Tror uô tsaz yênhx qênhz shuôk qênhx shênhx huôv tsar chos tsoz mắc ca sâuv thax tsav tỉnh, hnuz 27/9, đoanx têiv plor Côx hôiv tỉnh Điện Biên tưz muk sêiz shuôk chor dự án chos mắc ca sâuv thax tsav huyện Điện Biên. Nhiv no, huyện Điện Biên tưz tâu Ủy ban tỉnh tso tơưv tsưr ziv yưv pênhr 4 dự án chor mắc ca ntơưv chor xar: Phu Luông, Thanh An, Thanh Xương, Hua Thanh, Mường Pồn, Núa Ngam, Na Tông đros tas nro thax tsav đar xar muôx 15.900 héc ta. Hâur co thax tsav chiê chos mắc caz zos zuôr xar 13.500 héc ta. Tas nro thax tsav tưz chos mắc ca zos 1.000 ntâu héc ta. Đoanx qênhz shuôk hêik huyện Điện Biên tror kriz uô côngz xưv yax kriê chiê pêx xênhv thôngx ziv đros tỉnh li têx tsưr ziv, tsênhv chêi lok huôv tsar tsoz mắc ca; chuôz cxaz uô côngz xưv sik côngv, đros đrêiv nênhs yưv pênhr chiê đơưk kho têx phiv liv, sir jos kriz uô sêi dự án./.

(BaoĐTĐB-Lik Thox cxêik nhênhv)

  Tsaz yênhx “Yo sor siêz jông, paz têx mê nhuôk shux xênhz muk cơưv ntơưr” zos Công ty tênhv jos Lào Cai tsưr tsix tưz khơưk muôz zuôr xar 500 luz yo sor trâu têx mê nhuôk shux xênhz Tsêr cơưv PT mênhx cxưx niêv txir zus mor cxênhx iz Cao Sơn, huyện Mường Khương, tỉnh Lào Cai. Tsêr cơưv muôx 100% shux xênhz zos tsôngv box mênhx cxưx Hmôngz. Qir lok trâu cheix ntux no, ntâu jiês pov têx mê nhuôk shux xênhz tsuôk hnar luz yo nhiês thâuv ntux no tuôx cơưv ntơur têx cưk kriê ntơưr lok six hluz. Hâux lưv Công ty tênhv jos Lào Cai hnuz no khơưk muôz huv trâu têx mê nhuôs shux xênhz muôx 500 luz yo sor zos lok six tsiv grê thiêz zuôr trâus. Đhâu co, paz têx mê nhuôk shux xênhz muôx yo sor hnar chiê hla đhâu cheix ntux no nhoz tox siêz, taz por đas jos, gôngr phênhv muôz siêz tsơưr lươngv zaoz zux hâur tsêr cơưv./.

(DTPT-Txâur Vax cxeik nhênhv)

Công an huyện Bắc Yên, tỉnh Sơn La nhiv kruôr chơưv paz tâu 5 lênhx nênhs hâur txuz 17 lênhx nênhs nhoz xar Phiêng Ban muk trâu saz Campuchia uô lox tôngv. Uô ntêx co, thâuv hli 6/2022 tiv njênhs trâu nênhs fêv têx nziêk đas, Lò Văn Bứn, Lò Văn Thành, Hoàng Ngọc Thịnh, Lò Thế Khởi, Lường Mạnh Huy đros nhoz ntơưv xar Phiêng Ban, huyện Bắc Yên tưz muk trâu saz Campuchia uô lox tôngv. Uô hâux lưv hâur casino thiêz zok nriêr, zaz zâuv chor nênhs sâuv faceboock, zalo thêv nhiêx trâu chor app uô si sâuv mạng. Lơưr chor nênhs co, ntơưv Campuchia lơưr tsik so txêik tâu kênhz nhiêx hli txơưv tiêk tưz sir jos uô têx hâux lưv thiêz uô nzir six hơưv, iz cxiê lênhx nênhs tsênhv trâus ntâuk zos tsik sir jos uô jông têx hâux lưv co. Nhiv no chor nênhs no đas jos tưz muôx li kuz thiêz tâu choz zok trâu cấp ủy, chính quyền thax tsav qơư thiêz chuôz zis./.

TTTB-Luk Thox cxêik nhênhv)

Zơưv Đào Bá Hiệp, Chủ tịch UB xã Phú Thịnh, huyện Yên Bình, tỉnh Yên Bái xav tênhv zar hnuz keix hnuz 27/9 pov muôx 1 lênhx pox niêv trâus tuôs ntơưv Công ty TNHH nganhx tsiv uô ntông Thiên An Việt Nam nhoz sâuv thax tsav xã. Lơưr co, txix thâuv 10 six zuôr tar su, têx công nhân đros niêv lâuk Tạ Thị Dung xênhz shông 1988 nhoz jos Gò Bông, xã Minh Quân, huyện Trấn Yên, tỉnh Yên Bái uô hâux lưv pov niêv lâuk ntơưv qơư uô hâux lưv. Txos zar hnuz keix tsi pov niêv lâuk Dung tror lok uô hâux lưv viv li tưz heik sđ muk nriêr. Txos 3 six 30 zar hnuz keix, niêv lâuk chuôz zis thôngz xor mông pov niêv lâuk Dung tuôs hâur kror đêx nhoz ntơưv công ty li qơư tsiv uô ntông. Niêv lâuk Tạ Thị Dung zos lênhx nênhs coar lik pưv phênhv uô txiês ntông, Công ty TNHH ntông Thiên An Việt Nam. Kror đêx qơư pov niêv lâuk Dung yênhx hnuz muôx tsi ntâu lênhx nênhs muk lok đhâu. Nhiv no hâux lưv no tsênhv tâu chiz coaz muôx txơưx jênhv tror qênhz yuôx, nriêr pâuz cov tsênhz mênhx./.

(An Kiên-Txâur Vax cxeik, nhênhv)