Uỷ ban tỉnh Đoiện Biên nhiv kruôr fuô 4 quyết tênhv trâu 4 lênhx uô hâux lưv sêiz car cấp sở, ngênhx thiêz tsênhv qơư. Zơưv Nguyễn Hữu Hiệp, chủ tịch uỷ ban huyện Mường Ẳng tâu tso uô Giám đốc Ban sêiz car dự án côngz trênhx kôngz nuv tỉnh. Zơưv Vũ Văn Đức, chủ tịch uỷ ban huyện Tuần Giáo tso uô phưv Giám đốc sở laox tôngv-xã hội. Pos Hoàng Tuyết Ban, chủ tịch uỷ Ban huyện Tủa Chùa tso uô Giám đốc  sở ngoại vụ. Zơưv Xuân Linh, chủ tịch uỷ ban thị xã Mường Lai, tâu tso uô phưv Giám đốc sở khoa học công nghệ./.

                                Tsu cxêik nhênhv-Vũ Lợi -Huyền BT

Hnuz xiêz 06/9, Uỷ ban tỉnh Lai Châu nhiv kruôr cơưv côngz fur Quyết tinhv xeir zuôr Giám đốc Đeix nta suôz thiêz xa đuôz tỉnh. Iz chas co, pos Nguyễn Thị Ngọc Hà, Phưv Tổng Biên tập ntơưr pov tsir Lai Châu tâu tso lok uô Giám đốc Đeix nta suôz-xa đuôz tỉnh, six hơưv zos 5 shông xav txix hnuz xiêz 01/9/2022.

Muôz Quyết tinhv xeir zuôr Giám đốc Đeix nta suôz-xa đuôz tỉnh thiêz heik choz hâux lưv, Chủ tịch Uỷ ban tỉnh Lai Châu Trần Tiến Dũng phôngv jông pos Nguyễn Thị Ngọc Hà tưz tâu xeir uô Giám đốc đeix nta suôz-xa đuôz tỉnh, iz chas co heik pos Hà sir jos lês uô jông têx hâux lưv tâu choz, sir tas zuk têx txux chi tsưr ziv jông uô ntơưr pov tsir chox car sơưr đơưk uô têx nuv sâu xor xưv, nta suôz, xa đuôz; sik thôngx siêz đros sơưr đơưk hâur qơư uô hâux lưv, uô tiêr cxuô luôs hâux lưv tâu choz./.

 (Khắc Kiên-Riê Lâux cxeik, nhênhv)

Tỉnh Laox cai sir jos txos shông 2025 muôx 50% lênhx laox tôngv hêir nênhs tsơưs tâu cơưv đhâu hâux lưv uô huv đros tsưr ziv siêz xar. Hâur ntu no, tỉnh Laox Cai tsênhv kriê cơưv uô hâux lưv trâu chor laox tôngv hêir nênhs tsơưs, muôx tsưr ziv pâuz lok khoa học công nghệ, huôv tsar cêr uô nox. Cxuô ngênhx cik txos tsuv đros cxuô tsênhv qơư uô truôx jông luôs hâux lưv, zok nriêr hâux lưv trâu laox tôngv uô cov huv đros thax tsav qơư nhoz, iz thênhv jux juk txo grêk tâu yêiz pluôs./.

Tsu cxêik nhênhv-An Kiên -Huyền BT

Phongx Cảnh sát thi hành án hình sự thiêz paz max têx chei têz qơưk, Công an tỉnh Yên Bái nhiv kruôr vênhv tôngv thiêz ntêk tâu Hà Thị Thơm (muôx iz luz bê hu txơưr zos Hà Thị Lệ), xênhz shông 1975, nhoz xã Phù Nham, huyện Văn  Chấn, tỉnh Yên Bái lok sâuv zuôr muôs lênhx nênhs. Trơưk li cơ quan qênhz yuôx, shông 2002, Hà Thị Thơm uô cxâuv têx li heik sâuv thiêz trâul cơ quan muôx vax huôv qênhz yuôx, ntêk tâu. Tiv thâuv ntu co Thơm tsênhv muôx mê nhuôv mê viv li tsi ntêk cơư taz sik txưr tsi khênhr muk đhâu thax tsav qơư nhoz. Đhâu co Thơm tưz nhiês cêr khiêr trâu saz Trung Quốc. Cơ quan Cảnh sát qênhz yuôx, Công an tỉnh Yên Bái tưz tso tơưv Quyết tinhv yơưz phơưz Hà Thị Thơm. Đhâu vênhv tôngv thiêz txix têx tsưr ziv uô hâux lưv, Thơm tưz tuôx lênhk zuk têx cêr cxâuv ntơưv Công an. Nhiv no Công an tỉnh Yên Bái tsênhv uô têx ntâuz ntơưr chiê muôz tik cêr cxâuv trơưk li chei têz qơưk cui tinhv./.

(TTTB-Riê Lâux cxeik, nhênhv)