Đros trâu yênhx tsov lênhx shux xênhz hâur tas nro têz qơưk, hnuz xiêz 05/9, shux xênhz chor tỉnh tox siêz faz Bắc shir phaz lus tok krêz shông cơưv yiêz. Tsi thôngx li shông uô ntêx tsuv krêz shông cơưv đhâu sâuv mạng xã hội thiêz hâur lớp cơưv chiê phax tar moz Covid-19, shông no têx nhuôs tâu tok iz shông cơưv yiêz ciês ntơưv tsêr cơưv đros trâu cxix cxuô têx lênhx cưk kriê thiêz têx fôngx zưs đros cơưv uô cê. Tiv tsêr cơưv trâul đêx nas ngaz, 200 ntâu lênhx shux xênhz tsêr cơưv cxênhx 2 Tạ Khoa, xã Tạ Khoa, huyện Bắc Yên, tỉnh Sơn La dưv krêz shông cơưv yiêz ntơưv tsêr vênhx huôv jok Nhạn Nọc, kuôk đêz tsêr cơưv muôx 300 thiêr.

Zuôr xar 151 cxênhz lênhx shux xênhz cxuô cấp hâur thax tsav tỉnh Lai Châu hnuz xiêz 05/9 cux shir phaz lus đros sơưr đơưk tuôx hâur tsêr cơưv krêz shông cơưv yiêz, đros thiêz sir jos “sik thôngx siêz, xar tơưv têx tsưr ziv jông, moz siêz cơưv txux chi cov tâu jông”./.

(TTTB-Riê Lâux cxeik, nhênhv)

Ntơưv tỉnh Yên Bái, 447 luz tsêr cơưv ntơưr, 227 cxênhz lênhx shuv xênhz tưz shir phaz lul tuôx cơưv trâu shông cơưv yiêz.

200 cxênhz ntâu lênhx shuv xênhz hâur 600 luz tsêr cơưv txơưr đuô nhoz thax tsav tỉnh Laox cai tưz tuôx cơưv ntơưr hâur shông cơưv yiêz 2022-2023 huv đros luôs hauax lưv tso tơưv.

Shông cơưv no, tỉnh Điện Biên muôx 7400 ntâu lớp cơưv; 200 ntâu cxênhz lênhx shuv xênhz; tsar ndê 60 lớp cơưv thiêz tsar ndê 3 cxênhz lênhx shuv xênhz./.

                                Tsu cxêik nhênhv-TTTB-Huyền BT

Txix têx lênhx shux xênhz zôngx ziv trâul tso ntơưr tsês viv chuôz zis txov nhêv, niêv txir tsi yuô moz siêz txos têx nhuôs cêr cơưv txux….., nhiv no txix chor canr bôv, chiến sĩ tuz lênhv pênhz phax li cêr txoz cxơưx, choz kriê cêr uô nênhx, têx nhuôs tưz tâu muk cơưv txux thiêz sir jos cov yênhx lênhx nênhs muôx liv trâu têz qơưk. Hâur ntu zar tov kaz no, tuz lênhv pênhz phax têx lênhx nhuôv puôs zuôr zos têx lênhx nênhs đros cxaz chuôz tsưx phưv têz qơưk, thax tsav đriv têz. Tâu canr bôv, chiến sĩ Zênhx pênhz phax Pa Thơm paz cxơưz muk cơưv txux txix thâuv shông cơưv lớp 6, txos nhiv no Lò Văn Nhất, xênhz shông 2004, nhoz jok Pa Xa Lào, xã Pa Thơm, huyện Điện Biên, tỉnh Điện Biên nhiv kruôr cơưv tas ntơưr lớp 12. Chiê tror muk cơưv ntâuz cơưv ntơưr, Nhất tưz đas cir muk cơưv trâu tsêr cơưv Đại học Bách Khoa Hà Nội. Đros thiêz chor điểm tưr thik tâu zuôr xar 29 điểm, Nhất thiêz chuôz zis cux xưk li têx canr bôv, chiến sĩ Zênhx pênhz phax Pa Thơm lok six shir phaz thiêz vav chiê siêz Nhất zuôr tâu tsêr cơưv Đại học hu muk cơưv./.

 (Báo ĐB-Riê Lâux cxeik, nhênhv)

Hâur têx hnuz so xiêz 2/9/2022, tỉnh Laox cai tưz muôx 9.549 lênhx tâu cxax yuôx vắc xin tir thêir caz moz Covid-19. Huyện Văn Yên zos tsênhv qơư muôx chôngz lênhx tâu cxax yuôx vắc xin zos 2 cxênhz ntâu lênhx.

Trơưk li ngênhx y tế thôngz sâu, xav txos trâu nhiv no, chor muôx 18 shông tror sâu tâu cxax côngz yuôx tiv 3 tax tâu 92%; chor cxax côngz tiv 4 tax tâu 68%; chor muôx 12 txos 18 shông tror zar hâur  tax tâu 60%; chor mê nhuôv txix 5-12 shông tâu cxax côngz yuôx vắc xin tiv 1 tax tâu 95%. /.

                                        Tsu cxêik nhênhv-BLC -Huyền BT