Đros kho đuô têx trâus coz chuô sôr 10 uô ruôr hiêv, tỉnh Lào Cai tsênhv sir jos kriz uô têx tsưr ziv phax tar coz chuô sôr 11.

           Chủ tịch Ủy ban tỉnh Lào Cai Trần Huy Tuấn puz pâuz, uô lơưr Thủ tướng Chinhr phuv công điện, tỉnh tưz muôx ntâu ntâuz ntơưr chox kriê chor sở, nganhx, thax tsav qơư tsêx trung kho đuô ar poz, paz trâu chor cêr muk lok tâu thôngz txos trâu chor jêx jok; đros co bax têx yêz, chuôz zênhx ntơưv têx qơư ngaz tuk, bax chiê phax tar cxuô kror phiv liv yiêz muôx yưv.

            Tỉnh cux bax nênhs, chuôz zênhx ntơưv têx qơư phiv liv chiê kriz uô tâu ciês côngz xưv chơưv paz, paz ngaz tuk jông trâu lênhx nênhs: “Tỉnh tưz chox kriê tas nro cxuô thax tsav qơư muôx chor pak đêx mak tsuv qênhz yuôx, đuô li têx qơư phiv liv cux tsuv qênhz yuôx cov jông thiêz muôx tsưr ziv; bax txar qơư nhoz trâu pêx xênhv muk trâu têx qơư ngaz tuk. Sâuv iz cxiê ntu cêr nhiv no nhiv kruôr kho đuô tiêr, tsênhv tsik tâu khor truôx, thâuv muôx nas lok mak zuôr txưr tsik khênhr chor yêz thiêz nênhs muk lok đhâu”./.

Đinh Tuấn-Lik Thox cxêik nhênhv

             Ntux lok nas ntêr hâur têx hnuz đhâu uô đêx sâuv têx pas đêx tênhv nhoz Sơn La, Lai Châu pur siêz, ntâu tsêr meir tsuv tso đêx chiê taz por. Zar hnuz keix hnuz xiêz 6/10, Công ty đêx tênhv Sơn La puz pâuz, đêx sâuv pas đêx tênhv pur siêz, taz sik tưz thix ziv thiêz krêz 1 qơư tso đêx txix 4 six zar hnuz keix đros hnuz.

            Ntơưv têx pas đêx tênhv Huổi Quảng thiêz Bản Chát, đêx pur siêz đuô fênhx yax. Txix njuôs pov coz nas chuô số 11 zuôr tror uô ntux lok nas lox, công ty đêx tênhv Huổi Quảng- Bản Chát njuôs xav tso đêx txix 8 six tsâus ntux hnuz xiêz 6/10, tsov lơưr qênhx shênhx chiê tso đêx. Têx công ty đêx tênhv tưz thôngz pov txos chính quyênx tiv phaz thiêz heik tsôngv box nhoz thax tsav kis chuv tôngv phax tar, taz por thâuv têx pas đêx tênhv tso đêx./.

Thu Thùy-Txâur Vax cxeik nhênhv

            ỦY Ban tỉnh Lai Châu nhiv kruôr muôx Công điện sêi đrơưv hêik cxuô cấp, nganhx, thax tsav qơư bax phax tar muôx lok nas lox, đêx ngaz cuôr, ar poz tiv coz chuô sôr 11, tiv zix bax cov ngaz tuk jông zoz thôngz ntơưv têx qơư phiv liv.

           Lơưr njuôk xav, coz chuô sôr 11 zuôr uô muôx lok nas lox, zôngx ziv muôx đêx ngaz cuôr, ar poz. Ủy ban tỉnh hêik chiê nênhs seiz jor, qênhz yuôx thiêz kriê trâu chor yêz muk lok cov ngaz tuk, tiv zix zos ntơưv chor qox hla đhâu đêx, têx qơư muôx đêx ngaz toz, bax txar pêx xênhv muk trâu têx qơư ngaz tuk thiêz bax cov cxix cxuô zav, zav nox, nênhs lơưr tsưr ziv 4 ntơưv qơư.

          Tỉnh hêik chinhr quyền thiêz pêx xênhv sêiz shuôk jông, tsik tso siêz thiêz paz cov ngaz tuk jông trâu lênhx nênhs thiêz vax tsêr cxuô zav./.

Khắc Kiên-Lik Thox cxêik nhênhv

           Iz jiês ntux lok nas đros chuô lox hâur tas cik hnuz xiêz 6/10 ntơưv xã Pú Nhung (huyện Tuần Giáo kuz), tỉnh Điện Biên, xoz  tưz tuô uô 2 niêv txir trâus tuôs thâuv tsênhv muk uô têz. Ntux lok nas lox uô tox poz, ntâu cêr zaoz thôngz muk lok tsi tâu sâuv thax tsav xã no. Zơưv Nguyễn Văn Bách, Chủ tịch UB xã Pú Nhung puz pâuz: Thâuv 10 six tas cik hnuz xiêz 6/10, thâuv muôx ntux nas lox, muôx 2 niêv txir, tul txir xênhz shông 1973, pox niêv xênhz shông 1975 nhoz jos Kề Cải, xã Pú nhung tsênhv uô têz txơưv trâus xoz tuô tuôs ciês ntơưv qơư. Ciês thâuv jênhv tâu thôngz pov, chính quyênx xã Pú Nhung đros têx lưx lươngv công an, quân sự thiêz đoanx thêv tưz ciêr chênhr tuôx ntơưv qơư chiê paz txưv, tôngv vênhx chuôz zis thiêz sik đros phêiz kênh têx cêr pôngz siêz no./.

Vũ Lợi-Txâur Vax cxeik nhênhv