Đros tsênhv njiêz “Uô truôx jông cêr sik côngv thôngx ziv-Ndar txos ntu nênhx tov ntêx no”, Hnuz hôiv vênhx huôv, thể thao thiêz du lịch thax tsav ntus đriv Việt Nam-Lào jiês tiv 8 tâu tsưr tsix ntơưv Điện Biên txix hnuz 1-3/10. Tsaz yênhx nghệ thuật kriz uô ntêx zos kror zov chênhr hâur hnuz hôiv, muôx 3 yôngx: “Côngv lênhx trôngz Trường Sơn, hâuk uô cê iz hâur đêx”, “Cxuô zav jông nziv hluz” thiêz “Uô truôx jông cêr sik côngv thôngx ziv-ndar txos ntu nênhx tov ntêx no” đros muôx zuôr xar 900 lênhx nênhs cxaz chuôz. Đuô li, 65 kror qơư muôs huv tưz tâu taz viv uô lôngx đhok tiêr. Zos têx qơư chiê piêr pâuz, muôs têx hax huv vênhx huôv, du lịch, zav nox, hax huv OCOP jông ntơưv cxuô thax tsav qơư muôx ntus đriv uô cê đros têx Lào./.

(Vũ Lợi-Lik thox cxêik nhênhv)

Uô lơưr tsaz yênhx chuôs njiz cử tri uô ntêx jiês cơưv tiv 4, Côx hôiv khóa 15, tas cik hnuz 28/9, Đoanx đại biểu Côx hôiv tỉnh Lào Cai tưz muôx jiês chuôs njiz cử tri, têx lênhx txir ndâux txir luk hâur tỉnh. Zơưv Đặng Xuân Phong-Bí thư tỉnh ủy, Tsar đoanx Đại biểu Côx hôiv tỉnh Lào Cai sâu jênhv thiêz ntâuk grê siêz têx lênhx cử tri zos txir ndâux txir luk hâur thax tsav tỉnh li ziv chênhv, lul heik. Iz chas ntơư heik mênhx, đros thiêz sơưr đơưk têx lul heik, thix ziv ntơư zos tỉnh, huyện li hâux lưv, cxuô ban ngênhx, ntơưv qơư tsuv nhênhz chơưv, nzor heik trâu tỉnh chiê zênhx max đơưk tu, heik trâu cử tri pâuz. Hok têx ziv chênhv, lul heik zos T.Ư vax huôv, Đoanx đại biểu Côx hôiv zuôr sâu jênhv thiêz heik ntơưv jiês cơưv tiv 4, Côx hôiv khóa 15 zuôr txos./.

(DTPT-Riê Lâux cxeik, nhênhv)

Lai Châu tâu ntâuk gri zos tỉnh muôx ntâu têx yuôx đrox njuôz, xưk li: Sâm Lai Châu, lan Kim Tuyến, sha đêiv blôngx iz luz pax, đẳng sâm, hà thủ ô liêz… Cxuô zav yuôx đrox njuôz huôv tsar tsêx trung tsênhv tâu kriz uô ntâu li txir hơưk, txir tuôz ziz… Txos nhiv no, tỉnh muôx ntâu tsênhv chêi paz trâu têx doanh nghiệp, pêx xênhv huôv tsar uô, sâu zuôr muôs têx hax huv yuôx đrox njuôz no. Iz zav li Đề án huôv tsar iz cxiê zav tsoz yuôx đrox njuôz ntu 2020-2025, tsưr ziv uô txos shông 2030. Hâur co, paz huôv tsar 10 héc ta cxuô zav sâm Lai Châu, sha đêiv blôngx iz luz pax thiêz lan kim tuyến đros paz iz jiês 50% nhiêx gri nôngz, qir zuôv, yuôx por vêv đrox tsuôs./.

(BáoĐTLC-Lik thox xêik nhênhv)

Trơưk li mông txix Sở Công thương tỉnh Yên Bái, đhâu qênhz shuôs thiêz pâuz tâu, hâur thax tsav tỉnh tưz muôx yưv têx li: Tas trox yêz tsi muôx muôs nhoz iz cxiê qơư muôs trox. Qênhz shuôs tsênhv tsênhz ntơưv têx qơư zuôr muôs trox mak têx li heik sâuv zos muôx tsênhz tiês. Lơưr chor qơư zuôr muôs trox puôr lênhx chos luk tsi sâu zuôr ntâu têx trox lok bax tsês tsi trơưk chei, txơưv gri trox yêz siêz lok sik fênhx zis. Iz cxiê ntu tsi muôx trox yêz muôs zos tiv têx doanh nghiệp phênhz pheiz trox tuôx tsi txâuk./.

(Đinh Tuấn-Riê Lâux cxeik, nhênhv)