Hmo 22/9, Đoanx hluôk nênhs Cộng sản Hồ Chí Minh tỉnh Sơn La tsưr tsix Liên hoan têx hluôk nênhs nhuôs zâu uô tâu jông lơưr hloz hôx têx luk kriê, Liên hoan hluôk nênhs txơưx xar tơưv shông 2022, jiês sik tưr cok đuôz, tsênhv njiêz “Nhuôs zâu Sơn La-Shir phaz đros Đại hôiv Đoàn” thiêz Tsaz yênhx nghệ thuật shir phaz đros Đại hôiv têiv plor Đoanx hluôk nênhs cộng sản Hồ Chí Minh tỉnh Sơn La jiês tiv 13, six cxiv 2022-2027. Ndo njôngr txos hloz hôx luk kriê “kror tưs xar tâu mak muôx hluôk nênhs paz, kror hâux lưv tưs phiv liv mak muôx hluôk nênhs”, hluôk nênhs Sơn La tsênhv khav tênhv tâu đas jos, txux chi, txơưx xar tơưv, car xar car uô, tsik so sir jos cơưv shâuv thiêz hloz lox, paz zov chênhr trâu côngz xưv cxiv tsa têz qơưk cov ziv hnuz ziv jông, vav mênhx đuô. Ntơưv Liên hoan, Ban chấp hành Đoanx hluôk nênhs cộng sản Hồ Chí Minh tỉnh Sơn La tưz khơưk muôz ntơưr kruôk thiêz kruôk txos 50 lênhx hluôk nênhs zos “Hluôk nênhs tỉnh Sơn La uô tâu hâux lưv jông lơưr hloz Hôx têx luk kriê jiês tiv 7, shông 2022”. Trung úy Dương Hải Anh, Bí thư đoanx hluôk nênhs Công an tỉnh Sơn La puz pâuz: “Cur lok six shir phaz thiêz tso siêz thâuv zos iz hâur 50 lênhx hluôk nênhs uô tâu hâux lưv jông lơưr hloz Hôx têx luk kriê hâur hnuz no. Đros zos Bí thư Đoanx hluôk nênhs Công an tỉnh Sơn La, cur zuôr tror sir jos đuô thiêz chiê cov zuk uô tâu hâux lưv jông đuô, chiê cơưv shâuv, uô lơưr 6 lo luk hloz Hôx kruôz kriê Công an, cov zos yênhx lênhx Công an sir jos uô hâux lưv viv pêx xênhv, viv têz qơưk”./.

(Trấn Long-Lik Thox cxêik nhênhv)

Zar hnuz keix hnuz 22/9, Ban chox kriê phax tar thaz huôz, têx luôk hâux lưv tsi jông tỉnh Điện Biên tsưr tsix khiêz phêv pov tsir lok hâux lưv qênhz yuôx, uô tsênhz mênhx 5 txuz án, hâux lưv zov chênhr muôx yưv sâuv thax tsav tưz tâu Ban chox kriê tso lok hâur luôk hâux lưv tsuv seiz shuôk, chox kriê. No puôr lênhx zos têx njiêz luv tâu tsôngv box tsov cưv txos hâur ntu nhiv kruôr đhâu, tiv zix zos txuz Chiz coaz cảnh sát qênhz yuôx, Công an tỉnh Điện Biên nhiv kruôr krêz tik cêr cxâuv, ntês zơưv Nguyễn Tuấn Anh- Phưv Chủ tịch UB TP Điện Biên Phủ viv “Uô cxâuv cui tênhv lok pâux nzir, paz txưv qơư nhoz yiêz thâuv têz qơưk sâu ar têz” cui tênhv ntơưv khoản 3, Grê 230, Bộ chei hình sự./.

(Vũ Lợi-Txâur Vax cxeik nhênhv)

Tsêr kho moz Đa khoa tỉnh Yên Bái tưz tâu Cục Công nghệ thôngz mông, Bôv Y têr hêik pâuz kriz uô Ntâuz ntơưr njuôk, kho moz điện tử txix hnuz 1/9/2022, hlôngr trâu têx ntâuz ntơưr sâu trâu hâur têx ntơưr. Zos iz hâur 35 kror qơư  njuôk, kho moz sâuv tas nro têz qơưk, Tsêr kho moz Đa khoa tỉnh Yên Bái zos iz hâur tsơưs chor tsêr kho moz nhoz thax tsav tox siêz kriz uô ntâuz ntơưr njuôk khoz moz điện tử, tâu Bôv Y têr ntâuk gri siêz. Nhiv no, nênhs moz tuôx tsêr kho moz Đa khoa tỉnh Yên Bái tsuôk tsuv gra đros ntơưr Bảo hiểm y têr lok sik têx điện thoại txơưx njê muôx ứng dụng VSSID chiê zuôr mã sôr thiêz đăngk cir njuôk shuôk moz ntơưv têx qơư cungz muôz sôr. Đhâu co nênhs moz zuôr tâu kriê chiê muk ndax sik trâu khoa njuôk shuôk moz. Ntơưv no, xor mông njuôk shuôk moz zuôr tâu kriz pov tsênhv ciês ntơưv têx qơưk njuôk shuôk moz. Tas nro nênhs moz li têx njuôk shuôk moz tâu tso trâu sâuv tsêr kho moz li cxiv luôs mạng txuôk đros trâu tas nro chor khoa, phongx…/.

(DTMN-Lik thox cxêik nhênhv)

Ciêz tox siêz zos qơư muôx ntâu zav hax huv, chuôz zênhx phưx vưv luz nênhx tâu muôs, huv đros tsôngv box thax tsav li cêr uô nênhx. Taz sik, têx hax huv li yuôx tâu muôs ntơưv ciêz, njuôs xav zuôr uô muôx yưv têx tsi jông trâu nênhs sir zôngv. Hâux lưv muôv muôs yuôx tâu cuiz tênhv jông lok qơư muôs, chuôz zênhx por coar, lênhx nênhs muôs tsuv muôx chuyên môn. Têx lênhx nênhs muôs yuôx ntơưv ciêz phênhv ntâu zos tsôngv box tiv phaz, tsi muôx ntơưr tso chei muôv muôs. Txơưv têx lưx lươngv tưz qênhz yuôx, yax mông, taz sik tsôngv box tox siêz li jênhv pâuz tsênhv kis, thiêz muôx cêr cor cav zuôr yuôx ntơuv ciêz đrôngs lok zôngx txix ntâu shông, viv li lok six lax chiê car chêx txos qơư luôk hâux lưv no./.

(An Kiên-Txâur vvax cxeik, nhênhv)