Cxuô cơ quan tỉnh Lào Cai tsênhv taz tov sik côngv đas jos, tsưr ziv kho đuô têx trâus nas chuô uô puôk tsuôx muôx yưv hâur hnuz xiêz 7/10; ntơư zos uô puôk tsuôx 3 ziv chuôz zis vax tsêr thiêz ar poz cxuz tas ntu cêr 70 muk đhâu xã Phong Hải (Lào Cai). Ntơư zos muôx yưv thâuv 9 six têis cik hnuz xiêz (7/10), muôx xar 15.000 thiêr khối ar, poz jêz poz pêv hâur trôngz lok cxuz cêik cêr 189 txox cêr 70,  ntu muk đhâu jos Nậm Chủ, xã Phong Hải, tỉnh Lào Cai. Ntơư zos ar thiêz poz jêz poz lok cxuz tas hur si txox cêr thiêz uô puôk tsuôx tas 3 ziv chuôz zis vax tsêr, chuôz zênhx, chuôz tav. Taz sik, hmôngr jông, tsik uô puôk tsuôx li chas txos lênhx nênhs txix siê. Trơưk li hâu nov ntơưv qơư, hâur thax tsav tox poz co, tưz pov muôx yưv trâu thâuv 6 six têis cik sơưr nzor. Đhâu co, hâu nov thiêz px hâur thax tsav xã co tưz tuôx muôx njêx muôs đros yêik hur si chor chuôz zis hâur thax tsav co muk đhâu thax tsav qơư riêz nênhs./.                                          

An Kiên-Tsu cxêik nhênhv

          Ủy ban tỉnh Lào Cai nhiv kruôr tso tơưv ntâuz ntơưr sôr 2768 lok sâuv nduô tsês tsi uô ntênhs hội Vênhx huôv, Ju lix Mường Lò shông 2025, njuôk xav tsưr tsix lok kaz hli 10. Quyết định tâu tso tơưv tiv coz nas chuô sôr 10 uô ruôr hiêv hnhar, tsênhv thâuv tưz tror muôz nzir coz nas chuô lox sôr 11 uô lok nas hloz.

          Ủy ban tỉnh heik cxuô sở, ngênhx, ntơưv qơư sir jos cxiv kho têx tsi jông, trâus puôk tsuôx tiv đêx nas uô thiêz bax phax tir thêir coz nas chuô yiêz; iz chas ntơư nhênhz chơưv nthuôr uô têx txux chi vênhx huôv, ju lix ntơưv thax tsav Mường Lò huv đros hâur ntu zuôr txos./.

Thừa Xuân-Riê Lâux cxeik, nhênhv

         Têis cik hnuz xiêz 7/10, ntơưv jiês cơưv hêik lok Đại hội Đảng bộ tỉnh jiês tiv 15 tỉnh Điện Biên hêik pâuz, sir jos txos shông 2030 cov yênhx tỉnh huôv tsar  truôx pir li hâur thax tsav. Đại hội zuôr kriz cơưv txix 14 txos 16/10 trâu ntơưv tsênhv qơư tsêr cơưv Hội nghị vênhx huôv tỉnh, zuôr muôx 358 lênhx đại biểu chính thức, hlôngr njêx muôs trâu 49.000 ntâu lênhx đảng viên. Xav txos trâu nhiv no, 49 đảng bộ tưz uô tiêr đại hội; hâux lưv uô cxuô ntâuz ntơưr, lênhx nênhs tưz bax tâu cxix cxuô, zos đrêiv quy tênhv.

          Hâux lưv yax kriê, tsưx phưv truôx an ninh tâu fuô uô huv đros, shir phaz lul tok kriz cơưv Đại hội.

         Luôs hâux lưv uô bax tâu cxix cxuô, Điện Biên tưz shir phaz lul tok hnuz kriz cơưv thiêz fuô uô cxuô luôs hâux lưv hâur ntu 2025 – 2030./.

Vũ Lợi -Tsu cxêik nhênhv

             Txix ntâu tiêv lok no, nênhs Hmôngz nhoz Lai Châu cux tsênhv tuôr tâu tsês txux chi uô ntâuz xor, xơưs tsôngk tril yo hnar xưk li iz txux chi vênhx huôv jông muôx đros đreiv luz nênhx tsi chiê pôngz plox. Txos nhiv no, têx txux chi ntơư tsi tiêk xơưs uô hnar hâur niêx hnuz, tsênhv krêz hâu cêr yiêz trâu huôv tsar ju lix truôx, reik đros vênhx huôv côngv thôngx hâur thax tsav qơư. Zơưv Tsaz Xênhv Hav, tsar jok Lao Tỷ Phùng, phường Tân Phong heik pâuz: “Tsôngv pêx xênhv hâur jok luôs hâux lưv muôz chiêz mur cok ntâuz uô txêix pax, jông jav tưz iz txưv muôx thâuv nzor lok, iz tiêv đhâu iz tiêv , iz cxênhx đhâu iz cxênhx chiê sik đros por hưv, tuôr tsês. Pêz tsênhv yax kriê, vênhv tôngv tsôngv box tsuv tuôr tsês jông têx txux chi vênhx huôv ntơư tsi chiê pôngz plox”./.

Khắc Kiên-Riê Lâux cxeik, nhênhv