Hnuz 2/7, zơưv Trần Cẩm Tú, Ủy viên Bôv Chinhr triv, Bí thư Trung ương Đảng, Chủ nhiệm Ủy ban Qênhz yuôx Trung ương, đros Đoanx đại biểu Côx hôiv tỉnh Lào Cai tưz njiz cử tri ntơưv thị xar Sa Pa đhâu jiês cơư tiv 7, Côx hôiv khóa 15. Cử tri ntơưv Sa Pa hêik thôngx ziv đros jiês cơưv thiêz hêik txos iz cxiê kror li uô jông têx tsênhv chêi trâu thax tsav tsôngv box mênhx cxưx tsơưs nênhs đhâu thâuv uô tiêr cxiv tsa jêx jok yiêz; paz pênhr chiê uô tiêr cêr vax tsêr cxuô zav; kho đuô ar jôngr chiê pêx xênhv truôx tuk luz nênhx… Zơưv Trần Cẩm Tú ntâuk gri siêz cử tri têx ziv chênhv thiêz sâu tsês têx ziv chênhv co. Đros co, hêik pâuz nzir lok qênhx shênhx kinh têr-xar hôiv, tiv zix zos côngz xưv cxiv tsa, kho đuô Đảng thiêz phax tar nox nhiêx têz qơưk. Zơưv Trần  Cẩm Tú hêik cxuô cấp ủy Đảng, chinhr quyền thiêz pêx xênhv Sa Pa tror sik côngv siêz, hla đhâu têx phiv liv thiêz uô truôx jông lơưr Đảng têx Nghị quyết, Têz qơưk têx cêr chêi./.

An Kiên-Lik Thox cxêik nhênhv

Tỉnh Sơn La tsênhv chêx chôngk têx pênhr jos chiê car chêx têx phêv liv, cxơưz tiês muôz pênhr côngz yưv uô hâur 6 luz hlik kaz shôngk shông 2024. Tas nro têx pênhr yưv côngz tỉnh Sơn La tâu choz hâur shông no zos 4 cxênhz 300 tỷ đeiv. Hâur co, tsưr ziv yưv pênhr shông tov ntêx truz ntêr txos shông tov kaz no zos 500 tỷ đeiv; tsưr ziv pênhr shông 2024 zos 3 cxênhz 800 tỷ đeiv. 6 luz hlik hâur shôngk shông, tas nro tỉnh Sơn la tưz muôz 1 cxênhz 130 tỷ đeiv; tax 31% tsưr ziv muôz pênhr; siêz đuô phênhv chungz fênhx tas nro têz qơưk. Iz cxiê tsưr yưv pênhr muôx chêx cuk muôz pênhr jông li: Bộ chỉ huiz Bộ đội pênhz phax tỉnh tax zuôr xar 62%; huyện Mường La tax 53% ntâu; huyện Quỳnh Nhai tax 51% ntâu tsưr ziv muôz pênhr nhiêx. Zơưv Nguyễn Văn Tâm, Phưv Chủ tịch UB huyện Mường La, tỉnh Sơn La puz pâuz:

“Pêz lok six seiz shuôk jông, đros côngz xưv thi công uô 3,4 ca chiê têx dự án tưz tâu têz qơưk yưv pênhr nzor tâu uô tiêr thiêz phuôx huiz chêx cuk. Taz sik, hâur ntu uô muôx têx phêv liv, tiv zix zos car chêx ar têz đros phênhv ntâu têx dự án lox muôx lênhx coaz txos sâu ar. Tiv zix zos côngz xưv njuôs xav tsênhz mênhx chiê cxiv tsa têx dự án. Đrâuv co, thax tsav Mường La tsuv thâux chuôz zênhx li môngr jêz siz, poz jêz…txix têx qơư txơưr lok, viv li grê chuôz ndê siêz cux njiz ntâu phêv liv”./.

(VOVTB-Txâur Vax cxeik nhênhv)

Hnuz 1/7, Công an tỉnh Điện Biên tưz tsưr tsix kriz uô ntơưr căn cước công dân trâu chor nhuôs tsik tâu muôx 14 shông. Chor nhuôs đhâu nriêr pâuz tsuv uô ntơưr căn cước zos xar muôx 198.000 lênhx nhuôs txix 0-14 shông. Trung tá Đinh Xuân Tuyên, Đôiv trưởng đôiv sêiz car qơư nhoz, căn cước công dân, Phòng Cảnh Sát sêiz car hành chính lok ngaz tuk xar hôiv (PC06), Công an tỉnh Điện Biên puz pâuz: Hâur hnuz xuz thơưx kriz uô, Công an tỉnh Điện Biên tưz bax 11 tôv mêir đros muôx 80 lênhx canr bôv chiến sĩ cxaz chuôz, kriz uô nriêr pâuz xor mông, uô ntơưr căn cước công dân trâu chor nhuôs tsik tâu muôx 14 shông ntơưv 10 huyện, thị xar, thành phố. Hâur hnuz xuz thơưx tưz uô tâu xar muôx 500 ntâuz ntơưr cxuô zav. Đros tỉnh tox siêz Điện Biên, no zos tsênhv njiêz yiêz nhiv kruôr tâu kriz uô viv li tsênhv njiz ntâu kror phiv liv li: chor nhuôs hnuz nhôngs tsênhv kik, lax niêk têx zik têk…/.

Vũ Lợi-Lik Thox cxêik nhênhv

Đhâu 3 hnuz trâus plox mông, njuôs xav zos trâus đêx nas cuôr yôngz, 2 tul mê nhuôk iz lênhx xênhz shông 2014, iz lênhx xênhz shông 2017, mênhx cxưx Hmôngz nhoz jos Lao Hàng Chải, xã Hoàng Liên, thị xã Sa Pa, tỉnh Lào Cai tưz tâu nriêr pov. Xor mông txix chính quyênx tiv phaz puz pâuz, 2 lênhx mê nhuôk no tâu nriêr pov sâuv trur tsêr yôngx tiv 3 thax tsav qơư cơưv ntơưr hâur tsêr cơưv cxênhx iz Lao Chải, xã Hoàng Liên, thị xã Sa Pa. Lơưr tul mê nhuôk xênhz shông 2014 li luk heik kriê, tar su hnuz 29/6, 2 lênhx siz zâuv muk tov tul đêx ntês njês. Txos zar hnuz keix tror lok tsêr cơưv Lao Chải chiê ntês nôngk. Thâuv ndê muk sâuv trur tsêr 2 lênhx mê nhuôk gris tsi tâu. Viv tsênhv zos ntu so cheix so sor, iz ndis tsêr cơưv muôx tsơưs lênhx nênhs muk lok đhâu, viv li 2 tul mê nhuôk tưz hu taz sik mak tsi muôx lênhx tưv pov. Tas cik hnuz xiêz 2/7, têx cưk kriê thiêz nhân viên por vêv tsêr cơưv Lao Chải tuôx krêz trôngx chiê gra chuôz zênhx phưx vưv uô mor nox trâu lưx lươngv nriêr zok hâur xã, thiêx hnor 2 tul mê nhuôk no hu chơưv paz sâuv trur tsêr viv li ndê muk sei thiêz pov 2 tul mê nhuôk no zos 2 tul mê nhuôk trâus plox mông 3 hnuz ntâu đhâu. Thâuv chox tâu mê nhuôk lok tsêr thiêz chox lok seiz njuôs ntơưv tsêr kho moz đa khoa thị xã Sa Pa, đas jos 2 lênhx mê nhuôk tưz jông đuô nox hâuk tâu thiêz tâu sđ sik thav./.

(An Kiên-Txâur Vax cxeik nhênhv)