Sơn La, thax tsav ntus đriv hâur faz Tây Bắc buôk têz qơưk Lào hâur têx shông đhâu tưz lok six sir jos uô lơưr têx tsênhv chei đối ngoại, hâur co muôx sik paz lok sâuv kriê txux chi tsưr ziv uô hâux lưv nhoz 2 têz qơưk. Uô têx luôs hâux lưv siz chos cir ntơưr sik paz hâur cxuô cêr nuv nhoz tỉnh Sơn La thiêz chor tỉnh Bắc Lào, txix shông 1969 txos nhiv no, tỉnh Sơn La tưz paz kriê txux chi tsưr ziv uô hâux lưv trâu chor tỉnh Bắc Lào yênhx cxênhz lênhx canr bôv, shux xênhz nhoz têx qơư zoz zux hâur thax tsav. Thôngz sâu txix shông 2015 txos nhiv no, tưz muôx zuôr xar 3 cxênhz lênhx shux xênhz Lào tuôx cơưv ntơưr ntơưv tỉnh Sơn La; 2.100 ntâu lênhx hâur chor shux xênhz no tưz cơưv tiêr txux chi thiêz tror muk têz qơưk uô hâux lưv. Iz chas co, tsênhv muôx 600 ntâu lênhx canr bôv nhoz têx tỉnh Bắc Lào tâu tuôx cơưv luk Choz Tsiz ntơưv Sơn La thiêz. Têx luôs hâux lưv sir jos uô tâu li heik sâuv muôx liv lok six jông thiêz zov chênhr hâur tuôr truôx, huôv tsar Sơn La thiêz chor tỉnh faz Bắc, Lào li cêr coaz siv fôngx sik thôngx siêz, siz hluz siz paz./.

 (Lê Hạnh-Riê Lâux cxeik, nhênhv)

Phuôx huiz pưk txux “Nênhs lâul uô ntêx hlo”, yênhx cxênhz lênhx nênhs lâul hâur tas nro tỉnh Sơn La tâu bâux thiêz chiê uô Bí thư chi bộ, tsar jok, tổ trưởng dân phố, canr bộ chor tsưr tsix đoanx thêv chinhr triv-xar hôiv, cxaz chuôz tôv an ninh ntơưv thax tsav qơư. Đuô li, tas nro tỉnh tsênhv muôx 430 nênhs lâul uô tsưr trang trại, tsưr doanh nghiệp, muôx phênhv sâu txix 100 triệu đêiv tror sâur iz shông. Txix shông 2016-2021, tưz muôx 3.123 lênhx nênhs lâul tâu côngz jênhv txơưx uô kinh doanh cxuô cấp. Chor hôiv viên tsênhv gôngr côngv yênhx châuv tiv đêiv, muôz muôx nhos 600.000 thiêr ndis ar thiêz yênhx cxênhz hnuz côngz lox tôngv uô cêr muk lok hâur jêx jok, cxiv tsa chor côngz trinhx phúc lợi xar hôiv nhoz têx jêx jok, xar, sir jos uô sêi hâux lưv cxiv tsa jêx jok yiêz ntơưv cxuô thax tsav qơư. Nhiv no tỉnh Sơn La tưz yênhx lix tâu muôx 36 câu lạc bộ sik côngv siz paz./.

(Bích Thủy-Lik Thox cxêik nhênhv)

  Trơưk li têx luôs hâux lưv ntâuk grê lok sâuv chox kriê, seiz car thiêz ntâuk grê tsơưr lươngv phưx vưv tsôngv pêx xênhv, doanh nghiệp hâur uô cxuô zav ntâuz ntơưr hâur điện tử, Lào Cai sơưr tiv 4 hâur 63 tỉnh, TP. Iz chas co, têx luôs hâux lưv uô tâu jông zos: Côngz fênhx, tsênhz mênhx; uô tâu sei, huv đros pêx xênhv tsưr ziv, siêz xar…. Lào Cai nhiv no muôx iz cxiê luôs hâux lưv tưz uô tâu huv đros./.

(An Kiên-Riê Lâux cxeik, nhênhv)

Hnuz 29/9, Cơ quan Cảnh sát qênhz yuôx, Công an thành phố Điện Biên Phủ, tỉnh Điện Biên tưz muôx cuêz tênhv khởi tố txuz án thiêz cxov cơư tsês Phạm Văn Sinh, tsar jok Chế Biến, xar Thanh Luông, huyện Điện Biên lok kror cxâuv nziêk đas zuôr nhiêx txiêx cxuô zav, cui tênhv ntơưv ntu 1, Grê 353, Bôv chêi Hình sự. Uô ntêx co, hnuz 30/6/2022, Cơ quan Cảnh sát qênhz yuôx Công an thành phố Điện Biên Phủ txêik tâu zơưv Vũ Văn Tuấn li ntơưr pênhr lok hâux lưv: Shông 2021 Ủy ban thành phố Điện Biên Phủ tưz tso tơưv cuêz tênhv sâu tsês thiêz pâux nzir trâu zơưv Hải li 374,5 thiêr ndis ar jênhv thầu txix Ủy ban xar Thanh Luông (shông 2018) chiê uô nox, chos kôngz lôngk, ntơưv tôv dân phố 1, phường Thanh Trường, thành phố Điện Biên Phủ chiê phưx vưv trâu dự án kho đuô qơư tsar đrêk yêz za Điện Biên. Txos nhiv no zơưv Hải tưz txêik tsik tâu tâu têx nhiêx pâux nzir co, tiv trâus zơưv Phạm Văn Sinh, tsar jok Chế Biến muôx zôngv tas lơưv./.

(Vũ Lợi-Lik Thox cxêik nhênhv)