têx ntu cêr lêv, mê grêiv, tsi yuô truôx tuk zoz thôngz, uô cêr muk lol lur đuô, txo grêk tsơưs six hơưv, nhiêx txiêx cheix yêz muk lol; paz hu zâuv yưv pênhr huôv tsar, txuôk đros thax tsav ntus đriv têz qơưk Lào”./.

VOVTB-Riê Lâux cxeik, nhênhv

            Xor mông txix chính quyênx tiv phaz puz pâuz, 2 tul mê nhuôk zâu tsêr nhoz têx jos tox siêz xã Gia Phú, huyện Bảo Thắng, tỉnh Lào Cai sik zâuv muk luôv đêx ntơưv tul đêx Nậm Trà trâus pôngz đês tuôs. Hâux lưv muôx yưv trâu qênhz pov lis viv li chơưv paz tsi tâu. Nhiv no, 2 lênhx mê nhuôk no tưz tâu choz trâu chuôz zis chiê uô đaz uô kruô. No zos 2 lênhx mê nhuôk xênhz shông 2014 zos shux xênhz tsêr cơưv niêv txir zus mor xã Gia Phú. Hlôngr njêx muôk huyện Bảo Thắng thiêz đoanx côngz xưv tưz muk seiz, tôngv vênhx chuôz zis 2 lênhx mê nhuôk no, thôngx cxix tsưr tsix khiêz phêv đros chính quyênx tiv phaz thiêz tsêr cơưv seiz car, zaoz zux, taz por trâu mê nhuôk shux xênhz, tiv zix zos hâur cheix so cheix ntux sor./.

An Kiên-Txâur Vax cxeik nhênhv