Tsâus ntux hnuz 24/9, ntơưv thị xã Nghĩa Lộ, tỉnh Yên Bái tsưr tsix Ntênhs tos jênhv UNESCO li ntơưr côngz jênhv Nghệ thuật đhiê pax vuôs xòe Thái zos di sản vênhx huôv phi vật thể thiêz krêz uô Ntênhs phêv vênhx huôv-ju lix Mường Lò, nriêr pâuz qơư jông jav liêx kêz nteir Mù Cang Chải shông 2022. Thủ tướng chính phủ Phạm Minh Chính dưv, sik côngv cêr shir phaz đros tsôngv box têx tỉnh muôx di sản. Kruôk, txưv haox lok di sản; iz siêz tuôr tsês trâu cxênhx nênhs tov kaz no, co zos tas nro têx nghệ nhân thiêz tsôngv box têx tỉnh Yên bái, Sơn La, Lai châu thiêz Điện Biên siêz têx cêr jông siêz: “Cur lok six txưv haox thâuv xòe Thái tâu UNESCO kruôk thiêz côngz jênhv hâur hnuz no”

“Uô li chas chiê zuk kriê trâu tuz nhuôs tov kaz no pâuz đhiê pax vuôs Xòe zos zuk nênhs Thái li iz vênhx huôv jông”./.

(VOVTB-Txâur Vax cxeik nhênhv)

Txos nhiv no, luôs hâux lưv bax trâu Hnuz hội nthuôr uô txux chi vênhx huôv, thêv thao thiêz ju lix thax tsav ntus đriv Việt Nam-Lào jiês tiv 3 tâu uô ntơưv tỉnh Điện Biên tsênhv tâu ntơưv qơư zênhx max fuô uô. Sở Vênhx huôv, thêv thao thiêz ju lix tưz xeir tsov 140 lênhx nênhs txơưx sênhr chêr nthuôr uô lov jêv, hu gâux, heik cưr cxiêx….hâur tỉnh chiê cơưv shâuv uô têx txux chi cêr lov jêv cov taz por uô tâu cxix cxuô têx tsênhv njiêz hâur Hnuz hội. Đros trâu co, Sở cux tưz hu zâuv muôx 180 lênhx têx tus txơưx hu gâux, heik cưr cxiêx, 500 lênhx pêx xênhv muôx têx suôz jông, txơưx yuôz trax uz no….chiê sik đros cơưv shâuv, bax trâu krêz uô Hnuz hội. Hnuz hội uô lov jêv co zuôr uô lok 8 six tsâuk ntux hnuz xiêz 01/10/2022 ntơưv Quảng trường 7/5, TP Điện Biên Phủ./.

 (Vũ Lợi-Riê Lâux cxeik, nhênhv)

Ntơưv TP Sơn La, Đeix nta suôz-xa đuôz tỉnh Sơn La nhiv kruôr tsưr tsix jiês njiz njêx muôk 45 shông chax chês Nganhx nta suôz-xa đuôz Sơn La (26/9/1977-26/9/2022). Kuôk nor 45 shông, Đeix nta suôz-xa đuôz Sơn La tâu yênhx lix txix Đeix nta suôz thax tsav Tây Bắc. Ciês thâuv tâu yênhx lix, Đeix nta suôz Sơn La tưz yênhx kênh thôngz xor mông jông, tâu tsôngv box têx mênhx cxưx Sơn La njênhs njôngr thiêz nhiêv mnôngs. Đhâu 15 shông, hnuz 12/3/1992, UB tinhv Sơn La cuiz tênhv hlôngr bê yênhx Đeix nta suôz – xa đuôz tỉnh Sơn La, krêz tơưv Đeix li iz ntu huôv tsar yiêz. Nhiv no, iz hnuz Đeix nta suôz-xa đuôz Sơn La muôx 3 tsaz yênhx đros yênhx châuv njiêz luv, thôngz xor mông, tsaz yênhx vênhx ziv, phim...ntêr 18 six hơưv ntâu thiêz 8 six nta suôz. Đrâuv tso sâuv sóng nta suôz, xa đuôz, taz viv nhiv no cux tưz tso sâuv ntâu nền tảng số, tiv zix zos mạng xã hội, tuôv zênhv jông tsôngv box hâur thiêz đrâuv tỉnh li zoz qơưx tos jênhv xor mông./.

(Lê Hạnh-Txâur Vax cxeik nhênhv)

Nhiv kruôr đhâu, ntơưv Trôngx đriv cêr ar ntiêx têz Lào Cai, chor tuz lênhv pênhz phax ntơưv qơư tưz qir choz trâu lưv lươngv muôx vax huôv saz Trung Quốc 3 lênhx nênhs zos nênhs saz têz qơưk co thâuv lơưr tuôx đhâu Campuchia tsi trơưk chei lok Việt Nam. Đhâu qênhz nus, chor nênhs no krêz lênhk tiêk, tưz cheix yêz za tuôx trâu Campuchia txix hli 7/2018 chiê uô hâux lưv ntơưv Casino. Tiv hâur ntu jê lok no, lưv lươngv muôx vax huôv Campuchia qênhz yuôx lok six đrux têx qơư tưr txiêx, 3 lênhx nênhs no tưz seiz lax zok nriêr cêr khiêr tror mul zuk qơư nhoz. Hur si 3 lênhx nênhs no tưz seiz hâur mạng xã hội đas cir thôngz đhâu hâur xor tôngx, đhâu co xav nhiêx hâur meir muôx nhos 50 cxênhz nhiêx Trung Quốc (bâuv li 170 tsov đeiv nhiêx Việt Nam) chiê tâu luôs lưv tus kriê cêr tror lok têz qơưk txix muk đhâu đriv têz Campuchia trâu Việt Nam lok Trung Quốc./.

 (An Kiên-Riê Lâux cxeik, nhênhv)