Hnuz 8/9, Tsưr tsix Tầm nhìn ntiêx têz ntơưv Việt Nam sik côngv đros Hôiv chữ thập đỏ tỉnh Điện Biên kriz uô dưv anr “Chơưv paz sêi đrơưv trâu côngv thôngx trâus ntux nas chuô uô ruôr hiêv tiv lok nas lox ntêr hnuz txix 1/8/2025 uô ruôr hiêv txos ntơưv tỉnh Điện Biên”. Dưv anr chơưv paz sêi đrơưv tâu kriz uô hâur hli 9 thiêz hli 10 shông 2025, ntơưv 6 hâur chor xar trâus ruôr hiêv hnhar tiv zix nhoz tỉnh Điện Biên zos: Xa Dung, Tìa Dình, Mường Luân, Na Son, Phình Giàng thiêz Pu Nhi. Dưv anr sir jos paz ndar six hơưv trâu chor nhuôv zâu thiêz chuôz zis trâus ntux nas chuô uô ruôr hiêv, đros co zos chuôz cxaz phax tar ntux têz uô ruôr hiêv thôngz đhâu chor hâux lưv tâu kriz uô. Tsênhv tsênhz, paz nhiêx txiêx trâu ntau kror, njuôk xav muôx 490 ziv chuôz zis ntơưv chor xar trâus ruôr hiêv hnhar zuôr tâu paz chor nhiêx muôx 2,5 triệu đêiv iz ziv chuôz zis, paz iz jiês. Đros chor nhiêx no, chor chuôz zis zuôr zôngv chiê zuôr têx kôngz krâur, zav nox, chuôz zênhx cơưv ntơưr, chuôz zênhx sir zôngv hâur chuôz zis, thiêz têx chuôz zênhx txơưr chiê đơưk kho têx trâus ruôr hiêv. Pos Vũ Thị Nga-Giám đốc Sêiz car kriz uô, Tsưr tsix Tầm nhìn ntiêx tez ntơưv Việt Nam hêik mênhx: “Iz hâur têx tsiv gri zov chênhr co zos pêz zuôr paz sir jos phax tar, hâur qênhx shênhx sêi đrơưv, pêz tưz uô hâux lưv đros thax tsav qơư chiê kriz uô têx hâux lưv chơưv paz chiê paz trâu pox nhuôs đơưk kho têx trâus ruôr hiêv thiêz sir paz cov truôx tuk jông luz nênhx trâu chor nhuôv zâuv nhoz sâuv thax tsav”./.

Vũ Lợi-Lik Thox cxêik nhênhv

          Nhoz xã tox siêz Lâm Thượng, tỉnh Lào Cai, pox nhuôk nênhs Cho ntâu cxênhx nênhs lok no tsuôk pâuz uô liêx têz, chiv chir uô chiv chir sir zôngv. Têx shông tror lok no, khov hlôngr yiêz siêz xar, tsưr ziv uô, ntâu ziv chuôz zis tưz sik tưr thik hlôngr yiêz ar têz chos ciêv fix, chos njuôs, sik côngv tsiv uô xiv huv kôngz-jôngr nuv ntơưv qơư, sir jos hla đhâu cêr pluôk, uô bluô nux ciês sâuv têz qơưk. Nhiv no tas nro xã Lâm Thượng muôx 400 ntâu hecta njuôs shôngz thiêz 240 ntau hecta ciêv fix. Iz shông ciêv fix thiêz njuôs shôngz chox lok phênhv sâu 175 tỷ đeiv, gôngr phênhv hlôngr yiêz nongx cxênhz, paz pox nhuôk hla đhâu cêr pluôk sâuv têz qơưk. Txix 2,3 tsoz ciêv fix thiêz njuôs shuôz, txos nhiv no niêv lâuk Trịnh Thị Thành, 36 shông nênhs Cho nhoz jos Bó Mi chuôz zis tưz muôx 100 ntâu tsoz njuôs shôngz thiêz ciêv fix....niêv lâuk Thành oz niêv txir tsênhv tsiv uô shôngz, ciêv fix thiêz krêz qơư muôv muôs hax huv, iz shông phênhv sâu muôx nhos 200 tsov đeiv. Niêv lâuk Thành pheiz kênh: “ Thâuv cơưv shâuv tsênhv tsênhz thiêz mnôngs đeix, nhênhv pov tsir paz zuk muôx cxaz chênhz zênhv chos ciêv fix, njuôs shôngz thiêz tsiv uô têx xiv huv trơưk công ty sâu zuôr li zoz qơưx, viv li grê muôs truôx tul. Nhiv no chuôz zis tsi khưr li thâuv ntêx lơưv thiêz, mê nhuôk tâu muk cơưv ntơưr cxix cxuô”./.

T.Xuân-Txâur Vax cxeik nhênhv

            Ntơưv jok Chu Va 8 (xar Bình Lư) tỉnh Lai Châu nhiv no muôx 200 ntâu ziv chuôz zis tu zus njêl tầm. Thâuv ntêx, muôx ntâu jiês yêz muk lok chiê zuôr njêl tầm, pêx xênhv cux sir jos uô cxuô kror cik txos. Nhiv no, gri chor njêl tầm grêk kik tsuôk muôs tâu xar muôx 100 cxênhz đêiv iz cir xưz lok cux tsik muôx nênhs zuôr chôngz. Kror no, uô trâu ntâu ziv chuôz zis tu zus ntâu cux tsuôk lav puz trâu njêl nox tsơưs đros siêz xar zuôr muôs tâu gri siêz đuô hâur ntu zuôr txos. Iz cxiê ziv chuôz zis tu zus tsơưs tsuv muôs sêiz đros gri zos 70 cxênhz đêiv iz cir chiê thêv têx nhiêx zuôr zav nox trâu njêl, nhiêv liv trâu chor pênhr nhiêx kir txêik hâur zênhx hangx uô ntêx co. Đros qênhx shênhx njêl tầm muôs tsik tâu, gri muôs grêk kik, chor cơ quan muôx vax huôv tỉnh tưz piz nriêr tsưr ziv đơưk tu. Zơưv Nguyễn Thành Đồng-Phưv Giám đốc Sở Kôngz nuv thiêz Tênhv qơư puz pâuz: Sở tsênhv chox kriê chor taz viv uô hâux lưv sêi đrơưv qênhz yuôx, ntâuk gri đuô tas nro qênhx shênhx; sik côngv njuôk xav gri muôs, chiê paz đơưk kho têx phiv liv no./.

Báo Lai Châu-Lik Thox cxêik nhênhv

           Hnuz đhâu xiêz 8/9, tsêr mnov Bảo Hà, tỉnh Lào Cai (nhoz sâuv thax tsav huyện Bảo yên, tỉnh Lào Cai kuz) tưz ntâuk đruôs krêz uô ntênhs phêv, zaz zâuv yênhx vav lênhx nênhs nhoz cxuô thax tsav qơư tuôx ndis seiz. Tsêr mnov Bảo Hà- zos qơư di tích lix xưv vênhx huôv têz qơưk zos qơư Quan Hoàng Bảy- iz lênhx hâu nov muôx côngz tir ntâuk trus châuz. Ntênhs phêv tâu tsưr tsix hnuz 17/7 zênhz lix niêx shông, tâu seiz zis hnuz txi côngv zơưv Hoàng bảy. Uô ntêx thâuv tsưr tsix ntenhs, tsôngv box tưz siz zâuv tuôx lok six chôngz chiê hlơưr shaz txi côngv...Đrâuv têx tsưr ziv tsưr tsix ntênhs chax chês, shông no tsênhv muôx jiês krêz uô vênhx ziv, muôx têx lênhx ca sĩ nto bê li Anh Thơ-, Đình Dũng, Hồ Quang Hiếu cxaz chuôz...đros thiêz tsưr tsix piêr kriê vênhx huôv, têx tsưr ziv uô si trâur lâuk jông./.

An Kiên-Txâur Vax cxeik nhênhv